മലയാള സിനിമാ പ്രേമികൾ ഏറെ ആവേശത്തോടെ കാത്തിരുന്ന മോഹൻലാൽ ചിത്രമായ ലൂസിഫർ നാളെ റിലീസ് ചെയ്യുകയാണ്. ലോകം മുഴുവൻ റിലീസ് ചെയ്യുന്ന ഈ ചിത്രം കേരളത്തിൽ നാനൂറോളം സ്ക്രീനുകളിൽ ആയാണ് റിലീസ് ചെയ്യുന്നത്. ഗൾഫിൽ ആണെങ്കിൽ ഒരു ദക്ഷിണേന്ത്യൻ ചിത്രത്തിന് കിട്ടുന്ന ഏറ്റവും കൂടുതൽ ലൊക്കേഷനുകളിൽ ആയാണ് ലൂസിഫർ റിലീസ് ചെയ്യുന്നത്. ഇന്ത്യൻ സിനിമയിലെ തന്നെ ഏറ്റവും വലിയ ചിത്രമായ എന്തിരൻ 2 നു കിട്ടിയതിലും അധികം ലൊക്കേഷനുകളിൽ ആണ് ഈ ചിത്രം ഗൾഫിൽ റിലീസ് ചെയ്യുന്നത്. കൂടാതെ അമേരിക്ക, യൂറോപ്പ്, ആഫ്രിക്ക, റസ്റ്റ് ഓഫ് ഇന്ത്യ മാർക്കറ്റ് തുടങ്ങിയവയിൽ ഒക്കെ വമ്പൻ റിലീസ് ആണ് ഈ ചിത്രം നേടിയെടുത്തത്.
യുവ സൂപ്പർ താരം പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ഈ ചിത്രം രചിച്ചത് മുരളി ഗോപിയും നിർമ്മിച്ചിരിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരും ആണ്. മഞ്ജു വാര്യർ നായികാ വേഷത്തിൽ എത്തുന്ന ഈ ചിത്രത്തിൽ ടോവിനോ തോമസ്, ഇന്ദ്രജിത് സുകുമാരൻ, വിവേക് ഒബ്റോയ് എന്നിവരും അഭിനയിക്കുന്നു. സംവിധായകൻ പൃഥ്വിരാജ് അതിഥി വേഷത്തിലും എത്തുന്നുണ്ട് ഈ ചിത്രത്തിൽ. മോഹൻലാൽ സ്റ്റീഫൻ നെടുമ്പള്ളി എന്ന കഥാപാത്രം ആയാണ് ഈ ചിത്രത്തിൽ അഭിനയിച്ചിരിക്കുന്നത്. ഏകദേശം ഇരുനൂറ്റി അൻപതോളം ഫാൻസ് ഷോകളും നൂറിൽ അധികം എക്സ്ട്രാ ഷോയുമായി ആദ്യ ദിനം മുന്നൂറ്റി അൻപതിൽ അധികം എക്സ്ട്രാ ഷോകൾ ആണ് ഈ ചിത്രം കേരളത്തിൽ കളിയ്ക്കാൻ പോകുന്നത്. ഒടിയൻ കഴിഞ്ഞാൽ ഏറ്റവും കൂടുതൽ ഫാൻസ് ഷോകൾ കളിക്കുന്ന ചിത്രമെന്ന റെക്കോർഡും ലൂസിഫർ നേടും.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.