ഈ വർഷത്തെ ഏറ്റവും വലിയ ഹിറ്റുകളിൽ ഒന്നായി മാറിയ ചിത്രമാണ് ടോവിനോ തോമസ് നായകനായ തല്ലുമാല. ഖാലിദ് റഹ്മാൻ സംവിധാനം ചെയ്ത ഈ ചിത്രം നിർമ്മിച്ചത് ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനാണ്. ഇപ്പോഴിതാ തല്ലുമാലയുടെ സൂപ്പർ വിജയത്തിന് ശേഷം അദ്ദേഹമെത്തുന്നത് ഒരു ഫഹദ് ഫാസിൽ ചിത്രം നിർമ്മിച്ച് കൊണ്ടാണ്. ഫഹദ് ഫാസിലിനെ നായകനാക്കി അൽത്താഫ് സലിം സംവിധാനം ചെയ്യാൻ പോകുന്ന ഈ ചിത്രത്തിന്റെ പേര് ഓടും കുതിര ചാടും കുതിര എന്നാണ്. നിവിൻ പോളിയെ നായകനാക്കി ഞണ്ടുകളുടെ നാട്ടിൽ ഒരിടവേള എന്ന സൂപ്പർ ഹിറ്റ് ചിത്രം സംവിധാനം ചെയ്തുകൊണ്ടേരങ്ങേറ്റം കുറിച്ച സംവിധായകനാണ് അൽത്താഫ് സലിം. സംവിധായകൻ തന്നെ തിരക്കഥയും രചിച്ച ഈ ചിത്രത്തിന്റെ ടൈറ്റിൽ പോസ്റ്ററാണ് ഇപ്പോൾ പുറത്തു വിട്ടിരിക്കുന്നത്.
ആനന്ദ് സി ചന്ദ്രൻ ക്യാമറ ചലിപ്പിക്കാൻ പോകുന്ന ഈ ചിത്രത്തിന് സംഗീതമൊരുക്കുന്നത് ജസ്റ്റിൻ വർഗീസാണ്. അഭിനവ് സുന്ദർ നായക് ആണ് ഈ ചിത്രത്തിന്റെ എഡിറ്റർ. ചന്ദ്രേട്ടന് എവിടെയാ, കലി. അഞ്ചാം പാതിരാ, ഡിയര് ഫ്രണ്ട്, തല്ലുമാല തുടങ്ങി നിരവധി ചിത്രങ്ങള് നിർമ്മിച്ചിട്ടുള്ള ആഷിക് ഉസ്മാൻ ആദ്യമായി നിർമ്മിച്ചത് അരികില് ഒരാള് എന്ന ചിത്രമാണ്. ഞണ്ടുകളുടെ നാട്ടിൽ ഒരിടവേള സംവിധാനം ചെയ്ത അൽത്താഫ് അതിനു മുൻപ് പ്രേമം എന്ന അൽഫോൻസ് പുത്രൻ- നിവിൻ പോളി ചിത്രത്തിലൂടെ നടനായും ശ്രദ്ധ നേടിയിരുന്നു. സംവിധായകനായുള്ള അരങ്ങേറ്റത്തിന് ശേഷവും ഒരുപിടി ചിത്രങ്ങളിൽ അഭിനയിച്ച് കയ്യടി നേടിയ ആളാണ് അൽത്താഫ് സലിം. സെന്ട്രല് പിക്ചേഴ്സ് ആണ് ഓടും കുതിര ചാടും കുതിര തീയേറ്ററുകളിൽ എത്തിക്കുക.
മലയാളത്തിലെ പ്രശസ്ത സംവിധായകനായ അൻവർ റഷീദിന്റെ പുതിയ പ്രൊജെക്ടുകളെ കുറിച്ചുള്ള വാർത്തകളാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. രാജമാണിക്യം, ചോട്ടാ…
മലയാളത്തിന്റെ മെഗാസ്റ്റാർ മമ്മൂട്ടിയുടെ ഏറ്റവും പുതിയ ലുക്ക് ആണ് ഇപ്പോൾ സോഷ്യൽ മീഡിയയിൽ സംസാര വിഷയം. മുടി പിന്നിലേക്ക് ചീകിയൊതുക്കി,…
കേരളത്തിൽ നിന്ന് മാത്രം 50 കോടി രൂപ ഗ്രോസ് കളക്ഷൻ നേടുന്ന ചിത്രങ്ങളിൽ ഒന്നായി ടോവിനോ തോമസിന്റെ അജയന്റെ രണ്ടാം…
മെഗാബ്ലോക്ക്ബസ്റ്റർ വിജയം നേടി മുന്നേറുന്ന ടോവിനോ തോമസ് ചിത്രം അജയന്റെ രണ്ടാം മോഷണത്തിന് കയ്യടിയുമായി പ്രശസ്ത സംവിധായകൻ ജൂഡ് ആന്റണി…
മാജിക് ഫ്രെയിംസിന്റെ ചരിത്രത്തിലെ ഏറ്റവും വലിയ ബോക്സ് ഓഫീസ് തേരോട്ടമാണ് 3D A.R.M ലൂടെ മലയാള സിനിമ സാക്ഷ്യം വഹിക്കുന്നത്…
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
This website uses cookies.