ഒരു കുട്ടനാടൻ ബ്ലോഗിനെ പ്രശംസിച്ചു ഗോവിന്ദ് പദ്മസൂര്യ..!

മെഗാസ്റ്റാർ മമ്മൂട്ടി നായകനായ ഒരു കുട്ടനാടൻ ബ്ലോഗ് കഴിഞ്ഞ വെള്ളിയാഴ്ചയാണ് റിലീസ് ചെയ്തത്. മികച്ച പ്രേക്ഷക പ്രതികരണം നേടി മുന്നേറുന്ന ഈ ചിത്രത്തിന് ഇപ്പോൾ കുടുംബ പ്രേക്ഷകരുടെ വലിയ പിന്തുണയാണ് ലഭിക്കുന്നത്. ഇപ്പോഴിതാ ഈ ചിത്രത്തിന് പ്രശംസയുമായി രംഗത്ത് വന്നിരിക്കുന്നത് നടനും ചാനൽ അവതാരകനുമായ ഗോവിന്ദ് പദ്മസൂര്യ ആണ്. താൻ ഒരു കുട്ടനാടൻ ബ്ലോഗ് കണ്ടു എന്നും മികച്ച ഒരു ഫീൽ ഗുഡ് ഫാമിലി ഡ്രാമ ആണ് ഈ ചിത്രം എന്നും അദ്ദേഹം പറയുന്നു. തന്റെ ഫേസ്ബുക് അക്കൗണ്ടിലൂടെയാണ് ഗോവിന്ദ് പദ്മസൂര്യ ഈ ചിത്രത്തെ കുറിച്ചുള്ള അഭിപ്രായം പങ്കു വെച്ചത്. ചിത്രത്തിലെ മികച്ച ദൃശ്യങ്ങളെയും സംഗീതത്തെയും അതുപോലെ മമ്മൂട്ടിയുടെ പ്രകടനത്തെയും അദ്ദേഹം തന്റെ ഫേസ്ബുക് പോസ്റ്റിലൂടെ പ്രശംസിച്ചു. ഈ ചിത്രമൊരുക്കി സംവിധാന രംഗത്തേക്ക് കടന്നു വന്ന സേതുവിനും ഗോവിന്ദ് പദ്മസൂര്യ അഭിനന്ദനങ്ങൾ അറിയിച്ചിട്ടുണ്ട്.

ഒരു പക്കാ ഫാമിലി എന്റെർറ്റൈനെർ ആയി ഒരുക്കിയ ഈ ചിത്രം രചിച്ചിരിക്കുന്നത് സേതു തന്നെയാണ്. അനന്താ വിഷന്റെ ബാനറിൽ മുരളീധരൻ, ശാന്താ മുരളി എന്നിവർ ചേർന്ന് നിർമ്മിച്ച ഈ ചിത്രത്തിൽ ലക്ഷ്മി റായ്, ഷംന കാസിം, അനു സിതാര എന്നീ മൂന്നു നായികമാർ ആണുള്ളത്. ഒരു കുട്ടനാടൻ ഗ്രാമത്തെ കുറിച്ചും അവിടുത്തെ ജനപ്രിയനായ ഹരി എന്ന കഥാപാത്രത്തെ കുറിച്ചും ഒരാൾ എഴുതുന്ന ബ്ലോഗിലൂടെയാണ് ഈ ചിത്രം മുന്നോട്ടു നീങ്ങുന്നത് എന്ന് പറയാം. ശ്രീനാഥ് ശിവശങ്കരൻ എന്ന നവാഗതൻ ഒരുക്കിയ ചിത്രത്തിലെ ഗാനങ്ങളും തിയേറ്ററിൽ ആവേശം തീർക്കുന്നു എന്നാണ് തിയേറ്റർ റിപ്പോർട്ടുകൾ നമ്മളോട് പറയുന്നത്. പ്രേക്ഷകരെ ചിരിപ്പിക്കുന്ന ഒരുപാട് മുഹൂർത്തങ്ങൾ ഉള്ള ഈ ചിത്രം കുടുംബ പ്രേക്ഷകരെ ലക്‌ഷ്യം വെച്ചൊരുക്കിയ ഒരു കളർഫുൾ എന്റെർറ്റൈനെർ തന്നെയാണ്.