കുട്ടൻ പിള്ളയുടെ ശിവരാത്രി മോഷൻ പോസ്റ്റർ പ്രേക്ഷക ശ്രദ്ധ നേടുന്നു..!

പ്രശസ്ത നടൻ സുരാജ് വെഞ്ഞാറമൂട് നായകനായി എത്തുന്ന ചിത്രമാണ് കുട്ടൻ പിള്ളയുടെ ശിവരാത്രി. ജീൻ മാർക്കോസ് സംവിധാനം ചെയ്തിരിക്കുന്ന ഈ ചിത്രത്തിന്റെ മോഷൻ പോസ്റ്റർ മെഗാ സ്റ്റാർ മമ്മൂട്ടി രണ്ടു ദിവസങ്ങൾക്കു മുൻപേ റിലീസ് ചെയ്തിരുന്നു. ഇപ്പോൾ മികച്ച പ്രേക്ഷക പ്രതികരണമാണ് ഈ മോഷൻ പോസ്റ്റർ നേടിയെടുക്കുന്നത്. ദേശീയ പുരസ്‍കാര ജേതാവായ സുരാജിന്റെ കരിയറിലെ മറ്റൊരു മികച്ച പ്രകടനത്തിനാവും നമ്മൾ സാക്ഷ്യം വഹിക്കാൻ പോകുന്നതെന്ന് മോഷൻ പോസ്റ്റർ സൂചന തരുന്നുണ്ട്. സംവിധായകൻ തന്നെ തിരക്കഥ രചിച്ചിരിക്കുന്നു ഈ ചിത്രം നിർമ്മിച്ചിരിക്കുന്നത് രാജി നന്ദകുമാർ ആണ്. അധികം വൈകാതെ തന്നെ ഈ ചിത്രം തീയേറ്ററുകളിൽ എത്തുമെന്നാണ് ലഭിക്കുന്ന റിപ്പോർട്ടുകൾ പറയുന്നത്. ഏതായാലും മോഷൻ പോസ്റ്റർ ഹിറ്റായതോടെ പ്രേക്ഷകർ ഈ സീസണിൽ കാത്തിരിക്കുന്ന ചിത്രങ്ങളുടെ കൂട്ടത്തിൽ കുട്ടൻ പിള്ളയുടെ ശിവരാത്രിയും സ്ഥാനം നേടി കഴിഞ്ഞു.

സുരാജിനൊപ്പം ബിജു സോപാനം, മിഥുൻ രമേശ്, ശ്രിന്ദ എന്നിവരും ഈ ചിത്രത്തിന്റെ താര നിരയുടെ ഭാഗമാണ്. സയനോര ഫിലിപ്പ് സംഗീതം നൽകിയിരിക്കുന്ന ഈ ചിത്രത്തിന് ദൃശ്യങ്ങൾ ഒരുക്കിയത് ഫാസിൽ നാസർ ആണ്. ഷിബിഷ് കെ ചന്ദ്രൻ ആണ് ഈ ചിത്രത്തിന്റെ എഡിറ്റിംഗ് നിരവഹിച്ചിരിക്കുന്നതു. ഒരു വ്യത്യസ്ത ഗെറ്റപ്പിലാണ് സുരാജ് വെഞ്ഞാറമൂട് ഈ ചിത്രത്തിലെ ടൈറ്റിൽ കഥാപാത്രമായി പ്രത്യക്ഷപ്പെട്ടിരിക്കുന്നത്.

ഇത് കൂടാതെ സവാരി, ആഭാസം തുടങ്ങിയ ചിത്രങ്ങളും സുരാജ് പ്രധാന വേഷത്തിൽ അഭിനയിച്ചു പുറത്തു വരുന്നുണ്ട്. ഇപ്പോൾ മോഹൻലാലിനൊപ്പം നീരാളി എന്ന ചിത്രത്തിലാണ് സുരാജ് വെഞ്ഞാറമ്മൂട് അഭിനയിക്കുന്നത്. ഈ ചിത്രത്തിലെ സ്റ്റില്ലുകൾ ഇപ്പോൾ സോഷ്യൽ മീഡിയയിൽ വൈറൽ ആണ്.