“മോഹന്‍ലാലിനോടോ മമ്മൂട്ടിയോടോ ഞാനൊന്ന് പറഞ്ഞാല്‍ അവനൊരു അവസരം കൊടുക്കും…” കൈതപ്രം ദാമോദരൻ പറയുന്നു

കവി, ഗാനരചയിതാവ്, സംഗീതസംവിധായകൻ, ഗായകൻ തുടങ്ങി നിരവധി മേഖലകളിൽ തന്റെ വ്യക്തിമുദ്ര പതിപ്പിച്ച കലാപ്രതിഭയാണ് കൈതപ്രം ദാമോദരൻ. പതിറ്റാണ്ടുകളായി മലയാള സിനിമയുടെ അഭിവാജ്യ ഘടകമായി നിലനിൽക്കുന്ന കൈതപ്രം മലയാള സിനിമാ ലോകത്തിനും സാംസ്കാരിക മേഖലയ്ക്കും നിരവധി സംഭാവനകൾ നൽകിയിട്ടുണ്ട്. അടുത്തിടെ അദ്ദേഹം ഗൃഹലക്ഷ്മി നൽകിയ അഭിമുഖം വലിയ ചർച്ചകൾക്ക് വഴിവെച്ചിരുന്നു. തന്റെ വ്യക്തി ജീവിതത്തെയും സിനിമ ജീവിതത്തെയുക്കുറിച്ച് വളരെ വ്യക്തമായ നിലപാട് തുറന്നുപറഞ്ഞ കൈതപ്രത്തിന്റെ വാക്കുകൾ സമൂഹമാധ്യമങ്ങളിലും വലിയ രീതിയിൽ ശ്രദ്ധിക്കപ്പെട്ടു. തന്റെ മകന്റെ സിനിമ ജീവിതത്തെക്കുറിച്ച് അദ്ദേഹം നടത്തിയ പരാമർശമാണ് അതിൽ ഏറ്റവും കൂടുതൽ ശ്രദ്ധ നേടുന്ന വിഷയം. അദ്ദേഹത്തിന്റെ രണ്ടു മക്കളിൽ ദീപാങ്കുരന്‍ കണ്ണാടിയാണ് അച്ഛനെപ്പോലെ സംഗീതത്തിന്റെ വഴി തെരഞ്ഞെടുത്തത്. എന്നാൽ അവസരങ്ങൾക്കായി വളരെ പ്രശസ്തരായ അച്ഛന്റെ മകൻ എന്ന മേൽവിലാസം ദീപാങ്കുരന്‍ എന്ന ദീപു ഇതുവരെയും ഉപയോഗിച്ചിട്ടില്ല എന്ന് കൈതപ്രം പറയുന്നു.

മലയാളത്തിന്റെ സൂപ്പർതാരങ്ങളായ മോഹൻലാലിനോടോ മമ്മൂട്ടിയോടോ സംവിധായകൻ സത്യൻ അന്തിക്കാടിനോടോ താൻ ഒന്നു പറഞ്ഞാൽ ദീപുവിന് ഒരു അവസരം അവർ കൊടുക്കും, എന്നാൽ അതിൽ ഒരു കാര്യവുമില്ല എന്ന് കൈതപ്രം തുറന്നുപറയുകയാണ്. തന്റെ പേര് പറഞ്ഞ് മകൻ എവിടെയും അവസരങ്ങൾ ചോദിച്ചിട്ടില്ലെന്നും കൈതപ്രം പറയുന്നു. അതുകൊണ്ട് തന്നെയാണ് മകന്റെ പേരിനൊപ്പം കൈതപ്രം എന്ന് വയ്ക്കാത്തതെന്നും എന്നും അദ്ദേഹം പറയുന്നു. അവസരങ്ങൾ ഇത്തരത്തിൽ ചോദിച്ചു വാങ്ങുമ്പോൾ സാമ്പത്തികമായി ചിലപ്പോൾ രക്ഷപ്പെട്ടേക്കാം എന്നും അല്ലാതെ മാറ്റമൊന്നും ഉണ്ടാകില്ല എന്നും കൈതപ്രം പറഞ്ഞു. തന്റെ രണ്ടാമത്തെ മകനായ ദേവദർശൻ ദുബായിൽ ഡോക്ടർ ആണെന്നും രണ്ട് മക്കളും തങ്ങളുടെ കരിയറിൽ മികച്ച അടയാളങ്ങൾ രേഖപ്പെടുത്തണം എന്നാണ് താൻ ആഗ്രഹിക്കുന്നതെന്നും കൈതപ്രം അഭിമുഖത്തിൽ പറയുന്നു. തന്റെ മകളുടെ കരിയറിനെക്കുറിച്ചുള്ള കൈതപ്രത്തിന്റെ നിലപാടുകൾക്ക് മികച്ച പ്രതികരണമാണ് ഇതിനോടകം ലഭിച്ചുകൊണ്ടിരിക്കുന്നത്. കഴിവിന്റെ അടിസ്ഥാനത്തിൽ മാത്രം അവസരങ്ങൾ ലഭിക്കുന്ന നേരായ മാർഗ്ഗം മക്കൾക്ക് പറഞ്ഞു കൊടുക്കുന്ന കൈതപ്രം അഭിനന്ദനം അർഹിക്കുന്നു.