ഐ വി -ശശി – മോഹൻലാൽ കൂട്ടുകെട്ട് മലയാളികൾക്ക് ഒരിക്കലും മറക്കാൻ പറ്റാത്ത കൂട്ടുകെട്ടാണ്. ഒട്ടനവധി ചിത്രങ്ങൾ ഇരുവരും ചേർന്ന് നമ്മുക്ക് സമ്മാനിച്ചിട്ടുണ്ട് എങ്കിലും അതിൽ മലയാളികൾക്ക് ഏറ്റവും പ്രീയപെട്ടതു ദേവാസുരം ആയിരിക്കുമെന്നതിൽ സംശയമൊന്നുമില്ല. ഒരുപക്ഷെ ഐ വി ശശി എന്ന സംവിധായകന്റെ കരിയറിലെ തന്നെ ഏറ്റവും മികച്ച ചിത്രങ്ങളുടെ പട്ടികയിൽ മുൻപന്തിയിൽ നിൽക്കുന്ന ചിത്രമായിരിക്കും ദേവാസുരം. മലയാള സിനിമയിലെ ഓൾ ടൈം ക്ലാസ്സിക്കുകളിൽ ഒന്നായാണ് ഈ ചിത്രം പരിഗണിക്കപ്പെടുന്നത്. ഈ ചിത്രത്തിൽ മോഹൻലാൽ അവതരിപ്പിച്ച മംഗലശ്ശേരി നീലകണ്ഠൻ എന്ന കഥാപാത്രത്തിന് ഇന്നും ആരാധകരേറെ.
ഐ വി ശശി- മോഹൻലാൽ കൂട്ടുകെട്ട് ഒരിക്കൽ കൂടി ഒന്നിക്കുമെന്നു വാർത്തകൾ ഉണ്ടായിരുന്നു അടുത്തിടെ. അത് മാത്രമല്ല തന്റെ സിനിമ ജീവിതം അവസാനിപ്പിക്കുന്നതിന് മുൻപേ മോഹൻലാലിനെ നായകനാക്കി ഒരു ചിത്രം കൂടി സംവിധാനം ചെയ്യുക എന്നതാണ് തന്റെ സ്വപ്നമെന്നു ഐ വി ശശി പറയുകയുണ്ടായി.
കുറച്ചു നാൾ മുൻപേ ഒരു ചാനൽ പരിപാടിയിൽ അതിഥിയായി വന്നപ്പോൾ ഐ വി ശശി നടന്മാരുടെ അഭിനയത്തെ കുറിച്ച് സംസാരിക്കുകയുണ്ടായി. ഐ വി ശശി പറയുന്നത് ഒരു നടൻ ഒരിക്കലും അഭിനയിക്കാൻ പാടില്ല എന്നാണ്. അഭിനയം ഫീൽ ചെയ്യിക്കാനാണ് ശ്രമിക്കേണ്ടത്. വളരെ സ്വാഭാവികമായി ആണ് ചെയ്യേണ്ടത്. അതിനു ഏറ്റവും വലിയ ഉദാഹരണം ആയി ഐ വി ശശി പറഞ്ഞത് മോഹൻലാലിൻറെ അഭിനയം ആണ്. സ്വാഭാവികാഭിനയത്തിന്റെ ഏറ്റവും മികച്ച ഉദാഹരണം ആണ് മോഹൻലാൽ എന്നാണ് ഐ വി ശശി പറയുന്നത്.
മോഹൻലാൽ ഒരിക്കലും അഭിനയിക്കുകയാണെന്നു നമ്മുക്ക് തോന്നില്ല എന്നാണ് ഐ വി ശശി പറയുന്നത്. മോഹൻലാലിനെ വെച് ഇത്രയധികം ചിത്രങ്ങൾ സംവിധാനം ചെയ്തിട്ടും അയാൾ ഒരിക്കലും അഭിനയിക്കുന്നതായി തോന്നിയിട്ടില്ലെന്നു ഐ വി ശശി പറയുന്നു. അത്ര സ്വാഭാവികമായി ആണ് മോഹൻലാലിൻറെ പ്രകടനം.
ഷോട്ട് എടുക്കുമ്പോൾ മോഹൻലാലിൻറെ പ്രകടനം കാണുമ്പോൾ തോന്നാം കുറച്ചു കൂടി അഭിനയിക്കാമായിരുന്നില്ലേ എന്ന്. രണ്ടാമത് അത് എടുക്കാനും മോഹൻലാൽ റെഡി ആണ്. പക്ഷെ എത്ര തവണ എടുത്താലും ആദ്യം മോഹൻലാൽ ചെയ്തത് തന്നെ ആയിരിക്കും ഏറ്റവും പെർഫെക്റ്റ് എന്ന് നമ്മുക്ക് സ്ക്രീനിൽ കാണുമ്പോൾ മനസ്സിലാകുമെന്നും ഐ വി ശശി പറയുന്നു.
ഓരോ ഷോട്ടും അത്ര പെർഫെക്റ്റ് ആയി സ്വാഭാവികമായി പെർഫോം ചെയ്യുന്ന മോഹൻലാലിനെ പോലൊരു നടൻ വേറെ ഇല്ല എന്നാണ് ഐ വി ശശിയുടെ അഭിപ്രായം. ഇന്ത്യയിൽ തന്നെ മോഹൻലാലിനെ പോലെ സ്വാഭാവികമായി അഭിനയിക്കുന്ന നടൻ വേറെയില്ല എന്ന് ഇതിഹാസ നടനായ അമിതാബ് ബച്ചൻ പോലും പറഞ്ഞത് എന്തുകൊണ്ടാണെന്ന് നിരവധി പ്രഗത്ഭ നടീനടന്മാരെ വെച് നൂറോളം ചിത്രങ്ങൾ സംവിധാനം ചെയ്ത ഇതിഹാസ തുല്യനായ ഐ വി ശശിയുടെ വാക്കുകളിൽ നിന്നും വ്യക്തമാണ്.
വേനലവധിക്കാലത്തു കുടുംബ പ്രേക്ഷകരെ ലക്ഷ്യമാക്കി എത്തുന്ന ചിത്രങ്ങൾ എന്നും കംപ്ലീറ്റ് എന്റർടൈൻമെന്റ് പാക്കേജ് ആയാണ് ഒരുക്കുക. അത്തരം ഒട്ടേറെ ചിത്രങ്ങളുമായി…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഇന്ന് മുതൽ തീയേറ്ററുകളിലേക്ക്. മലയാള സിനിമയുടെ ബോക്സ് ഓഫീസിൽ…
ഷറഫുദ്ദീൻ, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രനീഷ് വിജയൻ സംവിധാനം ചെയ്യുന്ന സിനിമയാണ് 'ദി പെറ്റ് ഡിക്ടറ്റീവ്'. തൃക്കാക്കര…
ദിലീപിനെ നായകനാക്കി വിനീത് കുമാര് സംവിധാനം ചെയ്യുന്ന പവി കെയര് ടേക്കര് എന്ന ചിത്രം ഏപ്രിൽ 26 തിയറ്ററുകളില് എത്തുകയാണ്.…
പ്രേക്ഷകപ്രീതി നേടിയ സണ്ണി വെയ്ൻ-അലൻസിയർ ചിത്രം 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി'യിലെ പ്രോപ്പർട്ടി പോസ്റ്റർ അണിയറ പ്രവർത്തകർ…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഏപ്രിൽ 26 മുതൽ തീയേറ്ററുകളിലേക്ക്. നടൻ വിനീത് കുമാർ…
This website uses cookies.