നടനും ഗായകനും നിർമ്മാതാവും സംവിധായകനും രചയിതാവുമൊക്കെയായ, മലയാള സിനിമയുടെ പുതിയ തലമുറയിലെ ഓൾ റൗണ്ടറായ വിനീത് ശ്രീനിവാസൻ ഒരുക്കുന്ന പുതിയ ചിത്രമാണ് ഹൃദയം. യുവ താരം പ്രണവ് മോഹൻലാലിനെ നായകനാക്കി വിനീത് ഒരുക്കുന്ന ഈ ചിത്രത്തിലെ നായികാ കഥാപാത്രങ്ങളായി എത്തുന്നത് കല്യാണി പ്രിയദർശനും ദർശന രാജേന്ദ്രനുമാണ്. കുറച്ചു ദിവസം മുൻപ് ഇതിലെ ദര്ശനയുടെ ഫസ്റ്റ് ലുക്ക് പോസ്റ്റർ പുറത്തു വിട്ടിരുന്നു. ഇപ്പോഴിതാ, കല്യാണി പ്രിയദര്ശന്റെ പോസ്റ്റർ കൂടി പുറത്തു വിട്ടിരിക്കുകയാണ് ഹൃദയം ടീം. കംപ്ലീറ്റ് ആക്ടർ മോഹൻലാൽ ആണ് കഴിഞ്ഞ ദിവസം ഈ പോസ്റ്റർ പുറത്തു വിട്ടത്. ഇനി വരാൻ ഉള്ളത് ചിത്രത്തിലെ നായകൻ പ്രണവ് മോഹൻലാലിന്റെ ഫസ്റ്റ് ലുക്ക് പോസ്റ്ററാണ്. പ്രണവിന്റെ ജന്മദിനമായ ജൂലൈ പതിമൂന്നിന് ഈ പോസ്റ്റർ പുറത്തു വിടുമെന്നുള്ള റിപ്പോർട്ടുകളാണ് ഇപ്പോൾ ലഭിക്കുന്നത്. 97 % ഉം ഷൂട്ടിംഗ് പൂർത്തിയായ ഈ ചിത്രത്തിലെ ഒരു ഗാനം മാത്രമാണ് ഇനി ബാക്കി ഉള്ളത്. ചിത്രത്തിന്റെ ഡബ്ബിങ്ങും ഒരുവിധം തീർന്നു കഴിഞ്ഞു എന്നും അറിയാൻ സാധിക്കുന്നു.
മെറിലാൻഡ് സിനിമാസിന്റെ ബാനറില് വിശാഖ് സുബ്രഹ്മണ്യം നിര്മിക്കുന്ന ഈ ചിത്രത്തിന് സംഗീതമൊരുക്കുന്നത് ഹിഷാം അബ്ദുൽ വഹാബും കാമറ ചലിപ്പിക്കുന്നത് വിശ്വജിത്തുമാണ്. ഒരു ചെറുപ്പക്കാരന്റെ 17 വയസ്സ് മുതൽ 30 വയസ്സുവരെയുള്ള ജീവിത യാത്രയുടെ കഥയാണ് ഈ ചിത്രം പറയുന്നത് എന്നും അങ്ങനെ ആ കാലഘട്ടത്തിൽ ഒരാളുടെ ജീവിതത്തിൽ കടന്നു വരാൻ സാധ്യതയുള്ള എല്ലാ കാര്യങ്ങളും ഈ ചിത്രത്തിന്റെ കഥയിലും കടന്നു വരുമെന്നും നിർമ്മാതാവ് നേരത്തെ തന്നെ വെളിപ്പെടുത്തിയിരുന്നു. പതിനഞ്ചോളം ഗാനങ്ങൾ ആണ് ഈ ചിത്രത്തിൽ ഉണ്ടാവുക എന്നതിനൊപ്പം യുവ സൂപ്പർ താരം പൃഥ്വിരാജ് സുകുമാരൻ ഇതിൽ ഒരു ഗാനം ആലപിച്ചിട്ടുണ്ട് എന്നതും ഹൃദയത്തിലെ ഗാനങ്ങൾക്ക് വേണ്ടി കാത്തിരിക്കാൻ പ്രേക്ഷകരെ പ്രേരിപ്പിക്കുന്നു. രഞ്ജൻ എബ്രഹാം ആണ് ഹൃദയം എഡിറ്റ് ചെയ്യുന്നത്.
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
മലയാള സിനിമയിലെ ഇതിഹാസ തുല്യനായ സംവിധായകൻ പ്രിയദർശന്റെ കരിയറിലെ നൂറാം ചിത്രം അടുത്ത വർഷം ആരംഭിക്കും. തന്റെ ആദ്യ ചിത്രത്തിലെ…
നടൻ കലാഭവൻ നവാസ് അന്തരിച്ചു. 51 വയസ്സായിരുന്നു. ഹൃദയാഘാതം മൂലമാണ് മരണമെന്നാണ് റിപ്പോർട്ട്. ചോറ്റാനിക്കരയിലെ ഹോട്ടൽ മുറിയിൽ അദ്ദേഹത്തെ മരിച്ച…
This website uses cookies.