സുരേഷ് ഗോപിയെ സൂപ്പർ താര പദവിയിലേക്ക് ഉയർത്തിയ ചിത്രമാണ് ഷാജി കൈലാസ് സംവിധാനം ചെയ്ത കമ്മീഷണർ . ഈ ചിത്രത്തിലെ ഭരത് ചന്ദ്രൻ ഐ പി എസ് എന്ന കഥാപാത്രത്തെ ജനങ്ങൾ നെഞ്ചോട് ചേർത്തത് ഇതിലെ തീപ്പൊരി ഡയലോഗുകൾ കൊണ്ട് കൂടിയാണ്. രഞ്ജി പണിക്കർ എഴുതിയ കിടിലൻ ഡയലോഗുകൾ ആയിരുന്നു ഈ ചിത്രത്തിന്റെ പ്രത്യേകത. സുരേഷ് ഗോപിയുടെ ആ ഡയലോഗുകൾ ഓരോന്നും ഇന്നും ജനങ്ങളുടെ മനസ്സിലുണ്ട്. ഇപ്പോഴിതാ സുരേഷ് ഗോപിയുടെ ആ കിടിലൻ ഡയലോഗ് പറഞ്ഞു കയ്യടി നേടിയിരിക്കുന്നത് മറ്റാരുമല്ല, സുരേഷ് ഗോപിയുടെ മകൻ ആയ ഗോകുൽ സുരേഷ് ആണ്. നവാഗതനായ സൈജു എസ് സംവിധാനം ചെയ്ത ഇര എന്ന ചിത്രമാണ് ഗോകുൽ സുരേഷിന്റെ അടുത്ത റിലീസ്. ഉണ്ണി മുകുന്ദനും നായകനായ ഈ ചിത്രത്തിന്റെ പ്രമോഷന്റെ ഭാഗമായി ആയി ഒരു വേദിയിൽ വെച്ച് ആണ് ഗോകുൽ സുരേഷ് അച്ഛന്റെ ഡയലോഗ് പറഞ്ഞു കയ്യടി നേടിയത്.
ഗോകുൽ സുരേഷ് കമ്മീഷ്ണർ ചിത്രത്തിലെ ഡയലോഗ് പറഞ്ഞു കയ്യടി നേടുന്ന വീഡിയോ ഇപ്പോൾ സോഷ്യൽ മീഡിയയിൽ ശ്രദ്ധ നേടിയെടുക്കുകയാണ്. മുത്തുഗൗ എന്ന ചിത്രത്തിലൂടെയാണ് ഗോകുൽ സുരേഷ് മലയാള സിനിമയിൽ അരങ്ങേറിയത്. മാസ്റ്റർപീസ് എന്ന മമ്മൂട്ടി ചിത്രത്തിലും ഗോകുൽ സുരേഷ് അഭിനയിച്ചിരുന്നു. ഗോകുൽ സുരേഷ് അച്ഛന്റെ ഡയലോഗ് പറഞ്ഞു കയ്യടി നേടുമ്പോൾ ഉണ്ണി മുകുന്ദനും വേദിയിൽ ഉണ്ടായിരുന്നു. വമ്പൻ കരഘോഷത്തോടെയാണ് ഗോകുൽ സുരേഷിന്റെ പ്രകടനത്തെ കാണികൾ ഏറ്റെടുത്തത്. ഇര എന്ന ചിത്രം മാർച്ച് ആദ്യ വാരം കേരളത്തിൽ പ്രദർശനം ആരംഭിക്കും എന്നാണ് സൂചന. വൈശാഖും ഉദയ കൃഷ്ണയും ചേർന്ന് നിർമ്മിച്ച ചിത്രമാണ് ഇര. മിയ, നിരഞ്ജന അനൂപ് എന്നിവരും ഈ ചിത്രത്തിന്റെ താര നിരയുടെ ഭാഗം ആണ്.
ലോക സിനിയുടെ തന്നെ അഭിമാനമായി മാറിയ ചിത്രമാണ് കാന്താര. ചിത്രത്തിന്റെ രണ്ടാം പതിപ്പിനായി കാത്തിരുന്ന ആരാധകർക്കായി സിനിമയുടെ റിലീസിംഗ് ഡേറ്റ്…
ഒരു ഗംഭീര ത്രില്ലർ ചിത്രത്തിന്റെ സൂചനകൾ നൽകികൊണ്ട് ബേബി ഗേൾ ചിത്രത്തിന്റെ ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. മാജിക്…
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
This website uses cookies.