മലയാളികൾ ഏറെ കാത്തിരിക്കുന്ന മോഹൻലാൽ ചിത്രം ലൂസിഫറിനെ കുറിച്ചുള്ള വാർത്തകളാണ് പുറത്തുവരുന്നത്. ലൂസിഫർ തന്റെ ആദ്യ മാസ്സ് എന്റർടൈനർ ചിത്രമായിരിക്കുമെന്നാണ് തിരക്കഥാകൃത്ത് മുരളി ഗോപി പറഞ്ഞിരിക്കുന്നത്. പൃഥ്വിരാജ് സംവിധാനം ചെയ്യുന്ന മോഹൻലാൽ ചിത്രം എന്ന നിലയ്ക്ക് തന്നെ ആരാധകർ വലിയ ആവേശത്തിൽ കാത്തിരിക്കുന്ന ചിത്രമാണ് ലൂസിഫർ. 20 കോടിയോളം മുതൽ മുടക്കിൽ ബിഗ് ബജറ്റിൽ ഒരുക്കുന്ന ചിത്രം തന്റെ കരിയറിൽ ഇന്നേവരെ കാണാത്ത ഒരു വ്യത്യസ്ത ചിത്രമായിരിക്കുമെന്ന് മുരളീ ഗോപി അറിയിച്ചു. കഴിഞ്ഞ ദിവസം ഒരു മാധ്യമത്തിന് നൽകിയ അഭിമുഖത്തിലാണ് മുരളീഗോപി ഇക്കാര്യം പറഞ്ഞത്. മോഹൻലാൽ എന്ന നടനെ പ്രേക്ഷകർ കാണാൻ ആഗ്രഹിക്കുന്ന രീതിയിൽ ചിട്ടപ്പെടുത്തിയ ഒരു മാസ്സ് ത്രില്ലർ ചിത്രമായിരിക്കും ലൂസിഫർ എന്നാണ് എഴുത്തുകാരനായ മുരളി ഗോപി തന്നെ അറിയിച്ചിരിക്കുന്നത്. കഴിഞ്ഞദിവസം ചിത്രത്തിന്റേതായി നടന്ന അവസാനവട്ട ചർച്ചകൾ മോഹൻലാൽ തന്നെ ഫേസ്ബുക്കിലൂടെ പങ്കുവച്ചിരുന്നു. ചിത്രത്തിന്റെ ഷൂട്ടിംഗ് ജൂലൈ ആദ്യവാരം ആരംഭിക്കും.
മലയാളത്തിലെ ഏറ്റവും വലിയ രണ്ട് സൂപ്പർ താരങ്ങൾ ഒന്നിക്കുന്നു എന്ന വാർത്ത വന്നത് മുതൽ ആരാധകർ വലിയ പ്രതീക്ഷയിലും ആവേശത്തിലുമായിരുന്നു. മോഹൻലാലിന്റെ ഇന്നോളം കണ്ടതിൽ വച്ച് ഏറ്റവും വലിയ മാസ്സ് കഥാപാത്രമായിരിക്കും ലൂസിഫറിൽ എന്ന മുരളി ഗോപിയുടെ പ്രസ്താവനയോടെ ആരാധകരുടെ ആവേശം ഇരട്ടിയായിരിക്കുകയാണ്. ചിത്രത്തിനായി ഇന്നേവരെ കണ്ടതിൽ വച്ചു ഏറ്റവും സ്റ്റൈലിഷ് ഗെറ്റപ്പിലാകും മോഹൻലാൽ എത്തുക എന്നാണ് അറിയാൻ കഴിയുന്നത്. ലെഫ്റ്റ് റൈറ്റ് ലെഫ്റ്റ്, ഈ അടുത്ത കാലത്ത് തുടങ്ങിയ ചിത്രങ്ങളുടെ രചയിതാവായ മുരളിഗോപി എന്നും മലയാളത്തിൽ വ്യത്യസ്ത ചിത്രങ്ങൾ അണിയിച്ചൊരുക്കുന്ന വ്യക്തിയാണ്. അതുകൊണ്ടുതന്നെ അദ്ദേഹത്തിന്റെ ഒരു മാസ്സ് ചിത്രം എന്ന നിലയ്ക്ക് കൂടി ലൂസിഫർ പ്രസക്തമാവുകയാണ്. 20 കോടിയോളം മുതൽമുടക്കി വമ്പൻ ബജറ്റിൽ ഒരുങ്ങുന്ന ചിത്രത്തിന്റെ നിർമ്മാണം ആശിർവാദ് ഫിലിംസിനു വേണ്ടി ആന്റണി പെരുമ്പാവൂർ നിർവ്വഹിക്കുന്നു. വലിയ താരനിര അണിനിരക്കുന്ന ചിത്രത്തിന്റെ കാസ്റ്റിംഗ് പൂർത്തിയാക്കിയിരുന്നു. ഷൂട്ടിംഗ് പൂർത്തിയാക്കി ഈ വർഷം തന്നെ ലൂസിഫർ റിലീസിനെത്തും.
പാൻ ഇന്ത്യൻ ബ്ലോക്കബ്സ്റ്റർ ചിത്രമായ പുഷ്പയുടെ രണ്ടാം ഭാഗം ഇന്ന് ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണെന്ന്…
ടോവിനോ തോമസ് നായകനായി എത്തിയ ഏറ്റവും പുതിയ ത്രീഡി ഫാന്റസി ആക്ഷൻ ചിത്രമായ അജയന്റെ രണ്ടാം മോഷണത്തിന്റെ കളക്ഷൻ ഔദ്യോഗികമായി…
ചിയോതിക്കാവിലെ മായാജാലങ്ങൾ കുട്ടികളും കുടുംബങ്ങളും ഒരുപോലെ ഏറ്റെടുത്തിരിക്കുകയാണ്. ടോവിനോ തോമസ് മൂന്ന് വ്യത്യസ്ത വേഷങ്ങളിൽ എത്തിയ 3ഡി അഡ്വെഞ്ചൻ ഫാന്റസി…
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
This website uses cookies.