പിൻനിരയിൽ നിന്നവരെ മുൻനിരയിലേക്ക് പരിചയപ്പെടുത്താൻ കൽവത്തി ഡേയ്‌സ് എത്തുന്നു..!

പുതുമുഖങ്ങൾക്ക് അവസരം നൽകി കൊണ്ട് അധികം വൈകാതെ ഒരു മലയാള ചിത്രം കൂടി ചിത്രീകരണം ആരംഭിക്കാൻ പോവുകയാണ്. വർഷങ്ങളോളം സിനിമയിൽ ജൂനിയർ ആർട്ടിസ്റ്റുകളായി പിൻനിരയിൽ സജീവമായി നിന്ന കുറച്ചു സുഹൃത്തുക്കളെ മലയാള സിനിമയുടെ മുൻനിരയിലേക്ക് പരിചയപെടുത്തി കൊണ്ട് കൽവത്തി ഡേയ്‌സ് എന്ന പേരിൽ ഈ ചിത്രം നിർമ്മിക്കുന്നത് ഇ എം എന്റർടൈൻമെൻറ്സിന്റെ ബാനറിൽ തോമസ് ജോർജ് ജിബിൻ കടുത്തുസ് എന്നിവരാണ്. നവാഗതനായ നിഷാദ് കെ സലിം ആണ് കൽവത്തി ഡേയ്‌സിന്റെ   രചനയും സംവിധാനവും നിർവഹിചക്കുന്നത്. ഈ ചിത്രത്തിന്റെ ടൈറ്റിൽ പോസ്റ്റർ ഇപ്പോൾ പ്രേക്ഷകരുടെ മുന്നിലേക്ക് എത്തിക്കഴിഞ്ഞു.

ജോമോൻ കെ പോൾ ഛായാഗ്രഹണം നിർവഹിക്കുന്ന ഈ ചിത്രത്തിന് വേണ്ടി സംഗീത സംവിധാനം നിർവഹിക്കുന്നു നിസാം എച്, ഷൈജു അവറാൻ എന്നിവർ ചേർന്നാണ്. സുനിൽ ലാവണ്യ ആണ് ഈ ചിത്രത്തിന് വേണ്ടി കലാസംവിധാനം നിർവഹിക്കുന്നത്. നിസാം എച് പശ്ചാത്തല സംഗീതം ഒരുക്കുന്ന ഈ ചിത്രത്തിന് വേണ്ടി മേക് അപ്പ് വിഭാഗം കൈകാര്യം ചെയ്യുന്നത് രഞ്ജിത്തും വസ്ത്രാലങ്കാരം നിർവഹിക്കുന്നത് പ്രദീപും ആണ്. പുതുമുഖങ്ങൾ പ്രധാന വേഷങ്ങൾ ചെയ്യുന്ന ഈ ചിത്രം ഒരു എന്റെർറ്റൈനെർ ആയാവും ഒരുക്കുക. ചിത്രത്തെ കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ പുറത്തു വിടും എന്നാണ് പ്രതീക്ഷിക്കുന്നത്.