മലയാളി പ്രേക്ഷകരുടെ എക്കാലത്തെയും കുടുംബ നായകനാണ് ജയറാം. കുടുംബ ചിത്രങ്ങളിലൂടെ വിജയനായകനായ നടന് ഒട്ടേറെ ഹിറ്റുകളുമുണ്ട്. ഇപ്പോഴിതാ താരത്തിന്റെ ഏറ്റവും പുതിയ മലയാള ചിത്രത്തെ കുറിച്ചുള്ള വാർത്തകളാണ് സോഷ്യൽ മീഡിയയിൽ ചർച്ചയാകുന്നത്. ആസ്വാദകർക്ക് ഏറെ പ്രതീക്ഷ തരുന്ന അദ്ദേഹത്തിൻറെ ഏറ്റവും പുതിയ പ്രോജക്ട് ആണ് മിഥുൻ മാനുവൽ തോമസ് സംവിധാനം ചെയ്യുന്ന ‘അബ്രഹാം ഓസ് ലർ’. ചിത്രത്തിലെ ടൈറ്റിൽ റോളിലാണ് ജയറാം എത്തുന്നത്. ചിത്രീകരണം ആരംഭിച്ച ചിത്രത്തിന്റെ ഫസ്റ്റ് ലുക്കും സോഷ്യൽ മീഡിയയിൽ ശ്രദ്ധേയമായിരുന്നു.
ഇപ്പോഴിത ജയറാം തന്നെ ചിത്രത്തിലെ ലൊക്കേഷൻ വീഡിയോകളാണ് പങ്കുവെച്ചിട്ടുള്ളത്. ജയറാമിന്റെ ചിത്രങ്ങളും വീഡിയോകളും ചുരുങ്ങിയ സമയം കൊണ്ട് പ്രേക്ഷകർ ഏറ്റെടുത്തിട്ടുണ്ട്.സാൾട്ട് ആൻഡ് പെപ്പർ ലുക്കിൽ താടി വെച്ചുള്ള ഗെറ്റപ്പിലാണ് താരം കഥാപാത്രമായെത്തുന്നത്.
അഞ്ചാം പാതിര എന്ന ഹിറ്റ് ചിത്രത്തിന് ശേഷം മിഥുൻ സംവിധാനം ചെയ്യുന്ന ചിത്രമാണ് അബ്രഹാം ഓസ്ലർ. ത്രില്ലർ കഥ പറയുന്ന ചിത്രത്തിൽ മമ്മൂട്ടിയും അതിഥി വേഷത്തിൽ എത്തുന്നുവെന്ന് റിപ്പോർട്ടുകൾ ഉണ്ടായിരുന്നു. സമീപകാലത്ത് വളരെ ശ്രദ്ധയോടു കൂടിയും സൂക്ഷ്മതയോടു കൂടിയാണ് ജയറാം കഥാപാത്രങ്ങൾ തിരഞ്ഞെടുക്കുന്നത്. മലയാളത്തിൽ സജീവമല്ലെങ്കിലും ഇതര ഭാഷകളിൽ താരം വലിയ പ്രോജക്ടുകളുടെ ഭാഗമാകുന്നുണ്ട്. മണിരത്നം സംവിധാനം ചെയ്ത പൊന്നിയൻ സെൽവനിൽ അടക്കം മികച്ച വേഷങ്ങൾ താരം കൈകാര്യം ചെയ്തു. അഭിനയിച്ച ഇതര ഭാഷ ചിത്രങ്ങളൊക്കെ സമീപകാലത്ത് തിയേറ്ററുകളിൽ ഹിറ്റുകൾ ആയിരുന്നു.
തമിഴ് സൂപ്പർതാരം അജിത്തുമായി ഒരു ചിത്രം ചെയ്യുമെന്നും അതിന്റെ കഥ അദ്ദേഹത്തോട് സംസാരിച്ചെന്നും വെളിപ്പെടുത്തി ലോകേഷ് കനകരാജ്. രണ്ടു പേരും…
നിവിൻ പോളിയെ നായകനാക്കി അരുൺ വർമ്മ സംവിധാനം ചെയ്ത "ബേബി ഗേൾ" എന്ന ചിത്രം സെപ്റ്റംബർ റിലീസായി പ്ലാൻ ചെയ്യുന്നു…
മോഹൻലാൽ, മമ്മൂട്ടി എന്നിവരെ പ്രധാന കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രം പാട്രിയറ്റിന്റെ പുതിയ ഷെഡ്യൂൾ ലഡാക്കിൽ എന്ന്…
ധനുഷ്- നിത്യ മേനോൻ കോമ്പോ ഒന്നിക്കുന്ന 'ഇഡ്ലി കടൈ' ഒക്ടോബർ ഒന്നിന് ആഗോള റിലീസായി എത്തും. ധനുഷ് തന്നെയാണ് ചിത്രത്തിന്റെ…
പുതുമുഖ സംവിധായകൻ, ഒപ്പം പുതിയ താരങ്ങളും.മാജിക് ഫ്രെയിംസിന്റെ ഏറ്റവും പുതിയ ചിത്രം " മെറി ബോയ്സ് " ലൂടെ ഇത്തരത്തിലുള്ള…
ഹൃതിക് റോഷൻ- ജൂനിയർ എൻ ടി ആർ ടീം ഒന്നിക്കുന്ന വാർ 2 എന്ന ബ്രഹ്മാണ്ഡ ബോളിവുഡ് ആക്ഷൻ ചിത്രം…
This website uses cookies.