ആഗോള ബോക്സ് ഓഫീസ് കളക്ഷനായി ആയിരം കോടി കടന്ന ഇന്ത്യൻ ചിത്രങ്ങൾ വെറും നാലെണ്ണം മാത്രമേയുള്ളു. അതിലൊന്നാണ് ഇപ്പോൾ പ്രശാന്ത് നീൽ സംവിധാനം ചെയ്ത ബ്രഹ്മാണ്ഡ കന്നഡ ആക്ഷൻ ചിത്രമായ കെ ജി എഫ് 2. ഇതിനോടകം 1200 കോടിക്ക് മുകളിൽ കളക്ഷൻ നേടി ഈ ചിത്രം കുതിപ്പ് തുടരുകയാണ്. അതിൽ ആയിരം കോടിയും ഇന്ത്യയിൽ നിന്ന് മാത്രം നേടിയതാണെന്നതാണ് അതിന്റെ സവിശേഷത. പ്രമുഖ എന്റർടെയിൻമെന്റ് ഇൻഡസ്ട്രി ട്രാക്കർമാർ ഇക്കാര്യം സ്ഥിരീകരിച്ച് ഡാറ്റ പുറത്തുവിട്ടിട്ടുണ്ട്. വാടകയ്ക്ക് കാണാൻ സാധിക്കുന്ന സംവിധാനമായ പേ പെർ വ്യൂ രീതിയിൽ കെ.ജി.എഫ് 2 ആമസോൺ പ്രൈമിൽ ഇതിനോടകം സ്ട്രീമിങ് ആരംഭിച്ചു കഴിഞ്ഞു. അല്ലാതെ എല്ലാവര്ക്കും, എത്ര പ്രാവശ്യം വേണമെങ്കിലും കാണാവുന്ന രീതിയിലുള്ള സ്ട്രീമിങ്ങും ഉടനെ ആരംഭിക്കുമെന്നാണ് സൂചന.
ഏപ്രിൽ പതിനാലിന് റിലീസ് ചെയ്ത ഈ ചിത്രത്തിന്റെ നാല് ഭാഷാ വേർഷനുകൾ നൂറു കോടി ഗ്രോസ് നേടി ചരിത്രം കുറിച്ചിരുന്നു. മലയാളമൊഴികെയുള്ള ഭാഷകളിലാണ് ഈ ചിത്രം നൂറു കോടി നേടി ചരിത്രം സൃഷ്ടിച്ചത്. ഇതിന്റെ ഹിന്ദി ഡബ്ബിങ് പതിപ്പ് മാത്രം നാനൂറു കോടിക്ക് മുകളിലാണ് നേടിയെടുത്തത്. കേരളത്തിൽ നിന്ന് ഈ ചിത്രം നേടിയത് അറുപതു കോടിക്ക് മുകളിലാണ്. ഇന്ത്യൻ സിനിമയിലെ തന്നെ ഇതിനു മുൻപ് ആയിരം കോടി ഗ്രോസ് നേടിയ ചിത്രങ്ങൾ ആമിർ ഖാൻ നായകനായ ദങ്കൽ, എസ് എസ് രാജമൗലിയൊരുക്കിയ ബാഹുബലി 2 , ആർ ആർ ആർ എന്നിവയാണ്. ഇതിൽ ദങ്കൽ രണ്ടായിരം കോടിക്ക് മുകളിൽ നേടിയപ്പോൾ, ബാഹുബലി 2 നേടിയത് 1700 കോടിക്ക് മുകളിലാണ്. ആർ ആർ ആർ എന്ന ചിത്രവും 1200 കോടിക്ക് മുകളിൽ കളക്ഷൻ നേടിയിരുന്നു. റോക്കിങ് സ്റ്റാർ യാഷ് നായകനായ കെ ജി എഫിൽ നായികയായി എത്തിയത് ശ്രീനിഥി ഷെട്ടിയാണ്.
രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി' എന്ന ചിത്രം…
ജനസേന പാർട്ടി അധ്യക്ഷനും ആന്ധ്രാപ്രദേശ് ഉപമുഖ്യമന്ത്രിയുമായ ശ്രീ പവൻ കല്യാൺ തിരുപ്പതിയിൽ പൊതുയോഗത്തിൽ ജനങ്ങളെ അഭിസംബോധനം ചെയ്യുന്ന ലൈവ് വീഡിയോ…
മലയാളികളുടെ പ്രീയപ്പെട്ട നടിമാരിലൊരാളായ പൂർണ്ണിമ ഇന്ദ്രജിത് ഒരു വലിയ ഇടവേളക്ക് ശേഷം അഭിനയിച്ച ചിത്രമാണ് ഷാനവാസ് കെ ബാവക്കുട്ടി ഒരുക്കിയ…
മമ്മൂട്ടിയെ നായകനാക്കി രഞ്ജിത്ത് തിരക്കഥ, സംവിധാനം നിര്വ്വഹിച്ച് 2009 ല് റിലീസ് ചെയ്ത പാലേരി മാണിക്യം: ഒരു പാതിരാ കൊലപാതകത്തിന്റെ…
മെഗാസ്റ്റാർ മമ്മൂട്ടിയെ നായകനാക്കി 2018 ൽ അബ്രഹാമിന്റെ സന്തതികൾ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് ഷാജി പാടൂർ. സൂപ്പർ…
മോഹൻലാലിനെ നായകനാക്കി സൂപ്പർ ഹിറ്റ് സംവിധായകൻ തരുൺ മൂർത്തി ഒരുക്കുന്ന ചിത്രം പുരോഗമിക്കുകയാണ്. L360 എന്ന് താത്കാലികമായി പേര് നൽകിയിരിക്കുന്ന…
This website uses cookies.