തമിഴ്, തെലുങ്ക്, ഹിന്ദി ചിത്രങ്ങളിലൂടെ പ്രേക്ഷകരുടെ പ്രിയങ്കരിയായി മാറിയ നടി കാജൽ അഗർവാൾ ഇന്നലെ വിവാഹിതയായി. ഗൗതം കിച്ചിലു എന്നാണ് കാജൽ അഗർവാളിന്റെ വരന്റെ പേര്. ബിസിനസ്സുകാരനായ ഗൗതം ഇന്റീരിയർ ഡിസൈൻ രംഗത്താണ് ജോലി ചെയ്യുന്നത്. മുംബൈയിൽ വെച്ച് നടന്ന ഒരു സ്വകാര്യ ചടങ്ങിലാണ് ഇരുവരും വിവാഹിതരായത്. ഈ തെന്നിന്ത്യൻ സൂപ്പർ നായികയുടെ വിവാഹ ചടങ്ങിൽ നിന്നുള്ള ദൃശ്യങ്ങളാണ് ഇപ്പോൾ സോഷ്യൽ മീഡിയയുടെ ശ്രദ്ധ നേടുന്നത്. വിവാഹ ചടങ്ങിൽ നിന്നുള്ള ചിത്രങ്ങൾക്ക് പുറമെ കാജൽ അഗർവാളിന്റെ ഹൽദി ചടങ്ങിന്റെ ദൃശ്യങ്ങളും സോഷ്യൽ മീഡിയയിൽ വലിയ രീതിയിൽ വൈറലായി മാറിയിരുന്നു. ചുവപ്പും പിങ്കും കളറിൽ ഉള്ള വസ്ത്രങ്ങൾ ധരിച്ച കാജൽ അഗർവാൾ അതീവ സുന്ദരിയായി കാണപ്പെട്ടപ്പോൾ ഷെർവാണി ധരിച്ചെത്തിയ ഗൗതമും ഏവരുടെയും ശ്രദ്ധ പിടിച്ചു പറ്റുന്നുണ്ട്. നേരത്തെ തന്റെ വിവാഹം നിശ്ചയിച്ച വിവരവും ഭാവി വരനൊപ്പമുള്ള ചിത്രങ്ങളും കാജൽ സോഷ്യൽ മീഡിയയിൽ പങ്കു വെച്ചിരുന്നു.
2004 ഇൽ ക്യൂ ഹോ ഗയ നാ എന്ന ഹിന്ദി ചിത്രത്തിലൂടെ അരങ്ങേറ്റം കുറിച്ച ഈ നടി താര പദവി കൈവരിച്ചത് തമിഴ്, തെലുങ്ക് ചിത്രങ്ങളിൽ അഭിനയിച്ചാണ്. അതിനു ശേഷം വീണ്ടും ബോളിവുഡിലെ വലിയ ഹിറ്റുകളിൽ നായികയാവാൻ കാജലിന് സാധിച്ചു. തെന്നിന്ത്യൻ സിനിമാ രംഗത്തെ, പ്രത്യേകിച്ചും തമിഴ് – തെലുങ്ക് സിനിമകളിലെ ഒട്ടുമിക്ക സൂപ്പർ താരങ്ങളുടെയും നായികയായി വമ്പൻ ഹിറ്റുകൾ സമ്മാനിക്കാൻ സാധിച്ച നടി കൂടിയാണ് കാജൽ അഗർവാൾ. മലയാളത്തിന്റെ യുവ താരം ദുൽഖർ സൽമാന്റെ നായികയായി ഹേയ് സിനാമിക എന്ന തമിഴ് ചിത്രത്തിലും കാജൽ ഇപ്പോൾ അഭിനയിക്കുന്നുണ്ട്. ആറോളം ചിത്രങ്ങളാണ് കാജൽ അഗർവാൾ നായികയായി ഇനി റിലീസിനെത്താനുള്ളത്.
ഒരു വലിയ ഇടവേളക്ക് ശേഷം ആക്ഷൻ സൂപ്പർസ്റ്റാർ സുരേഷ് ഗോപി വക്കീൽ വേഷത്തിലെത്തുന്ന ചിത്രമാണ് 'ജെ.എസ്.കെ' (ജാനകി v\s സ്റ്റേറ്റ്…
തമിഴ്നാട്ടിൽ ജയിലറിനെ മറികടന്ന് ദളപതി വിജയ്യുടെ ഗോട്ട്. തമിഴ്നാട് നിന്ന് മാത്രം 200 കോടി നേട്ടത്തിലേക്ക് കുതിക്കുന്ന ഈ ചിത്രം…
യുവതാരം ആസിഫ് അലിയുടെ കരിയറിലെ തന്നെ ഏറ്റവും വലിയ ഹിറ്റായി മാറി കിഷ്കിന്ധാ കാണ്ഡം. റിലീസ് ചെയ്ത് 8 ദിവസം…
പ്രശസ്ത മലയാള നടി കവിയൂര് പൊന്നമ്മ ആശുപത്രിയിൽ. അതീവ ഗുരുതരാവസ്ഥയില് ആണ് നടി ആശുപത്രിയിൽ തുടരുന്നതെന്നാണ് വാർത്തകൾ വരുന്നത്. വാര്ധക്യ…
പ്രശസ്ത ഓസ്ട്രേലിയൻ ക്രിക്കറ്റ് താരം ഡേവിഡ് വാർണർ ഇന്ത്യക്കാർക്കും ഏറെ പ്രിയങ്കരനാണ്. തന്റെ സോഷ്യൽ മീഡിയ പേജിലൂടെ ഇന്ത്യൻ ഗാനങ്ങൾക്കും…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. അമൽ നീരദ്…
This website uses cookies.