പാ രഞ്ജിത് ചിത്രത്തിലെ കാളിദാസിന്റെ പ്രകടനത്തെ പുകഴ്ത്തി തമിഴ് സിനിമാ ലോകം

തമിഴിലെ സൂപ്പർ ഹിറ്റ് തമിഴ് സംവിധായകൻ പാ രഞ്ജിത് ഒരുക്കിയ ഏറ്റവും പുതിയ ചിത്രമാണ് നച്ചത്തിരം നഗർഗിരത്. കാളിദാസ് ജയറാം നായകനായി എത്തിയ ഈ ചിത്രത്തിന്റെ പ്രത്യേക ഷോ കണ്ടിറങ്ങിയ തമിഴ് സിനിമ ലോകത്തെ പ്രമുഖ വ്യക്തികൾ ഗംഭീര അഭിപ്രായമാണ് നൽകുന്നത്. കാളിദാസ് ജയറാമിന്റെ കരിയർ ബെസ്റ്റ് എന്ന് പറയാവുന്ന തരത്തിലുള്ള പ്രകടനമാണ് ഈ നടൻ കാഴ്ചവെച്ചിരിക്കുന്നതെന്നാണ് അവരുടെ അഭിപ്രായങ്ങൾ സൂചിപ്പിക്കുന്നത്. തമിഴിലെ ഒട്ടേറെ പ്രമുഖ നടന്മാരും നടിമാരും സംവിധായകരും സാങ്കേതിക പ്രവർത്തകരുമുൾപ്പെടെയുള്ളവർ ഈ ചിത്രം കാണാൻ എത്തിയിരുന്നു. അച്ഛൻ ജയറാമിനും അമ്മ പാർവതിക്കുമൊപ്പമാണ് കാളിദാസ് ജയറാം എത്തിയത്. വളരെ ശ്കതമായ ഒരു പ്രമേയം ചർച്ച ചെയ്യുന്ന ഈ ചിത്രത്തിന്റെ അവതരണ ശൈലിയും ഗംഭീരവും പുതുമയേറിയതുമായിരുന്നുവെന്ന് ഏവരും അഭിപ്രായപ്പെടുന്നു.

പാ രഞ്ജിത്തിന്റെ കരിയറിലെ ഏറ്റവും മികച്ച ചിത്രമാണിതെന്നും അഭിപ്രായമുയർന്നു. ഏതായാലും പാവൈ കഥകൾ എന്ന നെറ്റ്ഫ്ലിക്സ് ആന്തോളജി ചിത്രത്തിൽ നടത്തിയ മികച്ച പ്രകടനത്തിന് ശേഷം കാളിദാസ് ജയറാമിന്റെ കരിയറിൽ ഒരു ബ്രേക്ക് ആവാൻ സാധ്യതയുള്ള ചിത്രമായി ഇത് മാറിക്കഴിഞ്ഞു. നീലം പ്രൊഡക്ഷൻസ് നിർമ്മിച്ചിരിക്കുന്ന ഈ ചിത്രത്തിൽ കലൈയരശൻ, ദുഷാറ വിജയൻ, ഹരികൃഷ്ണൻ, വിനോദ്, സുബത്ര റോബർട്ട്, ഷബീർ കല്ലറക്കൽ, റെജിൻ റോസ്, ദാമു, ജ്ഞാനപ്രസാദ്‌, വിൻസു റേച്ചൽ സാം, അർജുൻ പ്രഭാകരൻ, ഉത്തയ്യാ സൂര്യ, സ്റ്റീഫൻ രാജ്, ഷെറിൻ സെലിൻ മാത്യു, മനീഷ ടെയ്റ്റ് എന്നിവരും വേഷമിട്ടിട്ടുണ്ട്. എ കിഷോർ കുമാർ ദൃശ്യങ്ങളൊരുക്കിയ ഈ ചിത്രത്തിന് സംഗീതം പകർന്നത് തെന്മയാണ്‌. സെൽവ ആർ കെയാണ് ഇതിന്റെ എഡിറ്റർ.