ഈ അവധിക്കാലത്തു ഇറങ്ങിയ ചിത്രങ്ങളിൽ ഏറ്റവും വലിയ വിജയം നേടിയാണ് ജയറാം- കുഞ്ചാക്കോ ബോബൻ ടീം ഒരുമിച്ച പഞ്ചവർണ്ണ തത്ത പറക്കുന്നത്. രമേശ് പിഷാരടി ആദ്യമായി സംവിധാനം ചെയ്ത ഈ ചിത്രം രചിച്ചിരിക്കുന്നത് അദ്ദേഹവും ഹരി പി നായരും ചേർന്നാണ്. മണിയൻ പിള്ള രാജു നിർമ്മിച്ചിരിക്കുന്ന ഈ ചിത്രം വിഷു റിലീസ് ആയാണ് എത്തിയതു. ഒരു പക്കാ ഫാമിലി കോമഡി എന്റെർറ്റൈനെർ ആയൊരുക്കിയ പഞ്ചവർണ്ണ തത്ത ഇപ്പോൾ കേരളത്തിലെ പ്രമുഖ കേന്ദ്രങ്ങളിൽ അൻപതാം ദിവസത്തിലേക്ക് കുതിക്കുകയാണ്. കുടുംബ പ്രേക്ഷകരുടെ വമ്പൻ പിന്തുണയാണ് ഈ ചിത്രത്തെ ഈ വർഷത്തെ സൂപ്പർ ഹിറ്റുകളിൽ ഒന്നാക്കിയത്. പ്രണവ് മോഹൻലാൽ ചിത്രം ആദി, സൗബിൻ ഷാഹിർ ചിത്രം സുഡാനി ഫ്രം നൈജീരിയ എന്നിവ കഴിഞ്ഞാൽ കേരളത്തിൽ ഈ വർഷം ഏറ്റവും കൂടുതൽ കളക്ഷൻ നേടിയ മലയാള ചിത്രവും പഞ്ചവർണ്ണ തത്ത ആണ്.
ജയറാം എന്ന നടന്റെയും താരത്തിന്റെയും വിജയ വഴിയിലേക്കുള്ള വലിയ തിരിച്ചു വരവിനു കൂടിയാണ് ഈ ചിത്രം വഴിയൊരുക്കിയത്. തന്റെ കരിയറിലെ ഏറ്റവും മികച്ച പ്രകടനങ്ങളിൽ ഒന്നാണ് ജയറാം ഈ ചിത്രത്തിൽ കാഴ്ച വെച്ചത്. നാദിർഷായും എം ജയചന്ദ്രനുമാണ് ഈ ചിത്രത്തിലെ ഗാനങ്ങൾക്ക് ഈണം പകർന്നത്. ഔസേപ്പച്ചൻ പശ്ചാത്തല സംഗീതം ഒരുക്കിയ ഈ ചിത്രത്തിന് ദൃശ്യങ്ങൾ നൽകിയത് പ്രദീപ് നായർ ആണ്.
ജയറാം, കുഞ്ചാക്കോ ബോബൻ എന്നിവരെ കൂടാതെ അനുശ്രീ, സലിം കുമാർ, ധർമജൻ ബോൾഗാട്ടി , പ്രേം കുമാർ, അശോകൻ, മല്ലിക സുകുമാരൻ, ജോജു ജോർജ്, മണിയൻ പിള്ള രാജു എന്നിവരും ഈ ചിത്രത്തിൽ നിർണ്ണായക കഥാപാത്രങ്ങളെ അവതരിപ്പിച്ചിട്ടുണ്ട്. തന്റെ ആദ്യ ചിത്രം തന്നെ സൂപ്പർ ഹിറ്റ് ആക്കി മാറ്റിക്കൊണ്ട് അരങ്ങേറ്റം കുറിക്കാൻ സാധിച്ച സംവിധായകരിലൊരാളായി മാറാൻ രമേശ് പിഷാരടിക്കു സാധിച്ചു. ഇപ്പോഴും നിറഞ്ഞ സദസ്സിലാണ് പഞ്ചവർണ്ണ തത്ത പ്രദർശിപ്പിക്കുന്നത്.
വേനലവധിക്കാലത്തു കുടുംബ പ്രേക്ഷകരെ ലക്ഷ്യമാക്കി എത്തുന്ന ചിത്രങ്ങൾ എന്നും കംപ്ലീറ്റ് എന്റർടൈൻമെന്റ് പാക്കേജ് ആയാണ് ഒരുക്കുക. അത്തരം ഒട്ടേറെ ചിത്രങ്ങളുമായി…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഇന്ന് മുതൽ തീയേറ്ററുകളിലേക്ക്. മലയാള സിനിമയുടെ ബോക്സ് ഓഫീസിൽ…
ഷറഫുദ്ദീൻ, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രനീഷ് വിജയൻ സംവിധാനം ചെയ്യുന്ന സിനിമയാണ് 'ദി പെറ്റ് ഡിക്ടറ്റീവ്'. തൃക്കാക്കര…
ദിലീപിനെ നായകനാക്കി വിനീത് കുമാര് സംവിധാനം ചെയ്യുന്ന പവി കെയര് ടേക്കര് എന്ന ചിത്രം ഏപ്രിൽ 26 തിയറ്ററുകളില് എത്തുകയാണ്.…
പ്രേക്ഷകപ്രീതി നേടിയ സണ്ണി വെയ്ൻ-അലൻസിയർ ചിത്രം 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി'യിലെ പ്രോപ്പർട്ടി പോസ്റ്റർ അണിയറ പ്രവർത്തകർ…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഏപ്രിൽ 26 മുതൽ തീയേറ്ററുകളിലേക്ക്. നടൻ വിനീത് കുമാർ…
This website uses cookies.