[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ദേവാസുരത്തിന്റെ ഇരുപത്തഞ്ചാം വാർഷികത്തിൽ മംഗലശ്ശേരി നീലകണ്ഠന്റെ ഓർമകളുണർത്തി മോഹൻലാലിന്റെ ലൂസിഫർ ലുക്ക്..!

കഴിഞ്ഞ ദിവസമാണ് ആരാധകരെയും സിനിമാ പ്രേമികളെയും ആവേശത്തിന്റെ കൊടുമുടിയിൽ എത്തിച്ചു കൊണ്ട് കമ്പ്ലീറ്റ് ആക്ടർ മോഹൻലാലിൻറെ ലൂസിഫർ ഫസ്റ്റ് ലുക്ക് എത്തിയത്. യുവ സൂപ്പർ താരം പൃഥ്വിരാജ് സുകുമാരൻ സംവിധാനം ചെയ്യാൻ പോകുന്ന ഈ ചിത്രം ജൂലൈ പതിനാറു മുതൽ ചിത്രീകരണം ആരംഭിക്കും. ഇന്നലെ പുറത്തു വിട്ട ലൂസിഫർ ഫസ്റ്റ് ലുക്കിൽ മോഹൻലാലിൻറെ മുഖം വെളിപ്പെടുത്തിയിട്ടില്ല എങ്കിലും തൂവെള്ള ഷർട്ടും കറുത്ത കരയുള്ള വെളുത്ത മുണ്ടുമുടുത്തു ഗാംഭീര്യത്തോടെ കാലിൽ കാൽ കയറ്റി വെച്ചിരിക്കുന്ന മോഹൻലാലിനെ നമ്മുക്ക് കാണാം. ഈ ഫസ്റ്റ് ലുക്ക് മലയാളികളെ കൂട്ടികൊണ്ടു പോയത് മലയാള സിനിമയിലെ ഇത്തരമൊരു കിടിലൻ ഗെറ്റപ്പ് ആദ്യമായി ആഘോഷിക്കപെട്ട 1993 എന്ന വർഷത്തിലേക്ക് ആണ്. ആ വർഷമാണ് ദേവാസുരം എന്ന മോഹൻലാൽ- ഐ വി ശശി ചിത്രം റിലീസ് ചെയ്തു ബ്ലോക്ക്ബസ്റ്റർ വിജയം നേടിയത്.

ആ ചിത്രത്തിലൂടെയാണ് മോഹൻലാലിൻറെ മുണ്ടുടുത്തു മീശ പിരിച്ച ആസുരഭാവം ആദ്യമായി ജനങ്ങൾ ആഘോഷിച്ചത്. അതിനു ശേഷം കേരളക്കരയെ പ്രകമ്പനം കൊള്ളിച്ച മാസ്സ് കഥാപാത്രങ്ങൾ ഈ രൂപത്തിൽ മോഹൻലാൽ തന്നെ ഒരുപാട് തന്നെങ്കിലും ദേവാസുരത്തിലെ മംഗലശ്ശേരി നീലകണ്ഠൻ ഇന്ന് ഓരോ മലയാളിക്കും ആവേശവും വികാരവുമാണ്. ദേവാസുരത്തിനു ശേഷമാണു മുണ്ടുടുത്ത ഈ ഗെറ്റപ്പ് പോലും മലയാള സിനിമയിലും മലയാളിയുടെ ജീവിതത്തിലും ആണത്തത്തിന്റെ പര്യായമായി മാറിയത്. ആ അർഥത്തിൽ മലയാളത്തിലെ ട്രെൻഡ് സെറ്റർ ലുക്കുകളിൽ ഒന്നായിരുന്നു അത്.

ദേവാസുരം ഇരുപത്തിയഞ്ചാം വാർഷികം ആഘോഷിക്കുന്ന ഈ 2018 ഇൽ തന്നെ അതേ ആവേശം സമ്മാനിക്കുന്ന ഒരു ഗെറ്റപ്പുമായി ലൂസിഫർ ഫസ്റ്റ് ലുക് വന്നതോടെ മോഹൻലാൽ ആരാധകരും മലയാള സിനിമാ പ്രേമികളും ഒരുപോലെ ത്രില്ലടിച്ചിരിക്കുകയാണ്. മുരളി ഗോപി രചിച്ച ലൂസിഫർ ഒരു മാസ്സ് എന്റെർറ്റൈനെർ ആണെന്നും ഒരു പൊളിറ്റിക്കൽ ത്രില്ലെർ ആണെന്നും റിപ്പോർട്ടുകൾ വരുന്നുണ്ട്. ബ്ലഡ്, ബ്രദർ ഹുഡ്, ബിട്രെയൽ എന്നാണ് ലൂസിഫർ ഫസ്റ്റ് ലുക് പോസ്റ്ററിലെ വാക്കുകൾ നമ്മളോട് പറയുന്നത്. മോഹൻലാലിന്റെ താടി വെച്ച ഗെറ്റപ്പ് ആയിരിക്കും ഈ ചിത്രത്തിന്റെ ഹൈലൈറ്റ് എന്നാണ് സൂചനകൾ. അങ്ങനെയെങ്കിൽ നല്ല കട്ട താടി വെച്ച് മീശ പിരിച്ചു തൂവെള്ള മുണ്ടും ഷർട്ടുമിട്ട ഒരു മാസ്സ് മോഹൻലാൽ ഗെറ്റപ്പ് ഇനി കേരളം കാണാൻ ഇരിക്കുന്നതേയുള്ളു എന്ന് നമ്മുക്ക് പറയാൻ സാധിക്കും. ഏതായാലും ഒരൊറ്റ പോസ്റ്റർ കൊണ്ട് തന്നെ ലൂസിഫർ മലയാളികൾ ഏറ്റവുമധികം കാത്തിരിക്കുന്ന ചിത്രങ്ങളിൽ ഒന്നായി കഴിഞ്ഞു.

webdesk

Recent Posts

സിനിമാ വിതരണ രംഗത്ത് സെഞ്ച്വറി ഫിലിംസുമായി പനോരമ സ്റ്റുഡിയോസ് കൈകോർക്കുന്നു

പനോരമ സ്റ്റുഡിയോസ് തങ്ങളുടെ മലയാള സിനിമകളുടെ വിതരണത്തിനായി മലയാള സിനിമയിലെ പ്രശസ്ത ബാനറായ സെഞ്ചുറി ഫിലിംസുമായി ദീർഘകാല പങ്കാളിത്തം പ്രഖ്യാപിച്ചു.…

1 week ago

‘ആശാൻ’ വിതരണത്തിനെടുത്ത് ദുൽക്കർ സൽമാന്റെ വെഫയറർ ഫിലിംസ്

മലയാള സിനിമയിൽ ഇതിനോടകം തന്നെ വലിയ പ്രതീക്ഷകൾക്ക് വഴിതുറന്ന 'ആശാൻ' എന്ന ചിത്രം വിതരണത്തിനെടുത്ത് ദുൽക്കർ സൽമാന്റെ പ്രമുഖ നിർമ്മാണ-വിതരണ…

2 weeks ago

ഫീൽ ഗുഡ് നിവിൻ പോളിയെ കണ്ട് മനസ്സ് നിറഞ്ഞ് പ്രേക്ഷകർ, ‘സർവ്വം മായ’ എല്ലായിടത്തും ഹൗസ് ഫുൾ

പ്രേക്ഷകർ ഏറെ ആകാംഷയോടെ കാത്തിരുന്ന സിനിമയാണ്, അഖിൽ സത്യൻ- നിവിൻ പോളി കൂട്ടുകെട്ടിൽ ഒരുങ്ങിയ ഫാന്റസി ഹൊറർ കോമഡി ചിത്രം…

4 weeks ago

ദിലീപ് കുറ്റവിമുക്തൻ, നടിയെ ആക്രമിച്ച കേസിൽ ദിലീപിനെതിരെ തെളിവില്ലെന്ന് കോടതി

നടിയെ ആക്രമിച്ച കേസിൽ എട്ടു വർഷത്തിന് ശേഷം വിധി. കേസിലെ ഒന്ന് മുതൽ ആറ് വരെ പ്രതികളെ കുറ്റക്കാർ എന്ന്…

2 months ago

രാജേഷ് മാധവന്റെ സംവിധാനത്തിൽ ഒരുങ്ങിയ “പെണ്ണും പൊറാട്ടും” IFFIയിലും IFFKയിലും പ്രദർശിപ്പിക്കും.

പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…

2 months ago

അഭിനയത്തികവിന്റെ മമ്മൂട്ടി മാജിക് വീണ്ടും; കളങ്കാവൽ ട്രെയ്‌ലർ പുറത്ത്, ചിത്രം നവംബർ 27 ന്

മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്‌ലർ പുറത്ത്. നവംബർ 27…

2 months ago

This website uses cookies.