പ്രശസ്ത മലയാള നടൻ ലാലു അലക്സ് ഈ വർഷം വമ്പൻ തിരിച്ചു വരവാണ് കാഴ്ചവെച്ചു കൊണ്ടിരിക്കുന്നത്. പൃഥ്വിരാജ് സംവിധാനം ചെയ്ത മോഹൻലാൽ ചിത്രമായ ബ്രോ ഡാഡിയിലെ ഗംഭീര പ്രകടനത്തിലൂടെ കയ്യടി നേടിയ ലാലു അലക്സ്, ഇപ്പോൾ ഒരിക്കൽ കൂടി പ്രേക്ഷക പ്രശംസ നേടുന്ന കാഴ്ചയാണ് കാണാൻ സാധിക്കുന്നത്. എബ്രിഡ് ഷൈൻ സംവിധാനം ചെയ്ത മഹാവീര്യർ എന്ന ചിത്രത്തിലെ പിപി അഥവാ പബ്ലിക് പ്രോസിക്യൂട്ടറായി അതീവ രസകരമായ പ്രകടനമാണ് അദ്ദേഹം കാഴ്ച വെച്ചിരിക്കുന്നത്. തന്റെ സ്വതസിദ്ധമായ ഡയലോഗ് ഡെലിവറി സ്റ്റൈൽ കൊണ്ടും വ്യത്യസ്തമായ ശരീര ഭാഷ കൊണ്ടും പ്രേക്ഷകരുടെ മനനസ്സിലിടം നേടിയിരിക്കുകയാണ് ലാലു അലക്സ് എന്ന നടൻ. അദ്ദേഹത്തിന്റെ കോമഡി ടൈമിംഗ് പ്രശസ്തമാണ്. ആ മികവ് മഹാവീര്യറിലും ലാലു അലക്സ് നമ്മുക്ക് കാണിച്ചു തരുന്നുണ്ട്. കോടതി രംഗങ്ങളിലെ ലാലു അലക്സ് കഥാപാത്രത്തിന്റെ ചില ഡയലോഗുകളും നോട്ടങ്ങളും ഭാവങ്ങളുമെല്ലാം കൈയടിയോടെയാണ് പ്രേക്ഷകർ സ്വീകരിക്കുന്നത്.
ഈ ചിത്രത്തിൽ ഏറ്റവും കൂടുതൽ സ്ക്രീൻ സ്പേസ് ഉള്ളതും, കയ്യടി നേടുന്നതുമായ ഏതാനും കഥാപാത്രങ്ങളിലൊന്നാണ് ലാലു അലക്സിന്റെ പിപി എന്ന പബ്ലിക് പ്രോസിക്യൂട്ടർ. സിദ്ദിഖ്, നിവിൻ പോളി, മല്ലിക സുകുമാരൻ എന്നിവരുമായുള്ള ഈ കഥാപാത്രത്തിന്റെ വാദപ്രതിവാദങ്ങൾ അതീവ രസകരമാണ്. ഈ ചിത്രത്തിലെ മനോഹരമായ ഹാസ്യ രംഗങ്ങളിൽ ഏറെയും കൈകാര്യം ചെയ്തിരിക്കുന്നത് ലാലു അലക്സും സിദ്ദിഖും ചേർന്നാണ്. ഏതായാലും ഒരിക്കൽ കൂടി ലാലു അലക്സ് എന്ന മഹാപ്രതിഭക്ക് മുന്നിൽ പ്രേക്ഷകർ കരഘോഷം മുഴക്കുന്ന കാഴ്ചയാണ് മഹാവീര്യർ പ്രദർശിപ്പിക്കുന്ന തീയേറ്ററുകളിൽ നമ്മുക്ക് കാണാൻ സാധിക്കുന്നത്. പ്രശസ്ത സാഹിത്യകാരൻ എം മുകുന്ദന്റെ കഥയെ അടിസ്ഥാനമാക്കി എബ്രിഡ് ഷൈൻ തന്നെ തിരക്കഥ രചിച്ച ഈ ചിത്രത്തിൽ നിവിൻ പോളി, ആസിഫ് അലി എന്നിവരാണ് പ്രധാന വേഷങ്ങൾ അവതരിപ്പിച്ചിരിക്കുന്നത്. ഫാന്റസിയും, ടൈം ട്രാവലും, ഹാസ്യവും, വൈകാരിക മുഹൂർത്തങ്ങളുമെല്ലാം കോർത്തിണക്കി ഒരു കോർട്ട് റൂം ഡ്രാമയായാണ് ഈ ചിത്രം സംവിധായകൻ ഒരുക്കിയിരിക്കുന്നത്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
സൂപ്പർസ്റ്റാർ രജനികാന്തിനെ നായകനാക്കി ടി ജെ ജ്ഞാനവേൽ രചിച്ചു സംവിധാനം ചെയ്ത വേട്ടയ്യൻ്റെ സെൻസറിംഗ് പൂർത്തിയായി. യു എ സർട്ടിഫിക്കറ്റ്…
പൃഥ്വിരാജ് സുകുമാരനെ നായകനാക്കി അമൽ നീരദ് സംവിധാനം ചെയ്ത മാസ്സ് ആക്ഷൻ ത്രില്ലർ ചിത്രം അൻവർ റീ റിലീസിനെത്തുന്നു. പൃഥ്വിരാജ്…
ആസിഫ് അലി നായകനായ കിഷ്കിന്ധാ കാണ്ഡം ആഗോള ഗ്രോസ് ആയി 70 കോടിയിലേക്ക് അടുക്കുന്നു. കേരളത്തിൽ നിന്ന് മാത്രം 30…
ലോകേഷ് കനകരാജ് സംവിധാനം ചെയ്യുന്ന കൂലിയുടെ ചിത്രീകരണത്തിനിടെ കടുത്ത ദേഹാസ്വാസ്ഥ്യം അനുഭവപ്പെട്ട സൂപ്പർസ്റ്റാർ രജനികാന്തിനെ അടിയന്തിരമായി ആശുപത്രിയിൽ പ്രവേശിപ്പിച്ചു. കടുത്ത…
കിസ്മത്ത്, തൊട്ടപ്പന് എന്നീ ചിത്രങ്ങള്ക്ക് ശേഷം ഷാനവാസ് കെ ബാവക്കുട്ടി സംവിധാനം ചെയ്യുന്ന 'ഒരു കട്ടില് ഒരു മുറി' യുടെ…
This website uses cookies.