ഇപ്പോൾ സോഷ്യൽ മീഡിയയിലും പത്ര ദൃശ്യ മാധ്യമങ്ങളിലും ചർച്ചാ വിഷയം ആയിരിക്കുന്നത് താര സംഘടനയായ ‘അമ്മ, നടിയെ ആക്രമിച്ച കേസിൽ കുറ്റാരോപിതനായ നടൻ ദിലീപിനെ സംഘടനയിലേക്ക് തിരിച്ചെടുക്കാൻ തീരുമാനിച്ച നടപടി ആണ്. തന്റെ നിരപരാധിത്വം തെളിയിക്കാതെ സംഘടനയിലേക്ക് ഇല്ല എന്ന് ദിലീപ് ഇന്നലെ പ്രതികരിച്ചു എങ്കിലും അതിനു മുൻപേ തന്നെ സംഘടനയുടെ തീരുമാനം വിവാദമായി മാറി. അമ്മക്കെതിരെ മാധ്യമങ്ങളും വനിതാ സംഘടനകളും രാഷ്ട്രീയ പാർട്ടികളും രംഗത്ത് വന്നു എന്ന് മാത്രമല്ല, കുറച്ചു ദിവസം മുൻപ് മാത്രം അമ്മയുടെ പുതിയ പ്രസിഡന്റ് ആയി സ്ഥാനമേറ്റ മഹാനടൻ മോഹൻലാലിന് എതിരെയാണ് ഇപ്പോൾ പ്രതിഷേധം കൂടുതൽ. ഈ വിഷയം ചില ഈർക്കിലി രാഷ്ട്രീയ പാർട്ടികൾ മുതലെടുക്കുക തന്നെയാണ് എന്നാണ് സിനിമാ പ്രേമികൾ പറയുന്നത്.. പ്രത്യേകിച്ചു മോഹൻലാൽ എന്ന മലയാളത്തിലെ ഏറ്റവും വലിയ താരത്തിന്റെ പേര് ഉപയോഗിച്ച് നടത്തുന്ന ഒരു പബ്ലിസിറ്റി സ്റ്റണ്ട് ആണ് ഇതെന്നാണ് പലരും പറയുന്നത്.
മോഹൻലാൽ പ്രസിഡന്റ് ആയി വന്നപ്പോൾ എടുത്ത തീരുമാനം എന്ന് ആരോപിച്ചു ഇന്നലെ കൊച്ചിയിൽ ഫിലിം ചേംബർ ഓഫീസിന്റെ മുന്നിൽ വെച്ച് രാഷ്ട്രീയ പ്രവർത്തകർ അദ്ദേഹത്തിന്റെ കോലം കത്തിച്ചു. എന്നാൽ ഇതിനെതിരെ ആരാധകരുടെയും സിനിമാ പ്രേമികളുടെയും പ്രതിഷേധം ഇരമ്പുകയാണ് ഇപ്പോൾ. ‘അമ്മ എന്ന സംഘടന കൂട്ടമായി ഒരു തീരുമാനം എടുത്തതിനു മോഹൻലാൽ എന്ത് പിഴച്ചു എന്നാണ് ഏവരും ചോദിക്കുന്നത്. അമ്മയിലെ ഭൂരിപക്ഷ അഭിപ്രായം നടപ്പിലാക്കുക എന്നത് മാത്രമേ മോഹൻലാലിനു സാധിക്കു എന്നിരിക്കെ, അമ്മയുടെ നിലപാട് അദ്ദേഹത്തിന്റെ വ്യക്തിപരമായ നിലപാട് എന്ന് കണക്കാക്കി അദ്ദേഹത്തെ അവഹേളിക്കുന്നത് ശരിയല്ല എന്ന നിലപാട് ആണ് സിനിമാ പ്രേമികളും ആരാധകരും കൈക്കൊണ്ടിരിക്കുന്നത്. മോഹൻലാൽ ആരാധകരോടൊപ്പം ഇതിനെതിരെ പ്രതിഷേധവുമായി മമ്മൂട്ടി ആരാധകരും രംഗത്ത് വന്നിട്ടുണ്ട്. മോഹൻലാൽ ആരാധകർ ഇന്ന് കൊച്ചിയിൽ ഇതിനെതിരെ പ്രതിഷേധ പ്രകടനം നടത്തുന്നുണ്ട് എന്നാണ് സൂചന. അതിനു പിന്തുണയുമായി മമ്മൂട്ടി ആരാധകരും രംഗത്ത് വന്നിട്ടുണ്ട്. മമ്മൂട്ടിയെ ലക്ഷ്യം വെച്ചും ഒരുപാട് പേർ നടത്തുന്ന വിമർശനങ്ങൾ ഈ വിഷയത്തിൽ മുന്നോട്ടു വന്നിട്ടുണ്ട്.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.