Odiyan Movie
സോഷ്യൽ മീഡിയയെ വീണ്ടും ത്രസിപ്പിക്കുകയാണ് മോഹൻലാൽ. തന്റെ ബ്രഹ്മാണ്ഡ ചിത്രമായ ഒടിയനിലെ പുതിയ പോസ്റ്റർ കഴിഞ്ഞ ദിവസമാണ് അദ്ദേഹം പുറത്തു വിട്ടത്. കട്ട കലിപ്പ് ലുക്കിൽ ഒരു കമ്പിളിയും പുതച്ചു രൗദ്ര ഭാവത്തോടെ നടന്നു വരുന്ന ഒടിയൻ മാണിക്യൻ ആയുള്ള മോഹൻലാലിന്റെ ലുക്ക് ഇപ്പോൾ സോഷ്യൽ മീഡിയയിൽ തരംഗമായി കഴിഞ്ഞു. മീശ വടിച്ച ലുക്കിൽ ഉള്ള ഒരു മാസ്സ് രംഗമായിരിക്കും ഇതെന്ന് ആരാധകർക്കും സിനിമാ പ്രേമികൾക്കും ഇപ്പോഴേ ഉറപ്പാണ്. റിലീസ് ഡേറ്റ് അനൗൺസ് ചെയ്തു കൊണ്ട് നേരത്തെ പുറത്തു വന്ന ഒരു ടീസറിലെ രംഗത്തിൽ നിന്നാണ് ഈ പോസ്റ്റർ തയ്യാറാക്കിയിരിക്കുന്നത് എന്നാണ് റിപ്പോർട്ടുകൾ പറയുന്നത്. ഏതായാലും ഈ സ്റ്റിൽ വെച്ചുള്ള ഹോർഡിങ്ങുകളും കേരളത്തിലുടനീളം പൊങ്ങിയതോടെ ആരാധകർ ആവേശത്തിലാണ്.
മലയാളത്തിലെ ഏറ്റവും വലിയ ചിത്രമായ ഒടിയൻ ഈ വർഷം ഡിസംബർ മാസത്തിൽ ആണ് റിലീസ് ചെയ്യുക. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രത്തിന്റെ പോസ്റ്റ്-പ്രൊഡക്ഷൻ ജോലികൾ ഇപ്പോൾ അതിന്റെ ഫൈനൽ സ്റ്റേജിൽ ആണ്. മോഹൻലാൽ ഒടിയൻ മാണിക്യൻ എന്ന കഥാപാത്രമായി എത്തുന്ന ഈ പീരീഡ് ഫാന്റസി ത്രില്ലർ രചിച്ചിരിക്കുന്നത് ദേശീയ അവാർഡ് ജേതാവായ ഹരികൃഷ്ണനും ഈ ചിത്രം സംവിധാനം ചെയ്തിരിക്കുന്നത് വി എ ശ്രീകുമാർ മേനോനും ആണ്. ദേശീയ അവാർഡ് ജേതാവ് കൂടിയായ പീറ്റർ ഹെയ്ൻ ആണ് ഒടിയനിലെ വമ്പൻ സംഘട്ടന രംഗങ്ങൾ ഒരുക്കിയിരിക്കുന്നത്. ഷാജി കുമാർ ദൃശ്യങ്ങളും എം ജയചന്ദ്രൻ സംഗീതവും ഒരുക്കിയിരിക്കുന്ന ഈ ചിത്രത്തിന് പശ്ചാത്തല സംഗീതം ഒരുക്കിയിരിക്കുന്നത് സാം സി എസ് ആണ്. മഞ്ജു വാര്യർ, പ്രകാശ് രാജ്, മനോജ് ജോഷി എന്നിവരും ഈ ചിത്രത്തിന്റെ താര നിരയുടെ ഭാഗമാണ്.
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
മലയാള സിനിമയിലെ ഇതിഹാസ തുല്യനായ സംവിധായകൻ പ്രിയദർശന്റെ കരിയറിലെ നൂറാം ചിത്രം അടുത്ത വർഷം ആരംഭിക്കും. തന്റെ ആദ്യ ചിത്രത്തിലെ…
നടൻ കലാഭവൻ നവാസ് അന്തരിച്ചു. 51 വയസ്സായിരുന്നു. ഹൃദയാഘാതം മൂലമാണ് മരണമെന്നാണ് റിപ്പോർട്ട്. ചോറ്റാനിക്കരയിലെ ഹോട്ടൽ മുറിയിൽ അദ്ദേഹത്തെ മരിച്ച…
This website uses cookies.