ഹൗസ്ഫുൾ ഷോകളുമായി ഫഹദ് ഫാസിലിന്റെ മലയൻ കുഞ്ഞ്; വിജയം ആഘോഷിച്ച് താരം; വീഡിയോ കാണാം

തന്റെ ഏറ്റവും പുതിയ ചിത്രമായ മലയൻ കുഞ്ഞ് നേടുന്ന വിജയം ആഘോഷിക്കുന്ന തിരക്കിലാണ് ഇപ്പോൾ ഫഹദ് ഫാസിൽ. ഫഹദിന്റെ അച്ഛനും പ്രശസ്ത സംവിധായകനുമായ ഫാസിൽ നിർമ്മിച്ച ഈ ചിത്രത്തിന്റെ വിജയം ഫഹദ് ആഘോഷിക്കുന്ന വീഡിയോയാണ് ഇപ്പോൾ സോഷ്യൽ മീഡിയയുടെ ശ്രദ്ധ നേടുന്നത്. നവാഗതനായ സജിമോൻ സംവിധാനം ചെയ്ത ഈ ചിത്രം രചിച്ചത്, സൂപ്പർ ഹിറ്റ് ചിത്രങ്ങളായ ടേക്ക് ഓഫ്, മാലിക്, സീ യു സൂൺ എന്നിവയൊരുക്കിയ മഹേഷ് നാരായണൻ ആണ്. അദ്ദേഹം ആദ്യമായി ഛായാഗ്രഹണവും നിർവഹിച്ച ഈ ചിത്രം ഒരു സർവൈവൽ ത്രില്ലറായാണ് ഒരുക്കിയിരിക്കുന്നത്. ഫഹദിന്റെ കരിയറിലെ തന്നെ ഏറ്റവു മുതൽ മുടക്കുള്ള ചിത്രമായി ഒരുക്കിയ മലയൻ കുഞ്ഞ്, പ്രേക്ഷകരുടെ ഇടയിൽ നിന്നും നിരൂപകരുടെ ഇടയിൽ നിന്നും വലിയ കയ്യടിയാണ് നേടുന്നത്. ഫഹദിന്റെ ഗംഭീര പ്രകടനമാണ് ഈ ചിത്രത്തിന്റെ ഒരു ഹൈലൈറ്റ്.

https://youtube.com/shorts/bJ3KLxyRfJU

അനികുട്ടൻ എന്ന കഥാപാത്രമായി ഫഹദ് കാഴ്ചവെച്ചിരിക്കുന്നത് മനോഹരമായ പ്രകടനമാണ്. കഥാപാത്രമായി തിരശീലയിൽ ജീവിക്കുന്ന ഫഹദ് മാജിക് ആണ് ഈ ചിത്രവും നമ്മുക്ക് തരുന്നത്. അതുപോലെ തന്നെ ഉരുൾ പൊട്ടലിൽ ഭൂമിക്കടിയിൽ പെട്ട് പോകുന്ന അനികുട്ടന്റെ അതിജീവനം ചിത്രീകരിച്ചിരിക്കുന്നതും ഗംഭീരമായാണ്. ക്യാമറ വർക്ക്, കലാസംവിധാനം, എഡിറ്റിംഗ് എന്നിവയെല്ലാം മികച്ചു നിന്നതോടെ ഈ ചിത്രം സാങ്കേതികമായി വലിയ നിലവാരമാണ് പുലർത്തുന്നത്. സംഗീത മാന്ത്രികൻ എ ആർ റഹ്മാൻ ഒരുക്കിയ പശ്‌ചാത്തല സംഗീതമാണ് മലയൻ കുഞ്ഞിന്റെ മറ്റൊരു ഹൈലൈറ്റ്. അദ്ദേഹമൊരുക്കിയ ഗാനങ്ങളും ശ്രദ്ധ നേടുന്നുണ്ട്. ഏതായാലും മലയാള സിനിമ പ്രേമികൾക്ക് മുൻപ് കിട്ടാത്ത ഒരു സിനിമാനുഭവം സമ്മാനിക്കുന്ന ഈ ചിത്രം ഇപ്പോൾ കേരളത്തിലെ തീയേറ്ററുകളിൽ നിറഞ്ഞ സദസ്സിലാണ് പ്രദർശിപ്പിക്കുന്നത്.