ആഗോള തലത്തിൽ സൂപ്പർ വിജയം നേടിയ മലയാളത്തിലെ ആദ്യത്തെ സൂപ്പർ ഹീറോ ചിത്രമായിരുന്നു മിന്നൽ മുരളി. ടോവിനോ തോമസിനെ നായകനാക്കി ബേസിൽ ജോസഫ് സംവിധാനം ചെയ്ത ഈ ചിത്രം നിർമ്മിച്ചത് വീക്കെൻഡ് ബ്ലോക്ക്ബസ്റ്റർസ് ആണ്. നേരിട്ടുള്ള ഒറ്റിറ്റി റിലീസായി നെറ്റ്ഫ്ലിക്സിലാണ് ഈ ചിത്രം റിലീസ് ചെയ്തത്. മിന്നൽ മുരളിക്ക് മുൻപ്, കുഞ്ഞി രാമായണം, ഗോദ എന്നീ ചിത്രങ്ങളും ബേസിൽ ജോസഫ് സംവിധാനം ചെയ്തു വിജയം നേടിയിരുന്നു. മിന്നൽ മുരളിയുടെ വിജയത്തോടെ മലയാളത്തിലെ ഏറ്റവും കൂടുതൽ താരമൂല്യമുള്ള സംവിധായകരിലൊരാളായി കൂടി ബേസിൽ ജോസഫ് മാറി. ഇപ്പോൾ വരുന്ന പുത്തൻ റിപ്പോർട്ടുകൾ പ്രകാരം തന്റെ അടുത്ത ചിത്രമൊരുക്കാനുള്ള തയ്യാറെടുപ്പിലാണ് ബേസിൽ ജോസഫ്. പ്രശസ്ത യുവ താരം ഫഹദ് ഫാസിൽ ആണ് ഈ ചിത്രത്തിലെ നായകനായി എത്തുക എന്ന വിവരങ്ങളാണ് പുറത്ത് വരുന്നത്.
അതുപോലെ തന്നെ ഈ ചിത്രം നിർമ്മിക്കുന്നത് സംവിധായകനും നടനുമായ ദിലീഷ് പോത്തന്റെ നിർമ്മാണ കമ്പനിയായ ഭാവന സ്റ്റുഡിയോസ് ആണെന്നും വാർത്തകൾ വരുന്നുണ്ട്. ഫഹദ് ഫാസിൽ, ശ്യാം പുഷ്കരൻ എന്നിവർ പങ്കാളികളായ നിർമ്മാണ കമ്പനി കൂടിയാണ് ഭാവനാ സ്റ്റുഡിയോസ്. മിന്നൽ മുരളിക്ക് തിരക്കഥയൊരുക്കിയ ജസ്റ്റിൻ മാത്യൂ, അരുൺ അനിരുദ്ധൻ എന്നിവർ തന്നെയാണ് ഈ പുതിയ ബേസിൽ ജോസഫ്- ഫഹദ് ഫാസിൽ ചിത്രത്തിനും തിരക്കഥ രചിക്കുന്നതെന്നാണ് സൂചന. ഇത് സംബന്ധിച്ച ഒഫീഷ്യൽ പ്രഖ്യാപനം ഇതുവരെ ഉണ്ടായിട്ടില്ലെങ്കിലും, വൈകാതെ തന്നെ അത് പുറത്ത് വിടുമെന്നാണ് പ്രതീക്ഷിക്കപ്പെടുന്നത്. വാർത്തകൾ സത്യമാണെങ്കിൽ, വളരെ വ്യത്യസ്തമായ ഒരു ചിത്രമായിരിക്കും ഈ കൂട്ടുകെട്ടിൽ നിന്നുണ്ടാവുക. അത്തരമൊരു ചിത്രത്തിനായുള്ള കാത്തിരിപ്പിലാണ് ഇപ്പോൾ മലയാള സിനിമാ പ്രേമികൾ. മലയൻ കുഞ്ഞ്, തമിഴ് ചിത്രം മാമന്നൻ, അഖിൽ സത്യൻ ചിത്രം പാച്ചുവും അത്ഭുത വിളക്കും എന്നിവയാണ് ഇനി ഈ വർഷം റിലീസ് ചെയ്യാനുള്ള ഫഹദ് ഫാസിൽ ചിത്രങ്ങൾ.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.