ഇന്ത്യൻ മുഴുവൻ തരംഗമായി മാറിയ യാഷ്- പ്രശാന്ത് നീൽ ടീമിന്റെ കെ ജി എഫ് സീരിസും റിഷാബ് ഷെട്ടിയുടെ കാന്താരയും നിർമ്മിച്ച ഹോംബാലെ ഫിലിംസിന്റെ ഏറ്റവും പുതിയ ചിത്രത്തിന്റെ ഷൂട്ടിംഗ് പൂർത്തിയായി. മലയാളത്തിന്റെ യുവതാരം ഫഹദ് ഫാസിലിനെ നായകനാക്കി മലയാളത്തിലും കന്നഡയിലുമായി ഒരുക്കുന്ന ധൂമം എന്ന ചിത്രത്തിന്റെ ഷൂട്ടിംഗ് ആണ് പൂർത്തിയായത്. ഈ ചിത്രത്തിലെ ഫഹദ് ഫാസിലിന്റെ ഭാഗമാണ് പൂർത്തിയായതെന്നും കുറച്ചു ദിവസങ്ങൾ കൊണ്ട് ചിത്രം പാക്കപ്പ് ആവുമെന്നുമാണ് സൂചന. കന്നഡയിലെ സൂപ്പർ ഹിറ്റ് സംവിധായകൻ പവൻ കുമാറിന്റെ സംവിധാനത്തിൽ ഒരുങ്ങുന്ന ചിത്രത്തിൽ ദേശീയ അവാർഡ് ജേതാവായ മലയാളി നായികാ താരം അപർണ്ണ ബാലമുരളിയാണ് പ്രധാന സ്ത്രീ കഥാപാത്രത്തിന് ജീവൻ നൽകുന്നത്. മലയാള യുവ നടൻ റോഷൻ മാത്യുവും ഈ ചിത്രത്തിൽ നിർണ്ണായകമായ ഒരു വേഷം ചെയ്യുന്നുണ്ട്.
പ്രീത ജയരാമൻ ക്യാമറ ചലിപ്പിച്ച ഈ ചിത്രത്തിന് സംഗീത സംവിധാനം നിർവഹിക്കുന്നത് പൂര്ണചന്ദ്ര തേജസ്വിയാണ്. കഴിഞ്ഞ വർഷം ഒക്ടോബര് ഒമ്പതിനാണ് ഈ ചിത്രത്തിന്റെ ഷൂട്ടിംഗ് ആരംഭിച്ചത്. ഹോംബാലെ ഫിലിംസിന്റെ ബാനറില് വിജയ് കിരഗന്ദുര് നിർമ്മിക്കുന്ന ഈ ചിത്രം മലയാളം, കന്നഡ കൂടാതെ തമിഴ്, തെലുങ്ക് എന്നീ ഭാഷകളിലും റിലീസ് ചെയ്യും. ഈ ഫഹദ് ഫാസിൽ ചിത്രം കൂടാതെ പൃഥ്വിരാജ് സുകുമാരൻ സംവിധാനം ചെയ്ത് നായകനായി അഭിനയിക്കാൻ പ്ലാൻ ചെയ്യുന്ന ടൈസൺ എന്ന ചിത്രവും ഹോംബാലെ ഫിലിംസ് നിർമ്മിക്കുന്നുണ്ട്. പൃഥ്വിരാജ് തന്റെ മോഹൻലാൽ ചിത്രമായ എംപുരാൻ പൂർത്തിയാക്കിയ ശേഷം ആയിരിക്കും ടൈസന്റെ ജോലികളിലേക്ക് കടക്കുക. പ്രഭാസ് നായകനാവുന്ന പ്രശാന്ത് നീൽ ചിത്രം സലാർ, കീർത്തി സുരേഷ് നായികയായി എത്തുന്ന രഘു താത്ത എന്ന തമിഴ് ചിത്രവും ഇപ്പോൾ ഹോംബാലെ നിർമ്മിക്കുന്ന ചിത്രങ്ങളാണ്.
കൃത്യമായ പ്രാസത്തിലും താളത്തിലും വാക്കുകൾ ക്രമീകരിക്കുന്നതിൽ അവിശ്വസനീയമായ കഴിവ് തെളിയിച്ച റാപ്പർ ഫെജോയുടെ പുതിയ ഗാനം പുറത്തിറങ്ങി. ‘ബേബി കൂൾ…
ബ്ലോക്ക്ബസ്റ്റർ "കിഷ്കിന്ധ കാണ്ഡം" എന്ന മിസ്റ്ററി ത്രില്ലർ ചിത്രത്തിനു ശേഷം സംവിധായകൻ ദിൻജിത് അയ്യത്താൻ, തിരക്കഥാകൃത്ത് ബാഹുൽ രമേശ് എന്നിവർ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന ‘പാതിരാത്രി’ എന്ന ചിത്രത്തിന്റെ ആദ്യഗാനം പുറത്തിറങ്ങി.…
ക്യാമറയ്ക്ക് മുന്നിലും പിന്നിലുമായി ഒരു കൂട്ടം പുതുമുഖങ്ങളെ അണിനിരത്തിക്കൊണ്ട് മലയാള സിനിമ ചരിത്രത്തിൽ തന്നെ പുതിയ ഒരു തുടക്കം കുറിക്കുകയാണ്…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ഓഡിയോ ലോഞ്ച്…
മോഹൻലാൽ നായകനായ "രാവണപ്രഭു" റീ റിലീസിലും ബ്ലോക്ക്ബസ്റ്റർ. 2 ദിനം കൊണ്ട് 1.8 കോടി രൂപയാണ് ചിത്രം നേടിയ ആഗോള…
This website uses cookies.