മെഗാസ്റ്റാർ മമ്മൂട്ടി നായകനായ ബിഗ് ബഡ്ജറ്റ് ചരിത്ര സിനിമയായ മാമാങ്കം 2019 ഡിസംബറിലാണ് റിലീസ് ചെയ്തത്. എം പദ്മകുമാർ സംവിധാനം ചെയ്ത ഈ ചിത്രം നിർമ്മിച്ചത് കാവ്യാ ഫിലിംസിന്റെ ബാനറിൽ വേണു കുന്നപ്പിള്ളിയാണ്. ഇപ്പോഴിതാ മാമാങ്കത്തിന് ശേഷം മറ്റൊരു ബിഗ് ബഡ്ജറ്റ് ചിത്രവുമായി എത്തുകയാണ് കാവ്യാ ഫിലിംസ്. ഉണ്ണി മുകുന്ദൻ നായകനായി എത്തുന്ന മാളികപ്പുറം എന്ന ചിത്രമാണ് ഇനി കാവ്യാ ഫിലിംസ് നിർമ്മിക്കുന്നത്. കാവ്യാ ഫിലിംസിനൊപ്പം ആന്റോ ജോസഫിന്റെ ആൻ മെഗാ മീഡിയ കൂടി ഈ ചിത്രത്തിന്റെ നിർമ്മാണത്തിൽ പങ്കാളിയാവും. വിഷ്ണു ശശി ശങ്കർ സംവിധാനവും എഡിറ്റിംഗും നിർവഹിക്കാൻ പോകുന്ന ഈ ചിത്രം രചിച്ചിരിക്കുന്നത് അഭിലാഷ് പിള്ളയാണ്. മമ്മൂട്ടി നായകനായ മാമാങ്കത്തിലും ഗംഭീരമായ ഒരു വേഷം ചെയ്ത ഉണ്ണി മുകുന്ദൻ കാവ്യാ ഫിലിംസിന്റെ പുതിയ ചിത്രത്തിൽ നായകനായി എത്തുന്നു എന്നത് തന്നെയാണ് ഈ വാർത്തയുടെ ഹൈലൈറ്റ്.
ഉണ്ണി മുകുന്ദനൊപ്പം സൈജു കുറുപ്പ്, ഇന്ദ്രൻസ്, മനോജ് കെ ജയൻ, രമേശ് പിഷാരടി, സമ്പത് റാം, ദേവനന്ദ, ശ്രീപത് എന്നിവരും ഈ ചിത്രത്തിന്റെ താരനിരയിലുണ്ട്. വിഷ്ണു നാരായണൻ ക്യാമറ ചലിപ്പിക്കുന്ന ഈ ചിത്രത്തിന് ഗാനങ്ങളും പശ്ചാത്തല സംഗീതവുമൊരുക്കുന്നത് രെഞ്ജിൻ രാജാണ്. കനൽ കണ്ണൻ ആക്ഷൻ രംഗങ്ങൾ ഒരുക്കാൻ പോകുന്ന ഈ ചിത്രത്തിലെ ഗാനങ്ങൾക്ക് വരികൾ രചിക്കുന്നത് സന്തോഷ് വർമ്മ, ബി കെ ഹരിനാരായണൻ എന്നിവരാണ്. ഏതായാലും ഒരുപിടി വമ്പൻ ചിത്രങ്ങളുമായി മലയാളത്തിലെ തിരക്കുള്ള താരങ്ങളിലൊരാളായി തിളങ്ങി നിൽക്കുകയാണിപ്പോൾ ഉണ്ണി മുകുന്ദൻ. ഷഫീഖിന്റെ സന്തോഷം, യശോദ, മിണ്ടിയും പറഞ്ഞും, ബ്രൂസ് ലീ എന്നിവയാണ് ഉണ്ണി മുകുന്ദൻ നായകനായി ഇനി വരാനുള്ള മറ്റു ചിത്രങ്ങൾ.
മലയാളത്തിലെ പ്രശസ്ത സംവിധായകനായ അൻവർ റഷീദിന്റെ പുതിയ പ്രൊജെക്ടുകളെ കുറിച്ചുള്ള വാർത്തകളാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. രാജമാണിക്യം, ചോട്ടാ…
മലയാളത്തിന്റെ മെഗാസ്റ്റാർ മമ്മൂട്ടിയുടെ ഏറ്റവും പുതിയ ലുക്ക് ആണ് ഇപ്പോൾ സോഷ്യൽ മീഡിയയിൽ സംസാര വിഷയം. മുടി പിന്നിലേക്ക് ചീകിയൊതുക്കി,…
കേരളത്തിൽ നിന്ന് മാത്രം 50 കോടി രൂപ ഗ്രോസ് കളക്ഷൻ നേടുന്ന ചിത്രങ്ങളിൽ ഒന്നായി ടോവിനോ തോമസിന്റെ അജയന്റെ രണ്ടാം…
മെഗാബ്ലോക്ക്ബസ്റ്റർ വിജയം നേടി മുന്നേറുന്ന ടോവിനോ തോമസ് ചിത്രം അജയന്റെ രണ്ടാം മോഷണത്തിന് കയ്യടിയുമായി പ്രശസ്ത സംവിധായകൻ ജൂഡ് ആന്റണി…
മാജിക് ഫ്രെയിംസിന്റെ ചരിത്രത്തിലെ ഏറ്റവും വലിയ ബോക്സ് ഓഫീസ് തേരോട്ടമാണ് 3D A.R.M ലൂടെ മലയാള സിനിമ സാക്ഷ്യം വഹിക്കുന്നത്…
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
This website uses cookies.