നമിത പ്രമോദ്- ബോബൻ സാമുവൽ ടീമിന്റെ അൽ മല്ലുവിന്റെ റിലീസ് തിയതി ഇതാ

പ്രശസ്ത സംവിധായകൻ ബോബൻ സാമുവൽ ഒരുക്കുന്ന പുതിയ ചിത്രമാണ് അൽ മല്ലു. സൂപ്പർ ഹിറ്റ് ചിത്രങ്ങൾ നമ്മുക്ക് സമ്മാനിച്ച ഈ സംവിധായകന്റെ ഈ പുതിയ ചിത്രത്തിൽ പ്രശസ്ത നായികാ താരം നമിത പ്രമോദ് ആണ് കേന്ദ്ര കഥാപാത്രത്തെ അവതരിപ്പിക്കുന്നത്. ഇപ്പോഴിതാ ഈ ചിത്രത്തിന്റെ റിലീസ് ഡേറ്റ് പുറത്തു വിട്ടിരിക്കുകയാണ് ഇതിന്റെ അണിയറ പ്രവർത്തകർ. 2020 ജനുവരി പത്തിന് ആണ് ഈ ചിത്രം റിലീസ് ചെയ്യാൻ പോകുന്നത്. വളരെ വ്യത്യസ്തമായ രീതിയിൽ, പ്രവാസി ആയ ഒരു പെൺകുട്ടിയുടെ ജീവിത കഥ നമ്മുടെ മുന്നിൽ അവതരിപ്പിക്കുകയാണ് ഈ ചിത്രത്തിലൂടെ ബോബൻ സാമുവൽ. നാടും വീടും ഉപേക്ഷിച്ചു അന്യനാട്ടിൽ പോയി ജോലി ചെയ്യുന്ന ഒരു പെൺകുട്ടി നേരിടുന്ന വെല്ലുവിളികളും അവളുടെ ജീവിതാവസ്ഥകളും ആണ് ഈ ചിത്രം നമ്മുക്ക് കാണിച്ചു തരാൻ ഒരുങ്ങുന്നത് എന്നാണ് സൂചന.

ജനപ്രിയൻ, റോമൻസ്, ഹാപ്പി ജേർണി, ഷാജഹാനും പരീക്കുട്ടിയും, വികട കുമാരൻ എന്നീ ചിത്രങ്ങൾക്ക് ശേഷം ബോബൻ സാമുവൽ ഒരുക്കിയ ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ പ്രേക്ഷക ശ്രദ്ധ നേടിയിരുന്നു. ബോബന്‍ സാമുവല്‍ തന്നെ തിരക്കഥയെഴുതിയ ഈ ചിത്രത്തിൽ നമിത പ്രമോദിനോടൊപ്പം മിയ,സിദ്ധിഖ്, ലാൽ, പ്രേം പ്രകാശ്, ഫാരിസ്, മിഥുന്‍ രമേശ്, ധര്‍മ്മജന്‍ ബോള്‍ഗാട്ടി, സോഹൻ സീനുലാൽ, ഷീലു ഏബ്രഹാം, രശ്മി ബോബൻ, സിനില്‍ സൈനുദ്ദീന്‍, വരദ ജിഷിന്‍, ജെന്നിഫര്‍, അനൂപ് എന്നിവരും അഭിനയിക്കുന്നു. മെഹിഫില്‍ പ്രൊഡക്ഷന്‍സിന്റെ ബാനറില്‍ സജില്‍സ് മജീദ് നിർമ്മിച്ച ഈ ചിത്രത്തിന് സംഗീതം ഒരുക്കിയത് രഞ്ജിൻ രാജ് ആണ്. വിവേക് മേനോൻ ഛായാഗ്രഹണം നിർവഹിക്കുന്ന ഈ ചിത്രം എഡിറ്റ് ചെയ്തത് ദീപ് ജോസഫ് ആണ്.