ഒറ്റക്കൊരു കാമുകൻ ഇന്ന് മുതൽ; നായകനായി ജോജു ജോർജ് വീണ്ടും..!

ജോസഫ് എന്ന ചിത്രം പ്രശംസകളുടെ പെരുമഴയിൽ നനഞ്ഞു കൊണ്ട് ഗംഭീര വിജയത്തിലേക്ക് കുതിക്കുമ്പോൾ ജോസഫ് ആയി നമ്മളെ വിസ്മയിപ്പിച്ച ജോജു ജോർജ് തന്റെ അടുത്ത ചിത്രവുമായി നാളെ എത്തുകയാണ്. ജോജു ജോർജ് നായകനായി എത്തുന്ന പുതിയ ചിത്രമാണ് ഒറ്റക്കൊരു കാമുകൻ. അജിൻ ലാൽ , ജയൻ വന്നേരി എന്നീ നവാഗതർ ചേർന്ന് സംവിധാനം ചെയ്ത ഈ ചിത്രത്തിന്റെ ട്രെയ്‌ലറും അതുപോലെ ഇതിലെ ഗാനങ്ങളും ഏറെ പ്രേക്ഷക ശ്രദ്ധ നേടി കഴിഞ്ഞു. ജോജു ജോർജ്, ഷൈൻ ടോം ചാക്കോ, ഭഗത് മാനുവൽ, ഷഹീൻ സിദ്ദിഖ്, വിജയ രാഘവൻ, കലാഭവൻ ഷാജോൺ , ശാലു റഹിം എന്നിവർ പ്രധാന വേഷങ്ങളിൽ എത്തുന്ന ഈ ചിത്രം ഇന്ന് കേരളത്തിലെ പ്രധാന കേന്ദ്രങ്ങളിൽ റിലീസ് ചെയ്യും.

അഭിരാമി, ലിജോ മോൾ ജോസ് , അരുന്ധതി നായർ എന്നിവരാണ് ഈ ചിത്രത്തിലെ പ്രധാന സ്ത്രീ കഥാപാത്രങ്ങളെ അവതരിപ്പിക്കുന്നത്. വിഷ്ണു മോഹൻ സിതാര സംഗീതം നൽകിയ ഈ ചിത്രം ഡാസ്ലിങ് മൂവി ലാൻഡ് പ്രൊഡക്ഷൻസിന്റെ ബാനറിൽ പ്രിൻസ് ഗ്ലെറിയൻസ്, സാജൻ യശോധരൻ, അനൂപ് ചന്ദ്രൻ എന്നിവർ ചേർന്നാണ് നിർമ്മിച്ചിരിക്കുന്നത്. ഇറോസ് ഇന്റർനാഷണൽ ആണ് ഈ ചിത്രം കേരളത്തിൽ വിതരണം ചെയ്യുന്നത്. എസ് കെ സുധീഷ്, ശ്രീഷ് കുമാർ എന്നിവർ ചേർന്ന് തിരക്കഥ രചിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് സനൽ രാജ് ആണ്. ഒരു ഫാമിലി എന്റെർറ്റൈനെർ ആയി ഒരുക്കിയിരിക്കുന്ന ഈ കൊച്ചു ചിത്രം പ്രേക്ഷകരിൽ ഏറെ പ്രതീക്ഷ സൃഷ്ടിച്ചിട്ടുണ്ട് . ജോസഫിന് ഒപ്പം ഈ ചിത്രവും വിജയത്തിൽ എത്തിക്കാൻ ജോജുവിന്‌ കഴിയും എന്ന് തന്നെയാണ് പ്രേക്ഷകർ പ്രതീക്ഷിക്കുന്നത്.