പ്രശസ്ത മലയാള നടനായ ഇന്ദ്രൻസ് ഇപ്പോൾ സോഷ്യൽ മീഡിയയുടെ ശ്രദ്ധാ കേന്ദ്രം ആണ്. ഡോക്ടർ ബിജു സംവിധാനം ചെയ്ത വെയിൽ മരങ്ങൾ എന്ന ചിത്രത്തിലൂടെ രാജ്യാന്തര അംഗീകാരം നേടിയെടുത്തു കഴിഞ്ഞു ഈ കലാകാരൻ. ലോകത്തെ തന്നെ ഏറ്റവും വലിയ ചലച്ചിത്ര മേളകളിൽ ഒന്നായ ഷാങ്ഹായ് ഇന്റർനാഷണൽ ഫിലിം ഫെസ്റ്റിവലിൽ ആണ് ഇന്ദ്രൻസ് അംഗീകരിക്കപ്പെട്ടത്. അവിടെ റെഡ് കാർപെറ്റ് വിരിച്ചു സ്വീകരണം നൽകിയിരുന്നു ഇന്ദ്രൻസിനു. ഈ വർഷം അവിടെ മത്സര വിഭാഗത്തിൽ പ്രദർശിപ്പിച്ച ഒരേയൊരു ഇന്ത്യൻ ചിത്രവും ഇന്ദ്രൻസ് നായകനായ വെയിൽ മരങ്ങൾ ആയിരുന്നു. കഴിഞ്ഞ വർഷം മികച്ച നടനുള്ള സംസ്ഥാന അവാർഡും നേടിയ ഈ നടൻ ഹാസ്യ വേഷങ്ങളിലൂടെ ആയിരുന്നു മലയാള സിനിമാ പ്രേമികളുടെ പ്രീയപ്പെട്ടവൻ ആയതു. എന്നാൽ ഇപ്പോൾ ഒട്ടേറെ ശക്തമായ വേഷങ്ങളിലൂടെ പ്രേക്ഷകരെ വിസ്മയിപ്പിക്കുകയാണ് ഈ മനുഷ്യൻ. എന്നാൽ ഇന്ദ്രൻസ് രാജ്യാന്തര അംഗീകാരം നേടിയിട്ടും മലയാള സിനിമയിലെ സൂപ്പർ താരങ്ങൾ അദ്ദേഹത്തെ അഭിനന്ദിച്ചു സോഷ്യൽ മീഡിയയിൽ പോസ്റ്റ് ഇട്ടില്ല എന്ന ആരോപണവുമായി രംഗത്ത് വന്നിരിക്കുകയാണ് പ്രശസ്ത നടനായ ഹരീഷ് പേരാടി.
തന്റെ ഫേസ്ബുക് പേജിൽ ഇന്ദ്രസിനൊപ്പമുള്ള ചിത്രവും പങ്കു വെച്ച് കൊണ്ടാണ് അദ്ദേഹം ഈ കാര്യം പറഞ്ഞത്. അദ്ദേഹത്തിന്റെ വാക്കുകൾ ഇങ്ങനെ, ” രാജ്യാന്തര പുരസ്കാരം നേടി വന്ന ഒരു മനുഷ്യനെ പറ്റി പരസ്യമായി രണ്ട് നല്ല വാക്ക് പറയാൻ മലയാളത്തിലെ സൂപ്പർ താരങ്ങൾക്കൊന്നും ഇനിയും നേരം കിട്ടിയില്ലെ ?… നിങ്ങളുടെ സിനിമയുടെ പോസ്റ്ററും കോടി ക്ലബിലെത്താനുള്ള കച്ചവട ബുദ്ധിയും സ്റ്റണ്ട് മാസ്റ്റർമാർ നിങ്ങളെ കയറിൽ തൂക്കി മേലോട്ടും താഴോട്ടും വലിച്ച് കളിക്കുന്നതും കാറിന്റെയും ഷൂസിന്റെയും വിലയും എല്ലാം ഞങ്ങൾ ആസ്വദിക്കാറുണ്ട്… അതിന്റെ കൂടെ ഇത്തരം പാവപ്പെട്ട മനുഷ്യരെ കുടി ഒന്ന് തള്ളി തന്നാൽ ഞങ്ങൾക്കത് ആഘോഷിക്കാമായിരുന്നു..”
ഫ്രാഗ്രന്റ് നേച്ചർ ഫിലിം ക്രിയേഷൻസിന്റെ ബാനറിൽ ഉത്സവ് രാജീവ്, ഫഹദ് നന്ദു എന്നിവർ തിരക്കഥ എഴുതി സംവിധാനം ചെയ്യുന്ന പരിവാർ…
ഒരു ഇടവേളക്കുശേഷം മലയാളത്തിലെത്തുന്ന ഫാമിലി കോമഡി എന്റർടൈനറാണ് ജഗദീഷ്, ഇന്ദ്രൻസ്, പ്രശാന്ത് അലക്സാണ്ടർ, മീനാ രാജ്, ഭാഗ്യ, ഋഷികേഷ് എന്നിവരെ…
കാവ്യാ ഫിലിം കമ്പനി ഉടമയും വ്യവസായിയും മലയാള സിനിമയിലെ പ്രമുഖ നിർമ്മാതാവുമായ വേണു കുന്നപ്പിള്ളി, ശ്രീ ഗുരുവായൂരപ്പന്റെ സന്നിധിയിൽ നവീകരിച്ച…
തെലുങ്ക് സൂപ്പർ താരം നാനിയെ നായകനാക്കി ശ്രീകാന്ത് ഒഡേല സംവിധാനം ചെയ്യുന്ന പുതിയ പാൻ ഇന്ത്യൻ ചിത്രം 'ദ പാരഡൈസി'ൻറെ…
ഉത്സവ് രാജീവ്, ഫഹദ് നന്ദു എന്നിവർ തിരക്കഥയെഴുതി സംവിധാനം ചെയ്ത 'പരിവാർ' എന്ന ചിത്രം പ്രേക്ഷകരുടെ മുന്നിലേക്ക്. മാർച്ച് ഏഴിന്…
മലയാളി താരം രാജീവ് പിള്ളയെ നായകനാക്കി സൂര്യൻ.ജി തിരക്കഥയെഴുതി സംവിധാനം ചെയ്യുന്ന 'ഡെക്സ്റ്റർ' സിനിമയ്ക്ക് എ സർട്ടിഫിക്കറ്റ്. വയലൻസ് രംഗങ്ങള്…
This website uses cookies.