പപ്പു പിഷാരടിയായി വിസ്മയിപ്പിക്കാന്‍ ഇന്ദ്രൻസ്

തൊണ്ണൂറുകളിൽ ഹാസ്യവേഷങ്ങളിലൂടെ മലയാള സിനിമയിൽ നിറസാന്നിധ്യമായ നടനാണ് ഇന്ദ്രൻസ് .ഒടുവിൽ വളരെ ശക്തമായ ക്യാരക്ടർ റോളുകളും തന്റെ കയ്യിൽ ഭദ്രം ഒരുപാടു സിനിമകളിലൂടെ തെളിയിച്ചു കഴിഞ്ഞു .. അക്കൂട്ടത്തിലേക്ക് ഇതാ ഒരു ചിത്രം കൂടി .

എഴുപത്തിയഞ്ച് വയസ്സ് പ്രായമുള്ള പപ്പുപിഷാരടി എന്ന ഓട്ടൻതുള്ളൽ കലാകാരനായ് ഇന്ദ്രൻസ് പ്രധാന വേഷത്തിൽ അഭിനയിക്കുന്ന ചിത്രമാണ്‌ ആളൊരുക്കം . മാധ്യമ പ്രവർത്തകനായ വി.സി. അഭിലാഷ്‌ രചനയും സംവിധാനവും നിർവഹിക്കുന്ന ചിത്രത്തിന്‍റെചിത്രീകരണം തിരുവനന്തപുരത്ത് പുരോഗമിക്കുന്നു. 20 വര്ഷം മുൻപ് കാണാതായ മകനെ തിരക്കി തിരുവനന്തപുരം നഗരത്തിൽ എത്തുന്ന ഓട്ടൻതുള്ളൽ കലാകാരനായ പപ്പു പിഷാരടിയുടെ ജീവിതം ആണ് ചിത്രത്തിന്റെ പ്രേമേയം . ചിത്രത്തിനു വേണ്ടി ഇന്ദ്രൻസിനെ ഓട്ടൻതുള്ളൽ അഭ്യസിപ്പിക്കുന്നത് കലാമണ്ഡലത്തിലെ കലാകാരന്മാരാണ് .

ഒരുപക്ഷെ വളരെ വൈകി മാത്രമാണ് ഇന്ദ്രൻസിനുള്ളിലെ പ്രതിഭയെ നമ്മൾ കണ്ടത് . ടി വി ചന്ദ്രന്റെ കഥാവശേഷൻ തൊട്ടാണ് ഇന്ദ്രൻസിനെ തേടി മികച്ച അഭിനയ സാധ്യത ഉള്ള റോളുകൾ എത്തി തുടങ്ങിയത് . തുടർന്ന് മാധവ് രാംദാസ് സംവിധാനം ചെയ്ത അപ്പോത്തിക്കിരിയും , ഒടുവിൽ പുറത്തെത്തിയ മൻഡ്രോ തുരുത്തും അദ്ദേഹത്തിലെ അസാമാന്യ അഭിനയത്തിന്റെ കൈയൊപ്പ് പതിഞ്ഞ ചിത്രങ്ങളാണ് . മലയാള സിനിമയുടെ ചരിത്രത്തില്‍ മികച്ച പ്രകടനങ്ങളുമായി ഇന്ദ്രന്‍സ് തന്റെ പേരെഴുതി കഴിഞ്ഞിരിക്കുന്നു.

പപ്പു പിഷാരടി ഇന്ദ്രൻസിന്റെ അഭിനയ ജീവിതത്തിലെ മറ്റൊരു മികച്ച കഥാപാത്രമായിത്തീരട്ടെ ..