കംപ്ലീറ്റ് ആക്ടർ മോഹൻലാലിനെ നായകനാക്കി പ്രിയദർശൻ സംവിധാനം ചെയ്ത മരക്കാർ എന്ന ബ്രഹ്മാണ്ഡ ചിത്രമാണ് ഇന്ന് പ്രേക്ഷകരുടെ സംസാര വിഷയം. ഈ മാസമവസാനം റിലീസ് പ്രഖ്യാപിച്ചിരിക്കുന്ന മരക്കാരിന്റെ ട്രൈലെർ ഈ വരുന്ന വെള്ളിയാഴ്ചയാണ് റിലീസ് ചെയ്യാൻ പോകുന്നത്. മലയാള സിനിമാ ചരിത്രത്തിലെ എക്കാലത്തേയും ഏറ്റവും വലിയ ചിത്രമായ മരക്കാർ മലയാളത്തിലെ ഏറ്റവും വലിയ റിലീസുമായിരിക്കും. അറുപതിലധികം വിദേശ രാജ്യങ്ങളിൽ റിലീസ് ചെയ്യാൻ പോകുന്ന ഈ ചിത്രം അഞ്ചു ഭാഷകളിൽ ആയാണ് എത്തുന്നത്. മലയാളം, തമിഴ്, ഹിന്ദി, തെലുങ്ക്, കന്നഡ എന്നീ ഭാഷകളിൽ എത്തുന്ന മരക്കാരിൽ മോഹൻലാലിനൊപ്പം ഒട്ടേറെ പ്രശസ്ത നടീനടമാർ അണിനിരക്കുന്നു. ദേശീയ അവാർഡ് ജേതാവും പ്രശസ്ത തെന്നിന്ത്യൻ നായികയുമായ കീർത്തി സുരേഷും ഈ ചിത്രത്തിൽ ഒരു വേഷം ചെയ്യുന്നുണ്ട്. ആർച്ച എന്ന് പേരുള്ള കഥാപാത്രമായി എത്തുന്ന കീർത്തി സുരേഷിന്റെ കാരക്ടർ പോസ്റ്ററാണ് മരക്കാർ ടീം ആദ്യമായി പുറത്തു വിട്ടത്. ഇപ്പോഴിതാ ഈ ചിത്രത്തിൽ നിന്നുള്ള കീർത്തി സുരേഷിന്റെ കൂടുതൽ മനോഹരമായ സ്റ്റില്ലുകൾ കൂടി പുറത്തു വന്നിരിക്കുകയാണ്.
ഏറെ മനോഹരിയായി കാണപ്പെടുന്ന കീർത്തി സുരേഷ് പരമ്പരാഗത കേരളാ വേഷത്തിലാണ് ഈ ചിത്രങ്ങളിൽ പ്രത്യക്ഷപ്പെട്ടിരിക്കുന്നത്. ആശീർവാദ് സിനിമാസ്, കോൺഫിഡന്റ് ഗ്രൂപ്പ്, മൂൺ ഷോട്ട് എന്റെർറ്റൈന്മെന്റ്സ് എന്നിവയുടെ ബാനറിൽ ആന്റണി പെരുമ്പാവൂർ, ഡോക്ടർ സി ജെ റോയ്, സന്തോഷ് ടി കുരുവിള എന്നിവർ ചേർന്ന് നിർമ്മിച്ച ഈ ചിത്രം മാർച്ച് 26 നു റിലീസ് ചെയ്യുമെന്നാണ് ഇപ്പോഴുള്ള വിവരങ്ങൾ പറയുന്നത്. അർജുൻ, സുനിൽ ഷെട്ടി, പ്രഭു, മഞ്ജു വാര്യർ, പ്രണവ് മോഹൻലാൽ, കല്യാണി പ്രിയദർശൻ, സിദ്ദിഖ്, മുകേഷ്, നെടുമുടി വേണു, അശോക് സെൽവൻ, ബാബുരാജ്, മാമുക്കോയ, നന്ദു, ഹരീഷ് പേരാടി, സന്തോഷ് കീഴാറ്റൂർ, മണിക്കുട്ടൻ, ജി സുരേഷ് കുമാർ, ഗണേഷ് കുമാർ, ഇന്നസെന്റ്, സുഹാസിനി തുടങ്ങി ഒരു വലിയ താരനിര ഈ ചിത്രത്തിലുണ്ട്.
ഫോട്ടോ കടപ്പാട്: Twitter
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.