ബ്ലെസ്സി ഒരുക്കുന്ന ആട് ജീവിതം എന്ന ചിത്രത്തിന്റെ ഫൈനൽ ഷെഡ്യൂളിനായി ശരീര ഭാരം കുറക്കുകയാണിപ്പോൾ പൃഥ്വിരാജ് സുകുമാരൻ. ഈ ചിത്രം പൂർത്തിയാക്കിയതിനു ശേഷം പൃഥ്വിരാജ് തുടങ്ങാൻ പോകുന്നത് ബിഗ് ബഡ്ജറ് ബ്രഹ്മാണ്ഡ ചിത്രമായ കാളിയൻ ആണെന്നാണ് സൂചന. ബാഹുബലി, കെ ജി എഫ് എന്നിവ പോലെ ഒരു ബഹുഭാഷാ ചിത്രമായി കാളിയൻ ഒരുക്കാനാണ് അണിയറ പ്രവർത്തകരുടെ ശ്രമമെന്നാണ് റിപ്പോർട്ടുകൾ പറയുന്നത്. ഈ ചിത്രം പ്രഖ്യാപിച്ചിട്ടു ഒരുപാട് നാൾ ആയെങ്കിലും ഇതിന്റെ ചിത്രീകരണം സംബന്ധിച്ചുള്ള വാർത്തകൾ ഇപ്പോഴാണ് പുറത്തു വരുന്നത്. ഇത്രയും നാൾ പ്രീ പ്രൊഡക്ഷൻ സ്റേജിലായിരുന്നു കാളിയൻ.
ഈ ചിത്രം കൂടാതെ കറാച്ചി 81 എന്ന ചിത്രവും മോഹൻലാലിനെ നായകനാക്കി സംവിധാനം ചെയ്യുന്ന ലുസിഫെറിന്റെ രണ്ടാം ഭാഗവും രതീഷ് അമ്പാട്ട്- മുരളി ഗോപി ചിത്രവും പൃഥ്വിരാജ് പ്രഖ്യാപിച്ചിട്ടുള്ള ചിത്രങ്ങളാണ്. നവാഗതനായ എസ് മഹേഷ് ആണ് കാളിയൻ എന്ന ചിത്രം സംവിധാനം ചെയ്യുന്നത്. ടെലിവിഷന് രംഗത്ത് നിന്നാണ് ഈ സംവിധായകൻ സിനിമയിലെത്തുന്നത് എന്ന പ്രത്യേകതയുമുണ്ട്. അതുപോലെ ഈ ചിത്രത്തിനു തിരക്കഥ രചിച്ചിരിക്കുന്നത് പ്രശസ്ത മാധ്യമപ്രവര്ത്തകനായ ബി ടി അനില് കുമാര് ആണ്. മാജിക് മൂണ് പ്രൊഡക്ഷന്സിന്റെ ബാനറില് രാജീവ് ഗോവിന്ദന് നിര്മ്മാണം നിർവഹിക്കുന്ന ഈ ചിത്രത്തിൽ പൃഥ്വിരാജ് കൂടാതെ വമ്പൻ താര നിരയാണ് അണിനിരക്കാൻ പോകുന്നത്. ലൂസിഫറിന് ശേഷം പൃഥ്വിരാജ് ചിത്രത്തിന് വേണ്ടി സുജിത് വാസുദേവ് ക്യാമറ ചലിപ്പിക്കുന്ന ചിത്രവും കൂടിയായിരിക്കും കാളിയന്. ബംഗ്ലാന് പ്രൊഡക്ഷന് ഡിസൈന് നിർവഹിക്കുന്ന ഈ ചിത്രം വേണാട് ചരിത്രത്തിലെ വീരപുരുഷനും പടത്തലവനുമായ ഇരവിക്കുട്ടിപ്പിള്ളയുടെയും ആത്മ മിത്രം കുഞ്ചിറക്കോട്ട് കാളിയുടെയും കഥയാണ് പറയാൻ പോകുന്നത്.
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
ക്യൂബ്സ് എന്റർടെയ്ന്മെന്റ്സ് നിര്മ്മാണത്തില് ഉണ്ണി മുകുന്ദനെ നായകനാക്കി ഹനീഫ് അദനി സംവിധാനം ചെയ്യുന്ന പുതിയ ചിത്രമായ മാർക്കോ പ്രേക്ഷകരുടെ മുന്നിലെത്താനുള്ള…
ഓണക്കാലചിത്രങ്ങളിൽ ഏറ്റവും കൂടുതൽ കളക്ഷൻ സ്വന്തമാക്കിയതിന് ശേഷം വരാൻ പോകുന്ന പൂജ അവധികളിലും മികച്ച കളക്ഷൻ ലക്ഷ്യമിട്ട് A.R.M. 100…
This website uses cookies.