വേറിട്ട പ്രകടനം തീർക്കാൻ സുരാജ് വെഞ്ഞാറമൂട്; കുട്ടൻപിള്ളയുടെ ശിവരാത്രി തീയറ്റർ ലിസ്റ്റ് ഇതാ..

മികച്ച പ്രകടനത്തിലൂടെ പ്രേക്ഷകരെ ഞെട്ടിക്കുന്ന നടൻ സുരാജ് വെഞ്ഞാറമൂട് തന്റെ വളരെ വ്യത്യസ്ത വേഷത്തിൽ എത്തുന്ന ചിത്രമാണ് കുട്ടൻ പിള്ളയുടെ ശിവരാത്രി. ഏയ്ഞ്ചൽസ് എന്ന ആദ്യ ചിത്രത്തിലൂടെ തന്നെ ശ്രദ്ധേയനായ സംവിധായകൻ ജീൻ മാർക്കോസ് അണിയിച്ചൊരുക്കുന്ന ചിത്രം ഇതിനോടകം തന്നെ ശ്രദ്ധ നേടിക്കഴിഞ്ഞിരുന്നു. ചിത്രം നാളെ തീയറ്ററുകളിലേക്ക് എത്തുകയാണ്. ചിത്രത്തിന്റെ തീയറ്റർ ലിസ്റ്റ് ഇന്ന് പുറത്ത് വന്നിരുന്നു. ചിത്രം ഒരു നാട്ടിൻ പുറത്ത് കാരനായാ കോൺസ്റ്റബിന്റെയും അദ്ദേഹത്തിന്റെ കുടുംബത്തിന്റെയും കഥപറയുന്നു. തന്റെ മക്കളെക്കാൾ ഏറെ തന്റെ വീട്ടിലെ പ്ലാവുകളെ സ്നേഹിക്കുന്ന കുട്ടൻപിള്ളയുടെ കഥയാണ് ചിത്രം. എന്നാൽ മരുമകനായ സുനീഷിന്റെയും മറ്റും വീട്ടിലേക്കുള്ള കടന്ന് വരവ് കുട്ടൻപിള്ളയുടെ ജീവിതത്തെ മാറ്റിമറിക്കുന്നു.

മലയാള സിനിമയിൽ ഒരുകാലത്ത് കോൺസ്റ്റബിൾമാരുടെ ആസ്ഥാന പേരായിരുന്നു കുട്ടൻപിള്ള. അങ്ങനെ അവസാനമായി ബാക്കി നിൽക്കുന്ന കുട്ടന്പിള്ള എന്ന കോൺസ്റ്റബിളിന്റെ കഥയാണ് ഈ ചിത്രമെന്ന സംവിധായകൻ ജീൻ മാർക്കോസ് മുൻപ് പറഞ്ഞിരുന്നു. ജീൻ മാർക്കോസും, ജോസ്ലെറ്റ് ജോസഫ് എന്നിവർ ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഫാസിൽ നാസർ ചിത്രത്തിനായി ക്യാമറ ചലിപ്പിച്ചിരിക്കുന്നു. മലയാളികളുടെ പ്രിയ ഗായികയായ സയനോര ചിത്രത്തിലൂടെ സംഗീത സംവിധായികയായി അരങ്ങേറുന്നു. റജി നന്ദകുമാർ ചിത്രം നിർമ്മിച്ചിരിക്കുന്നു.