മോഹൻലാൽ നായകനായ ദൃശ്യം 2, ഫഹദ് ഫാസിൽ നായകനായ ജോജി, നിമിഷാ സജയൻ പ്രധാന വേഷത്തിലെത്തിയ ദി ഗ്രേറ്റ് ഇന്ത്യൻ കിച്ചൻ, ഇന്ദ്രൻസ് നായകനായ ഹോം, ടോവിനോ തോമസ് നായകനായ മിന്നൽ മുരളി എന്നിവക്ക് ശേഷം ഒരു മലയാള ചിത്രം കൂടി ഇപ്പോൾ ഭാഷയുടെ അതിർവരമ്പുകൾ ഭേദിച്ച് കൊണ്ട് വലിയ പ്രേക്ഷക പിന്തുണ നേടുന്ന കാഴ്ചയാണ് കാണാൻ സാധിക്കുന്നത്. മുകളിൽ പറഞ്ഞ ചിത്രങ്ങളെ പോലെ നേരിട്ട് ഒടിടി റിലീസ് ചെയ്ത ജോജു ജോർജ് ചിത്രമായ മധുരമാണ് ഇപ്പോൾ കേരളത്തിന് അകത്തു നിന്നും പുറത്തു നിന്നും ഒരുപോലെ ഗംഭീര അഭിപ്രായം നേടി മുന്നേറുന്നത്. അതിമനോഹരമായ ചിത്രമെന്നാണ് മധുരം കണ്ട ഓരോത്തരും അഭിപ്രായപ്പെടുന്നത്. വളരെ ലളിതമായ ഒരു പ്രണയ കഥയയുടെ മനസ്സിൽ തൊടുന്ന ആവിഷ്കാരമാണ് മധുരമെന്നു ചിത്രം കണ്ട ഓരോ പ്രേക്ഷകരും അഭിപ്രായപ്പെടുന്നു. മറ്റു ഭാഷകളിലെ സിനിമാ പ്രേമികളും ഈ ചിത്രം കണ്ടിട്ട് സോഷ്യൽ മീഡിയയിൽ മികച്ച വാക്കുകളാണ് കുറിക്കുന്നത്.
അപ്പു പാത്തു പപ്പു പ്രൊഡക്ഷൻസിന്റെ ബാനറിൽ നായകനായ ജോജു ജോർജ് തന്നെ നിർമ്മിച്ച ഈ ചിത്രം സംവിധാനം ചെയ്തിരിക്കുന്നത് ജൂൺ എന്ന ഹിറ്റ് ചിത്രമൊരുക്കിയ അഹമ്മദ് കബീർ ആണ്. ആഷിക് ഐമാർ, ഫാഹിം സഫർ എന്നിവർ ചേർന്ന് തിരക്കഥ രചിച്ച ഈ ചിത്രത്തിൽ ജോജുവിനൊപ്പം ഇന്ദ്രൻസ്, അർജുൻ അശോകൻ, ശ്രുതി രാമചന്ദ്രൻ, നിഖിൽ വിമൽ എന്നിവരും മികച്ച പ്രകടനമാണ് കാഴ്ച വെച്ചിരിക്കുന്നത്. ഇവരെ കൂടാതെ ജഗദീഷ്, ലാൽ, ജാഫർ ഇടുക്കി, നവാസ് വള്ളിക്കുന്ന്, ഫാഹിം സഫർ, ബാബു ജോസ്, ജീവൻ ബേബി മാത്യു, മാളവിക ശ്രീനാഥ്, ജോർഡി പാലാ, സുധി മിറാഷ്, തിരുമല രാമചന്ദ്രൻ, ഐഷ മറിയം എന്നിവരും തങ്ങളുടെ വേഷങ്ങൾ മനോഹരമായി തന്നെ ചെയ്തു ഫലിപ്പിച്ചിട്ടുണ്ട്. ഹിഷാം അബ്ദുൽ വഹാബ് ഒരുക്കിയ മനോഹരമായ സംഗീതവും ഈ ചിത്രത്തിന്റെ മികവ് വളരെയധികം വർധിപ്പിച്ചിട്ടുണ്ട് എന്ന് പറയാം. ഏതായാലും ഇപ്പോൾ സോഷ്യൽ മീഡിയയിൽ ഈ സീസണിലെ ഏറ്റവും കൂടുതൽ മികച്ച അഭിപ്രായം വരുന്ന ചിത്രമായി മധുരം മാറിക്കഴിഞ്ഞു.
സൂപ്പർ ഹിറ്റായ 'രോമാഞ്ച'ത്തിന് ശേഷം ഗപ്പി സിനിമാസ് നിർമ്മിക്കുന്ന പുതിയ ചിത്രത്തിന്റെ ടൈറ്റിൽ ലുക്ക് പുറത്ത്. 'ഗപ്പി'ക്കും 'അമ്പിളി'ക്കും ശേഷം…
ധ്യാൻ ശ്രീനിവാസനും ലുക്മാൻ അവറാനും കേന്ദ്ര കഥാപാത്രങ്ങളായെത്തുന്ന 'വള' സെപ്റ്റംബർ 19ന് തിയേറ്ററുകളിലേക്കെത്തുന്നു. ഒരു വള മൂലം പലരുടെയും ജീവിതത്തിൽ…
ലോക സിനിയുടെ തന്നെ അഭിമാനമായി മാറിയ ചിത്രമാണ് കാന്താര. ചിത്രത്തിന്റെ രണ്ടാം പതിപ്പിനായി കാത്തിരുന്ന ആരാധകർക്കായി സിനിമയുടെ റിലീസിംഗ് ഡേറ്റ്…
ഒരു ഗംഭീര ത്രില്ലർ ചിത്രത്തിന്റെ സൂചനകൾ നൽകികൊണ്ട് ബേബി ഗേൾ ചിത്രത്തിന്റെ ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. മാജിക്…
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
This website uses cookies.