മലയാളികളുടെ പ്രീയപ്പെട്ട സംവിധായകരിൽ ഒരാളാണ് ജീത്തു ജോസഫ്. മൈ ബോസ്, മെമ്മറീസ്, ദൃശ്യം, ദൃശ്യം 2 , ട്വൽത് മാൻ, കൂമൻ തുടങ്ങിയ സൂപ്പർ ഹിറ്റ് ചിത്രങ്ങളൊരുക്കിയ ജീത്തു ജോസഫ് ത്രില്ലർ സിനിമകളുടെ രാജാവെന്ന നിലയിലാണ് അറിയപ്പെടുന്നത്. മോഹൻലാലിനെ നായകനാക്കി അദ്ദേഹമൊരുക്കിയ ദൃശ്യം, ദൃശ്യം 2 എന്നിവ ആഗോള തലത്തിലാണ് ശ്രദ്ധിക്കപ്പെട്ടത്. വ്യത്യസ്ത ഇന്ത്യൻ ഭാഷകൾ കൂടാതെ ഒട്ടേറെ വിദേശ ഭാഷകളിലേക്കും റീമേക്ക് ചെയ്യപ്പെട്ട ചിത്രമാണ് ദൃശ്യം. മലയാളം കൂടാതെ തമിഴ്, തെലുങ്ക്, ഹിന്ദി ചിത്രങ്ങളും സംവിധാനം ചെയ്തിട്ടുള്ള ജീത്തു ജോസഫ്, ഇപ്പോൾ ചെയ്യുന്നത് മോഹൻലാൽ നായകനായ നേര് എന്ന ഇമോഷണൽ കോർട്ട് റൂം ഡ്രാമയാണ്. അതിന് ശേഷം മോഹൻലാൽ തന്നെ നായകനായ , രണ്ട് ഭാഗങ്ങളുള്ള റാം മൂവി സീരിസ് കൂടെ ജീത്തുവിന് തീർക്കാനുണ്ട്. എന്നാൽ നേരിന് ശേഷം റാം വീണ്ടും തുടങ്ങുന്നതിന് മുൻപ് ഒരു ചെറിയ മലയാള ചിത്രം കൂടി ചെയ്യാനുള്ള ഒരുക്കത്തിലാണ് അദ്ദേഹം.
ബേസിൽ ജോസഫ് നായകനാവുന്ന ഈ ചിത്രം രചിച്ചത്, ട്വൽത് മാൻ, കൂമൻ എന്നീ ജീത്തു ജോസഫ് ചിത്രങ്ങൾ രചിച്ച കൃഷ്ണകുമാറാണ്. ബ്ലാക്ക് ഹ്യുമറിന് പ്രാധാന്യം നൽകുന്ന ഒരു ഡാർക്ക് കോമഡി ചിത്രമാണ് ജീത്തു- ബേസിൽ കൂട്ടുകെട്ടിൽ നിന്ന് പുറത്തു വരികയെന്നാണ് അദ്ദേഹം വെളിപ്പെടുത്തുന്നത്. ദിലീപ് നായകനായ മൈ ബോസ് എന്ന കോമഡി ഫാമിലി ചിത്രത്തിന് ശേഷം ജീത്തു ജോസഫ് ചെയ്യാൻ പോകുന്ന ഒരു കോമഡി ചിത്രമായിരിക്കും ഈ ബേസിൽ ജോസഫ് പ്രൊജക്റ്റ്. ഈ നവംബർ മാസത്തിൽ ബേസിൽ ചിത്രം ആരംഭിക്കാനാണ് പ്ലാനെന്നും ജീത്തു ജോസഫ് വെളിപ്പെടുത്തി. നേര്, ബേസിൽ ജോസഫ് ചിത്രം, റാം സീരിസ് എന്നിവ കൂടാതെ രണ്ട് ഹിന്ദി ചിത്രങ്ങളും, ഒരു തമിഴ് ചിത്രവും, ഇന്ത്യൻ സിനിമാ ലോകം ഒന്നടങ്കം കാത്തിരിക്കുന്ന ദൃശ്യം 3 യും ജീത്തു ജോസഫ് കമ്മിറ്റ് ചെയ്തിട്ടുണ്ട്.
സൂര്യയെ നായകനാക്കി എ ആർ മുരുഗദോസ് സംവിധാനം ചെയ്ത ബ്ലോക്ക്ബസ്റ്റർ തമിഴ് ചിത്രമാണ് 2005 ൽ പുറത്തു വന്ന ഗജിനി.…
തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ സൂപ്പർ ഹിറ്റുകൾക്കും പ്രേമലു എന്ന ബ്ലോക്ക്ബസ്റ്റർ ചിത്രത്തിനും ശേഷം ഗിരീഷ് എ…
മലയാള സിനിമ കണ്ട ഏറ്റവും വലിയ ചിത്രങ്ങളിൽ ഒന്നായ കത്തനാറിന്റെ ചിത്രീകരണം പൂർത്തിയായി. രണ്ടു ഭാഗങ്ങളായി എത്തുന്ന ഈ ചിത്രത്തിന്റെ…
ഇന്ന് ജന്മദിനം ആഘോഷിക്കുന്ന യുവസൂപ്പർതാരം പൃഥ്വിരാജ് സുകുമാരന് ആശംസകൾ അർപ്പിച്ചു കൊണ്ട് മോഹൻലാൽ നായകനായ എമ്പുരാൻ എന്ന ചിത്രത്തിലെ പൃഥ്വിരാജ്…
നടൻ സൂര്യയുടെ കരിയറിലെ തന്നെ ഏറ്റവും വലിയ ചിത്രമായ കങ്കുവ റിലീസിന് ഒരുങ്ങുകയാണ്. സ്റ്റുഡിയോ ഗ്രീനിന്റെ ബാനറിൽ കെ ഇ…
ഗുരുവായൂരമ്പലനടയിലിന് ശേഷം വീണ്ടും പൃഥ്വിരാജ് - വിപിൻ ദാസ് കോംബോ..! ഇത്തവണ കൂടെ മാജിക് ഫ്രെയിംസും ലിസ്റ്റിൻ സ്റ്റീഫനും. പിറന്നാൾ…
This website uses cookies.