സംസ്ഥാന അവാർഡ് ജേതാക്കളെ അഭിനന്ദിച്ച് മോഹൻലാലും മമ്മൂട്ടിയും..

മലയാള സിനിമയിലെ താരരാജാക്കന്മാരാണ് മമ്മൂട്ടി, മോഹൻലാൽ എന്നിവർ. ഒരുപാട് ശക്തമായ കഥാപാത്രങ്ങളെ പ്രേക്ഷകർക്ക് ഇവർ സമ്മാനിച്ചിട്ടുണ്ട്. അഭിനയ ജീവിതത്തിൽ ഒരുപാട് നാഷ്ണൽ അവാർഡുകളും, സ്റ്റേറ്റ് അവാർഡുകളും ഇവരുടെ പകരം വെക്കാൻ സാധിക്കാത്ത പ്രകടത്തെ തേടിയെത്തിയിട്ടുണ്ട്. സംസ്ഥാന ചലച്ചിത്ര അവാർഡ് പ്രഖ്യാപനം ഇന്നായിരുന്നു. ഒരുകാലത്ത് മമ്മൂട്ടിയും മോഹൻലാലും മാത്രമായിരുന്നു മികച്ച നടനുള്ള സംസ്ഥാന സർക്കാറിന്റെ അവാർഡുകൾ വാങ്ങിയിരുന്നത്. കഴിഞ്ഞ കുറച്ചു വർഷങ്ങളായി ഒട്ടും തന്നെ പ്രതീക്ഷിക്കാത്ത കഴിവുള്ള കലാകാരന്മാരെ തേടി മികച്ച നടനുള്ള പുരസ്കാരം എത്തുന്നുണ്ട്. കേരള സ്റ്റേറ്റ് അവാർഡസ് വിജയികളെ അഭിനന്ദിച്ചു മമ്മൂട്ടിയും മോഹൻലാലും രംഗത്ത് എത്തിയിരിക്കുകയാണ്.

സംസ്ഥാന ചലച്ചിത്ര പുരസ്കാര ജേതാക്കള്‍ക്ക് അഭിനന്ദനങ്ങള്‍ എന്ന ഒറ്റ വാചകമാണ് മമ്മൂട്ടി സമൂഹ മാധ്യമങ്ങളിൽ പങ്കുവെച്ചത്. മമ്മൂട്ടിയുടെ അഭിനന്ദന സന്ദേശം വളരെ ചുരുങ്ങിയ സമയം കൊണ്ട് ശ്രദ്ധ നേടുകയായിരുന്നു. സുരാജ് വെഞ്ഞാറമൂടിനും കനി കുസൃതിക്കും ലിജോ ജോസ് പെല്ലിശ്ശേരിക്കും മറ്റെല്ലാ അവാര്‍ഡ് വിജയികള്‍ക്കും ഹൃദയം നിറഞ്ഞ അഭിനന്ദനങ്ങൾ. മുന്നോട്ടുള്ള യാത്രയില്‍ ഇനിയുമൊരുപാട് പുരസ്കാരങ്ങള്‍ ലഭിക്കട്ടെ, എന്നായിരുന്നു മോഹന്‍ലാലിന്‍റെ സന്ദേശം. വളർന്ന് വരുന്ന കാലകരന്മാരേയും കഴിവുള്ള നടീനടന്മാരെ അഭിനന്ദിക്കുന്ന കാര്യത്തിൽ മോഹൻലാൽ, മമ്മൂട്ടി എന്നിവർ എപ്പോഴും മുൻപന്തിയിൽ തന്നെയായിരുന്നു. ഈ വർഷത്തെ കേരള സർക്കാറിന്റെ മികച്ച നടനുള്ള പുരസ്കാരം സുരാജ് വെഞ്ഞാറമൂടാണ് കരസ്ഥമാക്കിയത്. വികൃതി, ഡ്രൈവിങ് ലൈസൻസ്, ആൻഡ്രോയ്ഡ് കുഞ്ഞപ്പൻ തുടങ്ങിയ ചിത്രങ്ങളിലെ പ്രകടനത്തിനാണ് അവാർഡ് തേടിയത്തിയത്. മികച്ച നടിയായി കനി കുസൃതിയെയാണ് തിരഞ്ഞു എടുത്തത്. ബിരിയാണി എന്ന ചിത്രത്തിലെ പ്രകടനമാണ് അര്ഹയാക്കിയത്. ജെല്ലികെട്ടിലൂടെ ലിജോ ജോസ് പെല്ലിശ്ശേരി മികച്ച സംവിധായകനുമായി. മികച്ച സ്വഭാവ നടനായി ഫഹദ് ഫാസിലും സ്വഭാവ നടിയായി സ്വാസികയേയും തിരഞ്ഞെടുത്തു.