ഭാര്യയുടെ ജന്മദിനം ഡിസ്കോ ഫാമിലി നൈറ്റ് ആയി ആഘോഷിച്ചു കുഞ്ചാക്കോ ബോബൻ

മലയാളികളുടെ പ്രിയ താരമായ കുഞ്ചാക്കോ ബോബന്റെ ഭാര്യയാണ് പ്രിയ. മലയാള സിനിമയിലെ മാതൃക ദമ്പതിമാരിൽ ഒന്നാണ് കുഞ്ചാക്കോ ബോബൻ- പ്രിയ ദമ്പതികൾ. ഏറെക്കാലത്തിനു ശേഷം ഒരു കുഞ്ഞു കൂടി പിറന്നതിന്റെ സന്തോഷത്തിൽ കൂടിയാണ് ഇപ്പോൾ ചാക്കോച്ചനും പ്രിയയും. അതോടെ ജീവിതത്തിലും ഏറെ മാറ്റങ്ങൾ വന്നു ഇരുവരുടേയും. ഇപ്പോഴിതാ ഭാര്യ പ്രിയയുടെ ജന്മദിനം ഡിസ്കോ ഫാമിലി നൈറ്റ് ആയി ആഘോഷിച്ചിരിക്കുകയാണ് കുഞ്ചാക്കോ ബോബൻ. കുടുംബത്തിലെ അംഗങ്ങൾ എല്ലാവരും ചേർന്ന് ഗംഭീരമായി ആട്ടവും പാട്ടുമായി പ്രിയയുടെ ജന്മദിനം ആഘോഷിച്ചു. ആ ഡിസ്കോ ഫാമിലി നൈറ്റിലെ ചിത്രങ്ങൾ കുഞ്ചാക്കോ ബോബൻ തന്നെ തന്റെ സോഷ്യൽ മീഡിയ പേജിലൂടെ പുറത്തു വിട്ടിട്ടുണ്ട്. താൻ കണ്ടിട്ടുള്ള, ഏറ്റവും പരസ്പര ധാരണയുള്ള ദമ്പതിമാരിൽ ഒന്നാണ് ചാക്കോച്ചൻ- പ്രിയ ദമ്പതികൾ എന്ന് പ്രശസ്ത സംവിധായങ്കൻ രഞ്ജിത് ശങ്കർ ആ ഫോട്ടോകൾക്ക് താഴെ ഫേസ്ബുക്കിൽ കമന്റ് ചെയ്തിട്ടുമുണ്ട്. വ്യത്യസ്തമായ, കിടിലൻ ലുക്കിലാണ് ഡിസ്കോ ഫാമിലി നൈറ്റിൽ കുഞ്ചാക്കോ ബോബൻ പ്രത്യക്ഷപ്പെട്ടിരിക്കുന്നത്.

ഇപ്പോൾ തന്റെ രണ്ടു ചിത്രങ്ങൾ നേടുന്ന വിജയത്തിന്റെ സന്തോഷത്തിൽ കൂടിയാണ് കുഞ്ചാക്കോ ബോബൻ. അദ്ദേഹം നായകനായ രണ്ടു ചിത്രങ്ങളാണ് കഴിഞ്ഞ ആഴ്ച റിലീസ് ചെയ്തത്. ഒന്ന് മാർട്ടിൻ പ്രക്കാട്ട് ഒരുക്കിയ നായാട്ട് ആണെങ്കിൽ മറ്റൊന്ന് നവാഗതനായ അപ്പു ഭട്ടതിരി ഒരുക്കിയ നിഴൽ ആണ്. സർവൈവൽ ത്രില്ലർ ആയ നായാട്ടും, മിസ്റ്ററി ത്രില്ലർ ആയ നിഴലും മികച്ച പ്രേക്ഷക അഭിപ്രായം നേടി ഗംഭീര വിജയത്തിലേക്കാണ് കുതിക്കുന്നത്‌. ഈ രണ്ടു ചിത്രങ്ങളിലും കുഞ്ചാക്കോ ബോബൻ കാഴ്ച വെച്ച പ്രകടനത്തിന് വലിയ പ്രേക്ഷക- നിരൂപക പ്രശംസയാണ് ഇപ്പോൾ ലഭിച്ചു കൊണ്ടിരിക്കുന്നത്. ഇതെല്ലാം കൂടാതെ ഒട്ടേറെ ചിത്രങ്ങളുമായി മലയാള സിനിമയിലെ ഏറ്റവും തിരക്കുള്ള നായകന്മാരിൽ ഒരാളായി കൂടി മാറിയിരിക്കുകയാണിപ്പോൾ കുഞ്ചാക്കോ ബോബൻ.