ബോളിവുഡ് സൂപ്പർതാരം ഷാരൂഖ് ഖാനെ നായകനാക്കി തമിഴ് സൂപ്പർ ഹിറ്റ് സംവിധായകൻ ആറ്റ്ലി ഒരുക്കിയ ചിത്രമാണ് ജവാൻ. ആറ്റ്ലിയുടെ ബോളിവുഡ് അരങ്ങേറ്റവും നടന്ന ഈ ചിത്രം മെഗാ ബ്ലോക്ക്ബസ്റ്റർ വിജയമാണ് നേടിയത്. ആയിരം കോടി രൂപയുടെ ആഗോള ഗ്രോസ് നേടിയ ഈ ചിത്രം ബോളിവുഡിലെ പുതിയ ഇൻഡസ്ട്രി ഹിറ്റായും മാറിക്കഴിഞ്ഞു. ഒരു വർഷം തന്നെ ആയിരം കോടി ഗ്രോസ് നേടുന്ന രണ്ട് ചിത്രങ്ങൾ സമ്മാനിക്കുന്ന ഇന്ത്യൻ താരമാവാനും ജവാനിലൂടെ ഷാരൂഖ് ഖാന് സാധിച്ചു. ഇപ്പോഴിതാ, ഈ ചിത്രത്തിന് ഹോളിവുഡ് ശ്രദ്ധയും കിട്ടിയെന്ന ആറ്റ്ലിയുടെ വെളിപ്പെടുത്തലാണ് ശ്രദ്ധ നേടുന്നത്. ഈ ചിത്രത്തിൽ ഷാരൂഖ് ഖാനെ ആദ്യമായി അവതരിപ്പിക്കുന്ന സീനിന്റെ മേക്കിങ് സ്റ്റൈൽ കണ്ടിട്ട്, ഹോളിവുഡിലേക്ക് തന്നെ ക്ഷണിച്ചു കൊണ്ട് അവർ ബന്ധപെട്ടു എന്നാണ് ഫിലിം കംപാനിയന് നൽകിയ അഭിമുഖത്തിൽ ആറ്റ്ലി വ്യക്തമാക്കുന്നത്.
ജവാനിലെ ആക്ഷൻ രംഗങ്ങൾ ഒരുക്കാൻ ഹോളിവുഡ് സാങ്കേതിക പ്രവർത്തകരുടെ സഹായം ആറ്റ്ലി തേടിയിരുന്നു. അങ്ങനെ ഈ ചിത്രത്തിൽ ജോലി ചെയ്ത ഹോളിവുഡ് സംഘട്ടന വിദഗ്ദ്ധരാണ് ആറ്റ്ലിയെ ഹോളിവുഡിലേക്ക് ക്ഷണിച്ചിരിക്കുന്നത്. ഏതായാലും ആറ്റ്ലിയുടെ ഈ വെളിപ്പെടുത്തൽ സോഷ്യൽ മീഡിയയിൽ വൈറലാണ്. ഷാരൂഖ് ഖാൻ ഇരട്ട വേഷത്തിലെത്തിയ ഈ ചിത്രത്തിന്റെ ഹൈലൈറ്റ് തന്നെ ആറ്റ്ലിയുടെ മേക്കിങ് ആണ്. ഈ ചിത്രത്തിന് ഒരു രണ്ടാം ഭാഗവും, അത്പോലെ ഇതിലെ വിക്രം റാത്തോർ എന്ന ഷാരൂഖ് കഥാപാത്രത്തെ വെച്ചൊരു സ്പിൻ ഓഫ് ചിത്രവും തന്റെ മനസ്സിലുണ്ടെന്നും ആറ്റ്ലി വെളിപ്പെടുത്തിയിരുന്നു. അല്ലു അർജുൻ നായകനായ ചിത്രമാണ് ആറ്റ്ലി അടുത്തതായി ഒരുക്കുകയെന്നുള്ള റിപ്പോർട്ടുകളാണ് ഇപ്പോൾ വരുന്നത്. അതിനു ശേഷം ദളപതി വിജയ്- ഷാരൂഖ് ഖാൻ എന്നിവരൊന്നിക്കുന്ന ഒരു ചിത്രവും തന്റെ പ്ലാനിലുണ്ടെന്ന് ആറ്റ്ലി പറയുന്നു.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.