വിനയൻ സംവിധാനം ചെയ്ത ബോയ് ഫ്രണ്ട് എന്ന സിനിമയിലൂടെ വെള്ളിത്തിരയില്‍ അരങ്ങേറ്റം കുറിച്ച ഹണി റോസ് ഇന്ന് മലയാള സിനിമയിലെ മുന്‍നിര നായികമാരിലൊരാളാണ്. മലയാളത്തിന് പുറമേ താരം തമിഴ്, തെലുങ്ക് ഭാഷകളിലും സാന്നിധ്യം അറിയിച്ചിട്ടുണ്ട്. ഇപ്പോഴിതാ നന്ദമൂരി ബാലകൃഷ്ണ നായകനാകുന്ന വീരസിംഹ റെഡ്ഡി എന്ന സിനിമയുടെ ഭാഗമാകാന്‍ സാധിച്ചതിന്‍റെ സന്തോഷം പങ്കുവെക്കുകയാണ് താരം.
‘വീരസിംഹ റെഡ്ഡിയുടെ ഭാഗമാകാന്‍ കഴിഞ്ഞതില്‍ ഞാന്‍ അങ്ങേയറ്റം ആദരവും നന്ദിയും രേഖപ്പെടുത്തുന്നു. ഗോപിചന്ദ് മാലിനേനി സാറിന് നന്ദി’ എന്ന ക്യാപ്ഷനോടെ നന്ദമൂരി ബാലകൃഷ്ണയ്ക്കൊപ്പം നൃത്തം ചെയ്യുന്ന ചിത്രം പങ്കുവെച്ച് താരം കുറിച്ചത്. തന്‍റെ ഇന്‍സ്റ്റാഗ്രാമിലൂടെയാണ് താരത്തിന്‍റെ പ്രതികരണം. പോസ്റ്റിന് നിരവധി പേരാണ് ഹണി റോസിന് ആശംസകള്‍ അറിയിച്ച് രംഗത്തെെത്തിയത്. ജനുവരി 12 നാണ് സിനിമ തിയേറ്ററുകളില്‍ എത്തുന്നത്. എസ് തമൻ സംഗീതം നൽകിയ സിനിമയിലെ ഒരു ഗാനം രണ്ട് ദിവസം മുന്‍പാണ് റിലീസ് ചെയ്തത്.
അഖണ്ഡ എന്ന സൂപ്പര്‍ ഹിറ്റിന് ശേഷം നന്ദമൂരി ബാലകൃഷ്ണ നായകനാകുന്ന ചിത്രമാണ് വീരസിംഹ റെഡ്ഡി. ഗോപിചന്ദ് മാലിനേനിയാണ് ചിത്രത്തിന്റെ രചനയും സംവിധാനവും നിര്‍വഹിക്കുന്നത്. ബിഗ് ബജറ്റില്‍ ഒരുങ്ങുന്ന ചിത്രം കോര്‍ണൂരിലാണ് പ്രധാനമായും ചിത്രീകരിച്ചത്. മൈത്രി മൂവി മേക്കേഴ്സിന്‍റെ ബാനറില്‍ നവീന്‍ യെര്‍ണേനി, രവിശങ്കര്‍ യലമന്‍ചിലി എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. ശ്രുതി ഹാസനാണ് ചിത്രത്തില്‍ നായികയായി എത്തുന്നത്. ദുനിയ വിജയ്, വരലക്ഷ്മി ശരത്കുമാര്‍ എന്നിവരും ചിത്രത്തില്‍ പ്രധാന വേഷത്തില്‍ എത്തുന്നുണ്ട്.
റിഷി പഞ്ചാബിയാണ് ചിത്രത്തിന്റെ ഛായഗ്രഹകന്‍. സംഭഷണങ്ങള്‍ ഒരുക്കിയിരിക്കുന്നത് സായ് മാധവ് ബുറയാണ്. നവീന്‍ നൂലിയാണ് എഡിറ്റിംഗ് നിർവഹിച്ചിരിക്കുന്നത്. രവി തേജ നായകനായ ഡോണ്‍ സീനു എന്ന സിനിമയിലൂടെയാണ് ഗോപിചന്ദ് മാലിനേനി സംവിധയകനായത്. മോഹന്‍ലാല്‍ നായകനായ മോണ്‍സ്റ്ററാണ് ഹണി റോസിന്‍റെതായി ഏറ്റവും ഒടുവിൽ പുറത്തിറങ്ങുന്ന ചിത്രം.
ഷറഫുദ്ദീനും ഐശ്വര്യ ലക്ഷ്മിയും മുഖ്യ വേഷത്തിലെത്തുന്ന ഫാന്റസി കോമഡി ചിത്രം 'ഹലോ മമ്മി'യുടെ ആനിമേറ്റഡ് പ്രൊമോ സോങ്ങ് പുറത്തിറങ്ങി. 'സരിഗമ'യുടെ…
മലയാളത്തിന്റെ മഹാനടന്മാരായ മോഹൻലാൽ, മമ്മൂട്ടി എന്നിവരെ വർഷങ്ങൾക്ക് ശേഷം ഒരുമിപ്പിച്ച് ഒരു ചിത്രമൊരുക്കുകയാണ് പ്രശസ്ത സംവിധായകൻ മഹേഷ് നാരായണൻ. മമ്മൂട്ടി…
യുവതാരം അർജുൻ അശോകനെ നായകനാക്കി വിഷ്ണു വിനയ് സംവിധാനം ചെയ്ത ആനന്ദ് ശ്രീബാലക്കു ഗംഭീര പ്രേക്ഷക പ്രതികരണം. പ്രശസ്ത സംവിധായകനായ…
ജയ ജയ ജയ ജയഹേ, ഗുരുവായൂരമ്പല നടയിൽ എന്നീ ചിത്രങ്ങളുടെ സംവിധായകനും, വാഴ എന്ന ചിത്രത്തിന്റെ രചയിതാവുമായ വിപിൻ ദാസ്…
മെഗാസ്റ്റാർ മമ്മൂട്ടിയുടെ കരിയറിലെ വമ്പൻ ഹിറ്റുകളിലൊന്നായ വല്യേട്ടൻ വീണ്ടും പ്രേക്ഷകരുടെ മുന്നിലേക്ക്. 24 വര്‍ഷങ്ങള്‍ക്ക് ശേഷം റീ റിലീസ് ചെയ്യുന്ന…
ബ്ലോക്ക്ബസ്റ്റർ ഹിറ്റുകളായ രോമാഞ്ചം, ആവേശം എന്നീ ചിത്രങ്ങളിലൂടെ പ്രേക്ഷകരുടെ പ്രിയങ്കരനായ സംവിധായകൻ ജിത്തു മാധവന്റെ പുതിയ ചിത്രത്തിൽ നായകനാവാൻ മോഹൻലാൽ…
This website uses cookies.