ഫഹദ് ഫാസിൽ ചിത്രം കാർബൺ മികച്ച പ്രേക്ഷക പ്രതികരണം നേടി മുന്നേറുകയാണ്. വേണു സംവിധാനം ചെയ്ത ഈ ചിത്രം സാധാരണ പ്രേക്ഷകരേയും നിരൂപകരേയും ഒരുപോലെ തൃപ്തിപ്പെടുത്തിക്കൊണ്ടാണ് മുന്നോട്ട് പോകുന്നത്. ഫഹദ് ഫാസിലിന്റെ വിസ്മയിപ്പിക്കുന്ന പ്രകടനമാണ് ഈ ചിത്രത്തിന്റെ ശ്കതി എന്ന് പറയാം. സംവിധായകൻ സത്യൻ അന്തിക്കാട് അടക്കം ഈ ചിത്രത്തെ പ്രശംസിച്ചു മുന്നോട്ടു വന്നിരുന്നു. ഫഹദ് ഫാസിലിനെ പോലെ തന്നെ ഈ ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ച താരങ്ങളും മികച്ച പ്രകടനം കൊണ്ട് പ്രേക്ഷകരുടെ ശ്രദ്ധ നേടിയെടുക്കുന്നുണ്ട്. അവരിൽ പ്രധാനിയാണ് പ്രശസ്ത നടനായ കൊച്ചു പ്രേമൻ. ഈ ചിത്രത്തിൽ പിള്ളേച്ചൻ എന്ന കഥാപാത്രത്തെയാണ് കൊച്ചു പ്രേമൻ അവതരിപ്പിക്കുന്നത്.
കാടിനുള്ളിൽ സ്ഥിതി ചെയ്യുന്ന ഒരു പഴയ കൊട്ടാരത്തിലെ കാര്യസ്ഥന്റെ വേഷമാണ് കൊച്ചു പ്രേമൻ ചെയ്തിരിക്കുന്നത്. തന്റെ സ്വതസിദ്ധമായ ശൈലിയിൽ കൊച്ചു പ്രേമൻ പ്രേക്ഷകരെ ചിരിപ്പിച്ചും കുറച്ചൊന്നു പേടിപ്പിച്ചും തന്റെ വേഷം ഭംഗിയാക്കി എന്ന് പറയാം. ഫഹദ് ഫാസിലുമൊത്തുള്ള കൊച്ചു പ്രേമന്റെ കോമ്പിനേഷൻ രംഗങ്ങൾ ഗംഭീരമായിരുന്നു. ഫഹദിനൊപ്പം നിൽക്കുന്ന പ്രകടനമാണ് പരിചയ സമ്പന്നനായ കൊച്ചു പ്രേമൻ കാഴ്ച വെച്ചത് എന്ന് ഒട്ടും സംശയം ഇല്ലാതെ തന്നെ നമ്മുക്ക് പറയാൻ സാധിക്കും. കൊച്ചു പ്രേമൻ എന്ന നടന്റെ ഒരു ഗംഭീര തിരിച്ചു വരവ് തന്നെയാണ് കാർബൺ നമ്മുക്ക് സമ്മാനിച്ചത്. പോയട്രി ഫിലിംസിന്റെ ബാനറിൽ സിബി തോട്ടുപുറം, നാവിസ് സേവ്യർ എന്നിവർ ചേർന്ന് നിർമ്മിച്ച ഈ റിയലിസ്റ്റിക് ത്രില്ലർ ചിത്രത്തിൽ മമത മോഹൻദാസ് ആണ് നായികാ വേഷത്തിൽ എത്തിയിരിക്കുന്നത്. ബോക്സ് ഓഫീസിലും മികച്ച തുടക്കമാണ് കാർബൺ നേടിയെടുത്തിരിക്കുന്നതെന്നു പറയാം.
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
പായൽ കപാഡിയയുടെ 'ഓൾ വി ഇമാജിൻ ആസ് ലൈറ്റ്' (പ്രഭയായ് നിനച്ചതെല്ലാം) 2024 സെപ്റ്റംബർ 21 മുതൽ കേരളത്തിൽ പ്രദർശനം…
This website uses cookies.