ടോവിനോ തോമസ് ചിത്രം ലൂക്കയുടെ ഫസ്റ്റ് ലുക്ക് പോസ്റ്റർ എത്തി; റിലീസ് അടുത്ത മാസം..!

ടോവിനോ തോമസ് നായകനായി എത്തുന്ന ലൂക്ക എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ ഇന്ന് റിലീസ് ചെയ്തു. അഹാന കൃഷ്ണകുമാർ നായികാ വേഷത്തിൽ എത്തുന്ന ഈ ചിത്രം നവാഗതനായ അരുൺ ബോസ് ആണ് സംവിധാനം ചെയ്യുന്നത്. അടുത്ത മാസം 28 നു ഈ ചിത്രം റിലീസ് ചെയ്യും എന്നാണ് ഇപ്പോൾ ലഭിക്കുന്ന റിപ്പോർട്ടുകൾ നമ്മളോട് പറയുന്നത്. പ്രശസ്ത ചലച്ചിത്ര നിര്‍മ്മാതാക്കളായ ‘സ്റ്റോറീസ് & തോട്ട്സ് പ്രൊഡക്ഷന്‍ ആണ് ഈ ചിത്രംജർമ്മിക്കുന്നതു. ഈ ചിത്രത്തിന് വേണ്ടി ഡ്രീം ക്യാച്ചറിന്റെ ലോകത്തിലെ ഏറ്റവും വലിയ മാതൃക ഒരുക്കുകയും അതിന്റെ പേരിൽ ഈ ചിത്രം ഗിന്നസ് റെക്കോർഡ്സിൽ ഇടം നേടുകയും ചെയ്തിരുന്നു. മൃദുല്‍ ജോര്‍ജ്ജും അരുണ്‍ ബോസും ചേര്‍ന്നാണു ഈ ചിത്രത്തിന്റെ രചന നിർവഹിച്ചിരിക്കുന്നത്.

നവാഗതനായ നിമിഷ് രവി ക്യാമറ ചലിപ്പിക്കുന്ന ഈ ചിത്രത്തിന്റെ എഡിറ്റിംഗ് നിഖില്‍ വേണു ആണ് നിർവഹിക്കുന്നത്. സൂരജ് എസ് കുറുപ്പ് ഗാനങ്ങള്‍ ഒരുക്കുന്ന ഈ ചിത്രത്തിൽ നിതിന്‍ ജോര്‍ജ്, വിനീത കോശി, അന്‍വര്‍ ഷെരീഫ്, പൗളി വല്‍സന്‍, തലൈവാസല്‍ വിജയ്, ജാഫര്‍ ഇടുക്കി, ശ്രീകാന്ത് മുരളി, ചെമ്പില്‍ അശോകന്‍, നീന കുറുപ്പ്, ദേവി അജിത് തുടങ്ങിയവരും അഭിനയിക്കുന്നു. ലിന്റോ തോമസ്, പ്രിൻസ് ഹുസ്സൈൻ എന്നിവർ ആണ് സ്റ്റോറീസ് ആൻഡ് തൊട്ട്സ് പ്രൊഡക്ഷൻസിന്റെ ബാനറിൽ ഈ ചിത്രം നിർമ്മിക്കുന്നത്. സെഞ്ച്വറി ഫിലിംസ് ഈ ചിത്രം കേരളത്തിൽ വിതരണം ചെയ്യും. സലിം അഹമ്മദ് സംവിധാനം ചെയ്ത ആൻഡ് ദി ഓസ്കാർ ജോസ് റ്റു എന്ന ടോവിനോ തോമസ് ചിത്രവും റിലീസിന് തയ്യാറെടുക്കുകയാണ്‌.