തമിഴിലെ സൂപ്പർ ഹിറ്റ് സംവിധായകനായ കാർത്തിക് സുബ്ബരാജ് മലയാള സിനിമയിലേക്കെത്തിയ ചിത്രമാണ് അറ്റൻഷൻ പ്ലീസ്. മഹാന്‍, പേട്ട, ജഗമേ തന്തിരം, പിസ, ജിഗർത്തണ്ട, ഇരൈവി തുടങ്ങിയ സൂപ്പര്‍ ഹിറ്റ് ചിത്രങ്ങളുടെ സംവിധായകനായ കാര്‍ത്തിക് സുബ്ബരാജ് നിര്‍മാതാവായിയാണ് മലയാള സിനിമയിൽ എത്തിയത്. പുതുമുഖങ്ങൾക്ക് അവസരങ്ങൾ കൊടുക്കുക എന്ന ലക്ഷ്യത്തോടെയാരംഭിച്ച, കാര്‍ത്തിക് സുബ്ബരാജിന്റെ നേതൃത്വത്തിലുള്ള സ്റ്റോണ്‍ ബെഞ്ച് ഫിലിംസ് ആന്‍ഡ് ഒറിജിനല്‍സ് നിർമ്മിച്ച ഈ ചിത്രം മികച്ച പ്രേക്ഷക- നിരൂപക പ്രശംസയാണ് നേടിയത്. ഇപ്പോഴിതാ തീയേറ്റർ റിലീസിന് ശേഷം ഈ ചിത്രം ഓടിടി റിലീസായി പ്രേക്ഷകർക്ക് മുന്നിലെത്തുകയാണ്. ഈ വരുന്ന സെപ്റ്റംബർ പതിനാറിന് നെറ്റ്ഫ്ലിക്സിലാണ് അറ്റൻഷൻ പ്ലീസ് സ്‌ട്രീമിംഗ്‌ ആരംഭിക്കുക.
കാര്‍ത്തിക് സുബ്ബരാജും അദ്ദേഹത്തിന്റെ നിർമ്മാണ ബാനറിൽ പങ്കാളികളായ കാര്‍ത്തികേയന്‍ സന്താനം, കല്യാണ്‍ സുബ്രഹ്മണ്യം എന്നിവരും ചേര്‍ന്ന് നിർമ്മിച്ച ഈ ചിത്രം ഓഗസ്റ്റ് 26 നാണ് തീയേറ്ററുകളിൽ എത്തിയത്. വിഷ്ണു ഗോവിന്ദ്, ശ്രീജിത്ത് ബി, ആനന്ദ് മന്മഥന്‍, ജോബിന്‍ പോള്‍, ജിക്കി പോള്‍, ആതിര കല്ലിങ്ങല്‍ തുടങ്ങിയവര്‍ ഭാഗമായ ഈ ചിത്രം സംവിധാനം ചെയ്തത് ജിതിൻ ഐസക്ക് തോമസാണ്. സിംഗിള്‍ ലൊക്കേഷന്‍ എക്‌സ്പിരിമെന്റല്‍ മൂവിയായി ഒരുക്കിയ ഈ ചിത്രം, സിനിമാ മോഹവുമായി കഴിയുന്ന ആറുപേരുടെ കഥ പറയുന്നതിനോടൊപ്പം ജാതി വിവേചനങ്ങള്‍ക്കെതിരെ വിരല്‍ ചൂണ്ടുക കൂടി ചെയ്യുന്നുണ്ട്. 2021 ഐഎഫ്എഫ്‌കെയില്‍ പ്രദര്‍ശനത്തിന് തെരഞ്ഞെടുക്കപ്പെട്ട ചിത്രം കൂടിയാണിത്. രോഹിത് വിഎസ് വാരിയത് എഡിറ്റിംഗ് നിര്‍വഹിച്ച ഈ ചിത്രത്തിലെ ഗാനങ്ങള്‍ക്ക് ഈണം പകർന്നത് അരുണ്‍ വിജയ്, ഇതിന് ക്യാമറ ചലിപ്പിച്ചത് ഹിമല്‍ മോഹന്‍ എന്നിവരാണ്.
മലയാള സിനിമയിലെ എവർഗ്രീൻ ക്ലാസിക്കുകളിലൊന്നായ മോഹൻലാൽ-പ്രിയദർശൻ കൂട്ടുകെട്ടിന്റെ ‘തേന്മാവിൻ കൊമ്പത്ത്’ റീ റിലീസ് ട്രെയ്‌ലർ പുറത്ത്. ചിത്രത്തിൻ്റെ സംവിധായകൻ പ്രിയദർശൻ്റെ…
ഓട്ടം തുള്ളൽ എന്ന പുതിയ ചിത്രത്തിന് പ്രേക്ഷക പിന്തുണ അഭ്യർത്ഥിച്ച് സംവിധായകൻ മാർത്താണ്ഡൻ. ചിത്രത്തിൻ്റെ രചയിതാവും ഇതിലെ നായകനുമായ ബിനു…
കൊച്ചി: ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ ട്രെയ്‌ലർ പുറത്തിറങ്ങി. വിശ്വാസങ്ങൾ, ജ്യോതിഷവുമായി ബന്ധപ്പെട്ട ധാരണകൾ,…
ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ന്റെ ടീസർ പുറത്തിറങ്ങി. നടൻ ടൊവിനോ തോമസിന്റെ ഔദ്യോഗിക സോഷ്യൽ…
ജി. മാർത്താണ്ഡൻ ചിത്രം വിദേശ പ്രേക്ഷകരിലേക്കും; വിതരണാവകാശം സൈബർ സിസ്റ്റംസ് ഓസ്ട്രേലിയക്ക് ജി. മാർത്താണ്ഡൻ സംവിധാനം ചെയ്യുന്ന പുതിയ മലയാള…
സംവിധായകൻ ജി മാർത്താണ്ടന്റെ ഏറ്റവും പുതിയ ചിത്രമായ ഓട്ടം തുള്ളലിലെ ആദ്യ ഗാനം എത്തി. മലയാളത്തിന്റെ പ്രിയ ഗായിക വൈക്കം…
This website uses cookies.