[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

മോഹൻലാൽ ചിത്രവുമായി ഹോം സംവിധായകൻ; നിർമ്മിക്കാൻ ഫ്രൈഡേ ഫിലിം ഹൗസ്

മലയാളത്തിന്റെ സൂപ്പർ താരമായ മോഹൻലാൽ ഇപ്പോൾ ഒരുപിടി വലിയ ചിത്രങ്ങളുമായി തിരക്കിലാണ്. കഴിഞ്ഞ വർഷത്തെ തിരിച്ചടിക്ക് ശേഷം ട്രാക്ക് മാറ്റിയ മോഹൻലാൽ ഇപ്പോൾ ചെയ്യുന്നതും ഇനി ചെയ്യാൻ പോകുന്നതുമെല്ലാം ഏറെ പ്രതീക്ഷ തരുന്ന, പുതിയ സംവിധായകരുമൊത്തുള്ള ചിത്രങ്ങളാണ്. ഇപ്പോൾ ലിജോ ജോസ് പെല്ലിശ്ശേരി ഒരുക്കുന്ന മലൈക്കോട്ടൈ വാലിബനാണ്‌ മോഹൻലാൽ ചെയ്യുന്നത്. അതിനു ശേഷം ജീത്തു ജോസഫിന്റെ റാം, പൃഥ്വിരാജ് ഒരുക്കുന്ന എംപുരാൻ, അനൂപ് സത്യൻ, ടിനു പാപ്പച്ചൻ, വിവേക്, ശ്യാം പുഷ്ക്കരൻ, എന്നിവരുടെ ചിത്രങ്ങളും മോഹൻലാൽ ചെയ്യും. ഇത് കൂടാതെ ഭദ്രൻ ഒരുക്കാൻ പ്ലാൻ ചെയ്യുന്ന ചിത്രം, മാളികപ്പുറം രചയിതാവിന്റെ പമ്പ എന്നീ ചിത്രങ്ങളും മോഹൻലാൽ പരിഗണിക്കുന്നുണ്ട്. ഇപ്പോഴിതാ മറ്റൊരു യുവ സംവിധായകന്റെ ചിത്രവും മോഹൻലാലിന്റെ പരിഗണനയിലാണ്.

ഫിലിപ്സ് ആൻഡ് മങ്കി പെൻ, ഹോം എന്നീ ചിത്രങ്ങളിലൂടെ ശ്രദ്ധേയനായ റോജിൻ തോമസ് പ്ലാൻ ചെയ്യുന്ന ചിത്രത്തിലാണ് മോഹൻലാൽ പ്രധാന വേഷം ചെയ്യുക. ഫ്രൈഡേ ഫിലിം ഹൌസ് നിർമ്മിക്കുന്ന ഈ ചിത്രത്തിന്റെ നിർമ്മാതാവായ വിജയ് ബാബു തന്നെയാണ് ഈ വിവരം പുറത്ത് വിട്ടത്. മൈൽസ്റ്റോൺ മേക്കേഴ്‌സ് എന്ന യൂട്യൂബ് ചാനലിന് നൽകിയ അഭിമുഖത്തിലാണ് അദ്ദേഹം ഈ കാര്യം വെളിപ്പെടുത്തിയത്. ഒരു കഥ മോഹൻലാലിനോട് പറഞ്ഞിട്ടുണ്ടെന്നും അതിന്റെ തിരക്കഥാ ജോലികൾ ആരംഭിക്കുമെന്നും അദ്ദേഹം പറയുന്നു. ചിത്രത്തിന്റെ വിഷയം തനിക്ക് അറിയാവുന്നത് കൊണ്ട് തന്നെ, അതൊരു മികച്ച ചിത്രമാകുമെന്നും, തന്റെ സ്വപ്ന ചിത്രങ്ങളിൽ ഒന്നായിരിക്കും അതെന്നും വിജയ് ബാബു പറഞ്ഞു. ഇപ്പോൾ ജയസൂര്യ നായകനാവുന്ന ബിഗ് ബഡ്ജറ്റ് ചിത്രമായ കത്തനാറിന്റെ ജോലികളുമായി ബന്ധപ്പെട്ട് തിരക്കിലാണ് റോജിൻ തോമസ്. കത്തനാർ കഴിഞ്ഞാവും റോജിൻ തോമസ്- മോഹൻലാൽ ചിത്രം സംഭവിക്കുക.

AddThis Website Tools
webdesk

Recent Posts

വീണ്ടും ഹ്യൂമർ റോളിൽ അഴിഞ്ഞാടി ജഗദീഷ്; കുടുംബങ്ങളിലേക്ക് “പരിവാർ”

അടുത്തകാലത്തായി വളരെ സീരിയസ് ആയ വേഷങ്ങളിലൂടെ തന്റെ അഭിനയ പ്രതിഭയുടെ വ്യത്യസ്ത തലങ്ങൾ കാണിച്ചു തന്ന നടനാണ് ജഗദീഷ്. എന്നാൽ…

1 day ago

ധ്യാൻ ശ്രീനിവാസൻ ചിത്രം ”ഒരു വടക്കൻ തേരോട്ടം” ഫസ്റ്റ് ലുക്ക് പോസ്റ്റർ റിലീസായി

ധ്യാൻ ശ്രീനിവാസൻ നായകനാകുന്ന ബിനുൻ രാജ് സംവിധാനം ചെയ്യുന്ന ‘'ഒരു വടക്കൻ തേരോട്ടം’' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ…

2 days ago

She Shines സൗത്ത് ഇന്ത്യൻ ഫിലിം അക്കാഡമി അന്താരാഷ്ട്ര വനിത ദിനം ആചാരിച്ചു.

പാലാരിവട്ടം :സൗത്ത് ഇന്ത്യൻ ഫിലിം അക്കാഡമിയുടെ അന്താരാഷ്ട്ര വനിത ദിനം ആഘോഷിച്ചു. She Shines women's day ൽ സ്ത്രീകൾ…

2 days ago

തീയേറ്ററുകളിൽ നിർത്താതെ ചിരിയുമായി ”പരിവാർ” ; പാട്ടും ട്രെൻഡിങ്ങിൽ…

ജഗദീഷ്, ഇന്ദ്രൻസ്, പ്രശാന്ത് അലക്സാണ്ടർ, മീനാ രാജ്, ഭാഗ്യ, ഋഷികേഷ് എന്നിവരെ കേന്ദ്ര കഥാപാത്രങ്ങളാക്കി ഉത്സവ്‌ രാജീവ്, ഫഹദ് നന്ദു…

2 days ago

ചിരിയും ഗൗരവവും നിറഞ്ഞ കഥാപാത്രങ്ങൾ; “ധീരൻ” ഫസ്റ്റ് ലുക്ക് പുറത്തിറങ്ങി.

'ജാൻ.എ.മൻ', 'ജയ ജയ ജയ ജയ ഹേ', 'ഫാലിമി' എന്നീ ബ്ലോക്ക് ബസ്റ്റർ ചിത്രങ്ങൾക്ക് ശേഷം ചീയേഴ്സ് എന്റർടൈൻമെന്റ്സിന്റെ ബാനറിൽ…

4 days ago

കുഞ്ചാക്കോ ബോബൻ,രതീഷ് പൊതുവാൾ, ലിസ്റ്റിൻ സ്റ്റീഫൻ ചിത്രം ” ഒരു ദുരൂഹ സാഹചര്യത്തിൽ” പാക്കപ്പ് ആയി

"എന്നാ താൻ കേസ് കൊട് "എന്ന സൂപ്പർ ഹിറ്റ് ചിത്രത്തിനുശേഷം ലിസ്റ്റിൻ സ്റ്റീഫന്റെ നിർമ്മാണ പങ്കാളിത്തത്തിൽ കുഞ്ചാക്കോ ബോബനും രതീഷ്…

4 days ago