ഓം ശാന്തി ഓശാന എന്ന സൂപ്പർഹിറ്റ് നിവിൻ പോളി ചിത്രം സംവിധാനം ചെയ്ത് മലയാള സിനിമയിൽ അരങ്ങേറ്റം കുറിച്ച സംവിധായകൻ ആണ് ജൂഡ് ആന്റണി ജോസെഫ്. അതിനു ശേഷം ഒരു മുത്തശ്ശി ഗദ എന്ന ചിത്രം കൂടി ഒരുക്കിയ ജൂഡ് ഒരു നടൻ എന്ന നിലയിലും പ്രേക്ഷകർക്ക് സുപരിചിതനാണ്. പ്രേമം, ആക്ഷൻ ഹീറോ ബിജു, വേട്ട, ഒരു മുത്തശ്ശി ഗദ, തോപ്പിൽ ജോപ്പൻ, വെളിപാടിന്റെ പുസ്തകം, പോക്കിരി സൈമൺ, സ്ട്രീറ്റ് ലൈറ്റ്സ്, ഒരു കുട്ടനാടൻ ബ്ലോഗ്, കായംകുളം കൊച്ചുണ്ണി, ലൗ ആക്ഷൻ ഡ്രാമ, മനോഹരം എന്നീ ചിത്രങ്ങളിൽ അഭിനയിച്ചിട്ടുള്ള ജൂഡ് ഇപ്പോൾ തന്റെ പുതിയ സംവിധാന സംരംഭമായ 2403 ഫീറ്റ് എന്ന ചിത്രത്തിന്റെ ജോലികളിൽ ആണ്. അതിനിടക്ക് അദ്ദേഹം കൊടുത്ത ഒരു മീഡിയ ഇന്റർവ്യൂവിൽ, അവതാരിക അദ്ദേഹം അഭിനയിച്ച വട്ടമേശ സമ്മേളനം എന്ന പുറത്തിറങ്ങാനുള്ള ചിത്രത്തെ കുറിച്ചു ചോദിച്ചപ്പോൾ അദ്ദേഹം പൊട്ടിത്തെറിക്കുന്ന വീഡിയോ ആണ് സോഷ്യൽ മീഡിയയുടെ ശ്രദ്ധയാകർഷിക്കുന്നത്.
ഹോംലി മീൽസ്, ബെൻ എന്നീ ചിത്രങ്ങൾ ഒരുക്കിയ വിപിൻ ആറ്റ്ലിയോടൊപ്പം എട്ടു സംവിധായകർ ചേർന്നു ഒരുക്കിയ ഒരു ആന്തോളജി ഫിലിം ആണ് വട്ടമേശ സമ്മേളനം. ഈ ചിത്രത്തിൽ ജൂഡ് ആന്റണി ജോസെഫ് അഭിനയിച്ചിട്ടും ഉണ്ട്. ഈ ചിത്രത്തെ കുറിച്ചു അവതാരിക ചോദിച്ചപ്പോൾ ഇപ്പോൾ അതിനെ കുറിച്ച് സംസാരിക്കുന്നത് എന്തിനാണ് എന്നും അതിനെ കുറിച്ചു പറയാൻ അല്ല താൻ ഇവിടെ വന്നിരിക്കുന്നതും എന്നാണ് ജൂഡ് പറയുന്നത്. ആ സിനിമയെ കുറിച്ചു സംസാരിക്കാൻ പോലും തനിക്ക് താൽപ്പര്യം ഇല്ലെന്ന സന്ദേശമാണ് ജൂഡ് ആന്റണി തന്റെ വാക്കുകളിലൂടെ നൽകിയത്. എന്താണ് അതിന്റെ കാരണം എന്നത് വ്യക്തമല്ല.
മലയാളത്തിലെ ഏറ്റവും മോശം സിനിമയുടെ മോശം ട്രയ്ലർ എന്നു പറഞ്ഞാണ് വട്ടമേശ സമ്മേളനം ട്രയ്ലർ അവർ റീലീസ് ചെയ്തത്. ജൂഡ് ആന്റണി ജോസഫിന് ഒപ്പം വിപിൻ ആറ്റ്ലി, സാജു നവോദയ, അഞ്ജലി, കെ പി എസ് പടന്നയിൽ, മോസസ് തോമസ്, മെറീന മൈക്കൽ, ജിബു ജേക്കബ്, സോഹൻ സീനുലാൽ, നോബി എന്നീ നടീനടന്മാരും ഈ ചിത്രത്തിൽ അഭിനയിച്ചിട്ടുണ്ട്.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.