ഗിന്നസ് പക്രുവിനെ നായകനാക്കി പ്രശസ്ത സംവിധായകൻ മാധവ് രാമദാസൻ സംവിധാനം ചെയ്ത ചിത്രമാണ് ഇളയ രാജ. മേൽവിലാസം, അപ്പോത്തിക്കിരി എന്നീ ചിത്രങ്ങൾക്ക് ശേഷം അദ്ദേഹം സംവിധാനം ചെയ്ത ഈ ചിത്രം ഗംഭീര പ്രേക്ഷക പ്രതികരണം ആണ് നേടിയെടുക്കുന്നത്. നിരൂപകരും ഈ ചിത്രത്തിന് മേൽ പ്രശംസ ചൊരിയുകയാണ്. ഗിന്നസ് പക്രു അവതരിപ്പിക്കുന്ന വനജൻ എന്ന കഥാപാത്രത്തിന്റെ ജീവിതത്തിലൂടെ സഞ്ചരിക്കുന്ന അതിമനോഹരമായ ഒരു ചലച്ചിത്രം ആണ് ഇളയ രാജ എന്ന് ചിത്രം കണ്ട ഓരോ പ്രേക്ഷകനും അഭിപ്രായപ്പെടുന്നു. ഇപ്പോഴിതാ ഇളയ രാജയെ കുറിച്ച് ഗിന്നസ് പക്രു ഇട്ട ഒരു ഫേസ്ബുക് പോസ്റ്റ് ഏവരുടെയും ശ്രദ്ധ നേടുകയാണ്.
പടം ചെറുത്, നായകൻ ചെറുത്, പക്ഷെ കണ്ടവരുടെ അഭിപ്രായം വലുത് എന്നാണ് പക്രു ഈ ചിത്രത്തെ കുറിച്ച് പറയുന്നത്. വലിയ പടങ്ങൾ വരുമ്പോൾ ചെറിയ പടം എടുത്തു മാറ്റുന്നതിന് മുൻപേ എല്ലാവരും ഇളയ രാജ കാണുക എന്നും പ്രോത്സാഹിപ്പിക്കുക എന്നും ഗിന്നസ് പക്രു എന്ന അജയൻ പ്രേക്ഷകരോട് പറയുന്നു. സജിത്ത് കൃഷ്ണ, ജയരാജ് ടി കൃഷ്ണൻ, ബിനീഷ് ബാബു എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം രചിച്ചത് സുദീപ് ടി ജോർജ് ആണ്. ഗോകുൽ സുരേഷ്, ഹരിശ്രീ അശോകൻ, ദീപക്, അനിൽ നെടുമങ്ങാട്, ബേബി ആർദ്ര, മാസ്റ്റർ ആദിത്യൻ, സിജി എസ് നായർ, അൽഫി പഞ്ഞിക്കാരൻ, അരുൺ, ജയരാജ് വാര്യർ, രോഹിത്, കവിത നായർ, ബിനീഷ് ബാബു, തമ്പി ആന്റണി, സിദ്ധാർഥ്, ഇന്ദ്രജിത് എന്നിവരും ഈ ചിത്രത്തിലെ തങ്ങളുടെ വേഷങ്ങൾ ഭംഗിയാക്കി. രതീഷ് വേഗ ഒരുക്കിയ സംഗീതവും പാപ്പിനു ഒരുക്കിയ ദൃശ്യങ്ങളും ഇളയ രാജയെ മികച്ചതാക്കിയിട്ടുണ്ട്.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.