മലയാള സിനിമയിലെ പ്രശസ്ത നടന്മാരിൽ ഒരാളാണിന്നു സുധി കോപ്പ. ഒട്ടേറെ മികച്ച കഥാപാത്രങ്ങൾ ഇതിനോടകം ചെയ്തിട്ടുള്ള സുധി കോപ്പ കഴിഞ്ഞ വർഷം ഇറങ്ങിയ ജോസെഫ്, ഈ വർഷം എത്തിയ പൊറിഞ്ചു മറിയം ജോസ് എന്നീ ചിത്രങ്ങളിലെ ഗംഭീര പ്രകടനത്തോടെ മലയാളത്തിലെ തിരക്കേറിയ നടൻ ആയി കഴിഞ്ഞു. ഈ നടനിലെ അഭിനയ പ്രതിഭ പുറത്തു കൊണ്ട് വന്ന ചിത്രങ്ങൾ ആയിരുന്നു അവ. മലയാള സിനിമയിൽ തന്റേതായ ഒരു സ്ഥാനം കണ്ടെത്തിക്കഴിഞ്ഞ ഈ കലാകാരൻ ഇപ്പോൾ മലയാള സിനിമയെ കുറിച്ച് മനസ്സ് തുറക്കുകയാണ്. പുതിയ കാലഘട്ടത്തിലെ മലയാള സിനിമയിലെ സംവിധായകരും ഇവിടുത്തെ പ്രേക്ഷകരുമെല്ലാം ഒരുപാട് മാറി എന്നാണ് സുധി കോപ്പ പറയുന്നത്. ഒരോ സംവിധായകനും അവർക്ക് എന്താണ് വേണ്ടത് എന്ന കാര്യത്തെ കുറിച്ച് കൃത്യമായ ധാരണയുണ്ട് എന്നും കഥാപാത്രത്തിന് ചേരുന്ന കലാകാരന്മാരെ കണ്ടെത്തി അഭിനയിപ്പിക്കാൻ അവർക്കറിയാം എന്നും സുധി കോപ്പ പറഞ്ഞു.
ലിജോ ജോസ് പെല്ലിശ്ശേരിയൊക്കെ ഓസ്കാർ നേടാൻ വരെ കഴിവുള്ള സംവിധായകനാണ് എന്നും മറ്റ് ഭാഷകളിലേതു പോലെ വലിയ ബജറ്റ് നൽകിയാൽ ലിജോ എപ്പോൾ ഓസ്കാർ അടിച്ചു എന്ന് ചോദിച്ചാൽ മതി എന്നുമാണ് സുധി കോപ്പ പറയുന്നത്. നമ്മുടെ പ്രേക്ഷകർ ഇന്ന് അളന്നുമുറിച്ചു സിനിമ കാണുന്നവരാണ് എന്നും ലോക നിലവാരത്തിലുള്ള സിനിമ കാണുന്ന അവരെ എന്തെങ്കിലും ഗിമ്മിക്ക് കാണിച്ചു കബളിപ്പിക്കാൻ കഴിയില്ല എന്ന കാര്യവും സുധി കോപ്പ പറയുന്നു. എം പദ്മകുമാർ സംവിധാനം ചെയ്ത ജോസഫിലാണ് തനിക്കു വൃത്തിയുള്ള ഒരു വേഷം ആദ്യമായി ലഭിച്ചത് എന്നും അതുവരെ ഗുണ്ടയോ എന്തെങ്കിലും വഷളത്തരങ്ങൾ കാണിക്കുന്ന കഥാപാത്രങ്ങളോ ഒക്കെയാണ് തനിക്കു ലഭിച്ചു കൊണ്ടിരുന്നത് എന്നും അദ്ദേഹം വിശദീകരിക്കുന്നു.
ഒരുപാട് അവസരങ്ങൾ ചോദിച്ചു നടന്നും ഓഡിഷനുകൾക്കു പങ്കെടുത്തും ആണ് നടൻ ആയതു എന്നും അവസരങ്ങൾ ഇനിയും ചോദിയ്ക്കാൻ യാതൊരു മടിയും ഇല്ല എന്നും സുധി കോപ്പ പറയുന്നു. ജോലി ചെയ്യാൻ അവസരം അന്വേഷിക്കുന്നത് ഒരു മോശം കാര്യമാണോ എന്ന് ചോദിക്കുന്ന സുധി അത് തന്റെ ജോലിയുടെ ഭാഗമല്ലേ എന്നും ചോദിക്കുന്നു.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.