ബ്ലോക്ക്ബസ്റ്റർ ബാലയ്യ ചിത്രം അഖണ്ഡക്കു രണ്ടാം ഭാഗം ?

ഈ കഴിഞ്ഞ ഡിസംബറിൽ റിലീസ് ചെയ്തു സൂപ്പർ വിജയം നേടിയ ബാലയ്യയുടെ തെലുങ്കു ചിത്രമാണ് അഖണ്ഡ. ബോക്സ് ഓഫീസിൽ ആദ്യമായി ബാലയ്യക്ക് നൂറു കോടി കളക്ഷൻ നേടിക്കൊടുത്ത ചിത്രമാണ് അഖണ്ഡ എന്ന മാസ്സ് ആക്ഷൻ എന്റെർറ്റൈനെർ. സിംഹ, ലെജൻഡ് എന്നീ ചിത്രങ്ങൾക്ക് ശേഷം ബാലയ്യ- ബോയപ്പട്ടി ശ്രീനു ടീം ഒന്നിച്ച ചിത്രം കൂടിയാണ് അഖണ്ഡ. ഈ കൂട്ടുകെട്ടിന് ഹാട്രിക്ക് വിജയം നേടിക്കൊടുത്ത അഖണ്ടയിൽ ബാലയ്യ കൂടാതെ പ്രഘ്യാ ജൈസ്വാൾ, ശ്രീകാന്ത് എന്നിവരും പ്രധാന വേഷങ്ങൾ ചെയ്തിട്ടുണ്ട്. ദ്വാരക ക്രിയേഷൻസിന്റെ ബാനറിൽ മിര്യാല രവിന്ദർ റെഡ്ഢിയാണ് ഈ ചിത്രം നിർമ്മിച്ചത്. ബാലയ്യയുടെ കിടിലൻ ആക്ഷൻ രംഗങ്ങളും തമൻ എസ് ഒരുക്കിയ സംഗീതവുമാണ് ഈ ചിത്രത്തിന്റെ ഹൈലൈറ്റുകൾ. ഒടിടി റിലീസ് ആയി വന്നതിനു ശേഷവും ഈ ചിത്രം സോഷ്യൽ മീഡിയയിൽ നിറഞ്ഞു നിന്നിരുന്നു. ഇപ്പോഴിതാ ഈ ചിത്രത്തിന് ഒരു രണ്ടാം ഭാഗം ഒരുങ്ങാൻ പോവുകയാണ് എന്ന വാർത്തയാണ് പുറത്തു വരുന്നത്.

അഖണ്ഡയെ വീണ്ടും കൊണ്ടുവരാന്‍ അണിയറ പ്രവര്‍ത്തകര്‍ തീരുമാനിച്ചിരിക്കുന്നു എന്നും രാഷ്ട്രീയവും സാമൂഹികവുമായി നിരവധി വെല്ലുവിളികൾ നേരിടുന്ന കഥാപാത്രമായാണ് രണ്ടാം ഭാഗത്തിൽ അഖണ്ഡ എത്തുക എന്നാണ് സൂചനയൊന്നും തെലുങ്കു മാധ്യമങ്ങൾ റിപ്പോർട്ട് ചെയ്യുന്നു. കഥ അന്തിമരൂപത്തിലേക്ക് എത്തിയിട്ടില്ല എന്നും ചർച്ചകൾ പൂർത്തിയായാൽ ഉടൻ തന്നെ ഷൂട്ടിംഗ് ആരംഭിച്ചു 2023 ഇൽ ഈ രണ്ടാം ഭാഗം റിലീസ് ചെയ്യാൻ ആണ് അണിയറ പ്രവർത്തകർ ആലോചിക്കുന്നതെന്നുമാണ് റിപ്പോർട്ടുകൾ വരുന്നത്. അഖണ്ഡ രണ്ടാം ഭാഗത്തിന് മുന്‍പേ തന്റെ മറ്റൊരു ചിത്രം കൂടി സംവിധായകൻ ബോയപ്പെട്ടി ശ്രീനു പൂർത്തിയാക്കും. ഗോപിചന്ദ് മലിനേനി സംവിധാനം ചെയ്യുന്ന ചിത്രമാണ് ഇപ്പോൾ ബാലകൃഷ്ണ ചെയ്തു കൊണ്ടിരിക്കുന്നത്.