ഷിബുവിനു പ്രശംസയുമായി എം പദ്മകുമാർ; ചിത്രം നിറഞ്ഞ സദസ്സിൽ രണ്ടാം വാരത്തിലേക്ക്..!

നവാഗതനായ കാർത്തിക് രാമകൃഷ്ണൻ നായകനായ ഷിബു എന്ന ചിത്രം പ്രേക്ഷകരുടെ മാത്രമല്ല മലയാള ചലച്ചിത്ര പ്രവർത്തകരുടെയും പ്രശംസ നേടി തീയേറ്ററുകളിൽ മുന്നേറുകയാണ്. കഴിഞ്ഞ ദിവസം പ്രശസ്ത നടനും രചയിതാവും ആയ ബിബിൻ ജോർജ് ഈ ചിത്രത്തെ അഭിനന്ദിച്ചു കൊണ്ട് മുന്നോട്ടു വന്നിരുന്നു. ഇപ്പോൾ പ്രശസ്ത സംവിധായകൻ എം പദ്മകുമാർ ആണ് ഈ ചിത്രത്തിന് പ്രശംസയുമായി എത്തിയിരിക്കുന്നത്. എം പദ്മകുമാർ ഈ ചിത്രം കണ്ടു എന്നും അദ്ദേഹത്തിന് ഈ ചിത്രം വളരെ ഇഷ്ടമായി എന്നു പറഞ്ഞു എന്നും ഷിബുവിന്റെ അണിയറ പ്രവർത്തകർ പറഞ്ഞു. അദ്ദേഹത്തെ പോലുള്ളവരിൽ നിന്നു ലഭിക്കുന്ന അഭിനന്ദനങ്ങളും പിന്തുണയും ആണ് ഈ ചിത്രത്തെ വിജയകരമായി രണ്ടാം വാരത്തിലേക്ക് എത്തിക്കുന്നത് എന്നും അവർ പറഞ്ഞു.

ഒരു കടുത്ത ദിലീപ് ആരാധകന്റെ കഥ പറയുന്ന ഈ ചിത്രം സംവിധാനം ചെയ്തിരിക്കുന്നത് 32-ാം അധ്യായം 23-ാം വാക്യം എന്ന ചിത്രത്തിന് ശേഷം അര്‍ജുന്‍ പ്രഭാകരന്‍, ഗോകുല്‍ രാമകൃഷ്ണന്‍ എന്നിവര്‍ ചേര്‍ന്ന് ആണ്. പ്രണീഷ് വിജയൻ തിരക്കഥ ഒരുക്കിയിരിക്കുന്ന ഈ ചിത്രം നിർമ്മിച്ചിരിക്കുന്നത് കാര്‍ഗോസ് സിനിമാസ് ആണ്. സച്ചിൻ വാര്യർ, വിഘ്‌നേശ് ഭാസ്കരൻ എന്നിവർ ഈ ചിത്രത്തിന് വേണ്ടി ഒരുക്കിയ സംഗീതവും മികച്ച നിലവാരം പുലർത്തിയിട്ടുണ്ട്. അഞ്ജു കുര്യൻ നായികാ വേഷത്തിൽ എത്തിയ ഈ ചിത്രത്തിൽ ഐശ്വര്യ, സലിം കുമാർ, ബിജു കുട്ടൻ, നസീർ സംക്രാന്തി, ലുക്മൻ, വിനോദ് കോവൂർ, സ്നേഹ എന്നിവരും അഭിനയിച്ചിരിക്കുന്നു. കോമെഡിയും, പ്രണയവും വൈകാരിക മുഹൂർത്തങ്ങളുമെല്ലാം നിറഞ്ഞ ഒരു ക്ലീൻ ഫാമിലി എന്റർടെയ്ൻമെന്റ് മൂവി ആണ് ഷിബു.