മഹാനടിയിൽ ഗംഭീര പ്രകടനം കാഴ്ചവച്ച കീർത്തി സുരേഷിന് അഭിനന്ദനങ്ങളുമായി കമൽ ഹാസ്സൻ..

സിനിമാ ലോകം മുഴുവനും മഹാനടി ചർച്ചയായി മാറുമ്പോൾ അഭിനന്ദനങ്ങളുമായി സൂപ്പർ താരങ്ങളും വന്നുകൊണ്ടിരിക്കുകയാണ്. തെലുങ്ക് സൂപ്പർ താരമായിരുന്ന ചലച്ചിത്രനടി സാവിത്രിയുടെ ജീവിത കഥ അഭ്രപാളികളിൽ നാഗ് അശ്വിൻ എന്ന സംവിധായകൻ എത്തിച്ചപ്പോൾ ചിത്രം വലിയ ചർച്ചയായി മാറി. ചിത്രത്തിൽ സാവിത്രിയുടെ ഭർത്താവും തമിഴ് സൂപ്പർതാരവും ആയ ജമിനി ഗണേശന്റെ കഥയും പറയുന്നുണ്ട്. ആയതിനാൽ തന്നെ ചിത്രം തെലുങ്ക് സിനിമ പ്രേക്ഷകരെ പോലെതന്നെ തമിഴ് സിനിമാ പ്രേക്ഷകരും വലിയ ആകാംക്ഷയോടെ തന്നെയാണ് ചിത്രത്തെ നോക്കിക്കണ്ടത്. നടികർ തിലകം എന്നാണ് ചിത്രത്തിന്റെ തമിഴ് പതിപ്പിന്റെ പേര്. ചിത്രത്തിന്റെ തമിഴ് പതിപ്പ് തിയേറ്ററുകളിൽ കഴിഞ്ഞ ദിവസം എത്തിയ വേളയിലാണ് കമൽഹാസൻ കീർത്തി സുരേഷിന് അഭിനന്ദനങ്ങളുമായി എത്തിയിരിക്കുന്നത്.

ചിത്രത്തിന്റെ തമിഴ് പതിപ്പിന്റെ റിലീസിനോടനുബന്ധിച്ച് ഇന്നലെ നടന്ന ചടങ്ങിൽ കമൽഹാസനും എത്തിയിരുന്നു. തുടർന്ന് ചടങ്ങിൽ പങ്കെടുത്ത കമൽഹാസൻ ചിത്രത്തിലെ മികച്ച പ്രകടനം കാഴ്ചവച്ച കീർത്തി സുരേഷിന് അഭിനന്ദനങ്ങൾ നേരാനും മറന്നില്ല. പിന്നീട് ചിത്രത്തിന് അഭിനന്ദനങ്ങളും ആശംസകളും അറിയിച്ചാണ് കമൽഹാസൻ യാത്രയായത്. ഉലകനായകൻ, തമിഴ് സൂപ്പർതാരം കമൽഹാസന്റെ കയ്യിൽ നിന്നും ഇത്തരമൊരു അഭിനന്ദനം ഏറ്റുവാങ്ങിയ തിനുള്ള സന്തോഷത്തിലാണ് കീർത്തി സുരേഷ് കമൽ. കമൽ ഹാസനുമായുള്ള തന്റെ ചിത്രങ്ങളിൽ കഴിഞ്ഞദിവസം ഇൻസ്റ്റാഗ്രാമിലൂടെ കീർത്തി സുരേഷ് പങ്കുവെച്ചിരുന്നു. ഇതിന് മുൻപ് തെലുങ്ക് സിനിമാലോകത്തെ ഒട്ടനവധിപേർ കീർത്തി സുരേഷിന് ആശംസകളുമായി എത്തിയിരുന്നു. സംവിധായകൻ രാജമൗലി ഉൾപ്പടെയുള്ളവർ വലിയ പ്രശംസകളാണ് ചൊരിഞ്ഞതും.