വിജയ്‌യുടെ ആ രഹസ്യം അറിയണം; ദളപതിയെ കുറിച്ച് മനസ്സ് തുറന്നു ഹൃതിക് റോഷൻ

തെന്നിന്ത്യൻ സിനിമയിലെ ഇന്നത്തെ ഏറ്റവും വലിയ താരങ്ങളിൽ ഒരാളാണ് ദളപതി വിജയ്. തമിഴ് നാട്ടിൽ സൂപ്പർ സ്റ്റാർ രജനികാന്തിനെക്കാളും വലിയ താരമൂല്യമാണ് ഇപ്പോൾ വിജയ്ക്കുള്ളത്. അതുകൊണ്ട് തന്നെ വിജയ് ചിത്രങ്ങളെ നോർത്ത് ഇന്ത്യൻ പ്രേക്ഷകരും ഏറെ താല്പര്യപൂർവമാണ് കാണുന്നത്. ബോളിവുഡ് താരങ്ങൾ വരെ വിജയ് എന്ന നടന്റെ ആക്ഷൻ, ഡാൻസ് എന്നിവയുടെ കടുത്ത ആരാധകരാണ്. ഡാൻസിന്റെ കാര്യത്തിൽ വിജയ് തെന്നിന്ത്യയിലെ ഏറ്റവും മികച്ചവരിൽ ഒരാളാണ് എന്നത് സംശയമില്ലാത്ത കാര്യമാണ്. ഇപ്പോഴിതാ ബോളിവുഡ് സൂപ്പർ താരവും ഡാൻസിന്റെ കാര്യത്തിൽ ഇന്ത്യയിലെ തന്നെ ഏറ്റവും മികച്ച നൃത്തകരിൽ ഒരാളുമായ ഹൃതിക് റോഷൻ, ദളപതി വിജയ് എന്ന നർത്തകനെ കുറിച്ച് മനസ്സ് തുറക്കുന്ന വീഡിയോ സോഷ്യൽ മീഡിയയിൽ വൈറലാവുകയാണ്. ദളപതി വിജയ്‌യുടെ നൃത്തത്തെ കുറിച്ച് ചോദിക്കുമ്പോൾ ഹൃതിക് പറയുന്നത് വിജയ് എന്ന നടന്റെ എനർജിയെ കുറിച്ചാണ്.

വിജയ്ക്ക് എന്തെങ്കിലും രഹസ്യ ഡയറ്റ് ഉണ്ടോ എന്ന് അന്വേഷിക്കണമെന്നും കാരണം നൃത്തം ചെയ്യുന്നതിന് മുൻപ് ഇവർ എന്താണ് കഴിക്കുന്നത് എന്ന് തനിക്കു അറിയണമെന്നും ഹൃതിക് റോഷൻ രസകരമായി പറയുന്നു. അത്രമാത്രം എനർജിയാണ് നൃത്ത രംഗങ്ങളിൽ വിജയ്‌യെ പോലുള്ള നടന്മാരെ പുലർത്തുന്നത് എന്നും അത് അത്ഭുതകരമെന്നും ഹൃതിക് പറയുന്നു. ബോളിവുഡിലെ ഏറ്റവും നല്ല നർത്തകരിൽ ഒരാളായ ഹൃതിക് റോഷന്റെ ഡാൻസിന് വിദേശ ആരാധകരും ഏറെയുണ്ട്. വിദേശികൾ പറയുന്നത് ഇന്ന് ലോകത്തെ ഏറ്റവും സുന്ദരനായ മനുഷ്യരിൽ ഒരാളാണ് ഹൃതിക് എന്നാണ്. കഴിഞ്ഞ വർഷം ഹൃതിക് റോഷൻ എന്ന നടന് അതിഗംഭീരമായ ഒരു വർഷമായിരുന്നു. സൂപ്പർ 30, വാർ എന്നീ ബ്ലോക്ക്ബസ്റ്ററുകൾ ആണ് ഹൃതിക് കഴിഞ്ഞ വർഷം നമ്മുക്ക് സമ്മാനിച്ചത്.