ഐ.പി.എസ് ബന്‍വാര്‍ സിങന്റെ ലുക്ക് ഏറ്റെടുത്തു സോഷ്യൽ മീഡിയ

മലയാളികളുടെ പ്രിയ നടൻ ഫഹദ് ഫാസിലിന്റെ തെലുങ്ക് അരങ്ങേറ്റചിത്രമാണ് ‘പുഷ്പ’. അല്ലു അർജുൻ നായകനാവുന്ന ചിത്രത്തിൽ വില്ലനായാണ് ഫഹദ് എത്തുന്നത്. ചിത്രത്തിലെ ഫഹദിന്റെ ഫസ്റ്റ് ലുക്ക് പുറത്ത് വിട്ടിരിക്കുകയാണ് അണിയറപ്രവർത്തകർ. ബന്‍വാര്‍ സിങ് ഷെഖാവത്ത് ഐ.പി.എസ് എന്ന് പേരുള്ള പോലീസ് ഉദ്യോഗസ്ഥന്റെ വേഷമാണ് ഫഹദിന്റേത്. തല മൊട്ടയടിച്ച്, ഇതുവരെ പ്രേക്ഷകർ കാണാത്തൊരു ലുക്കിലാണ് ഫഹദ് എത്തുന്നത്. ഫഹദ് ഫാസിലിന്റെ പുതിയ ലുക്ക് ആരാധകർക്കൊപ്പം സോഷ്യൽ മീഡിയും ഏറ്റെടുത്തിരിക്കുകയാണ്

ആര്യ, ആര്യ 2 തുടങ്ങിയ മെഗാഹിറ്റുകള്‍ക്ക് ശേഷം അല്ലുവും സുകുമാറും ഒരുമിക്കുന്ന ചിത്രമാണിത്. രക്തചന്ദന കടത്തുകാരനായ പുഷ്പരാജായിട്ടാണ് അല്ലു അർജുൻ എത്തുന്നത്. 250 കോടി രൂപ ചിലവിൽ ഒരുങ്ങുന്ന ചിത്രത്തിൽ ചിത്രത്തിനായി 70 കോടി രൂപയാണ് അല്ലു പ്രതിഫലമായി വാങ്ങിയതെന്നാണ് പുറത്തുവരുന്ന റിപ്പോർട്ടുകൾ.

മിറോസ്ലോ കുബ ബറോസ്‌ ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന് , ദേവി ശ്രീ പ്രസാദാണ് സംഗീതം സംവിധാനവും സൗണ്ട് ട്രാക്കും നിർവഹിയ്കന്നത്. ഓസ്‌കർ ജേതാവ് റസൂൽ പൂക്കുട്ടി സൗണ്ട് എൻജിനീയറായി എത്തുന്ന ചിത്രത്തിന് വേണ്ടി ചിത്രസംയോജനം നടത്തുന്നത് കാർത്തിക് ശ്രീനിവാസാണ്‌.പീറ്റര്‍ ഹെയ്‌നും രാം ലക്ഷമണുമാണ് ചേർന്നാണ് ചിത്രത്തിന്റെ സംഘട്ടന രംഗങ്ങൾ ഒരുക്കിയിരിക്കുന്നത് .

രണ്ടു ഭാഗങ്ങളായി തെലുങ്കിനോടൊപ്പം തമിഴ്, ഹിന്ദി, കന്നഡ, മലയാളം എന്നീ ഭാഷകളിലും ചിത്രം റിലീസ് ചെയുന്ന ചിത്രത്തിൽ രശ്മിക മന്ദാന, ധനഞ്ജയ്, സുനില്‍, അജയ് ഘോഷ് എന്നിവരാണ് ചിത്രത്തില്‍ മറ്റു താരങ്ങൾ.