കംപ്ലീറ്റ് ആക്ടർ മോഹൻലാലിനെ നായകനാക്കി പ്രിയദർശൻ ഒരുക്കിയ മരക്കാർ അറബിക്കടലിന്റെ സിംഹം എന്ന ചിത്രമാണ് കഴിഞ്ഞ ഏതാനും ദിവസങ്ങളായി സോഷ്യൽ മീഡിയയിൽ നിറഞ്ഞു നിൽക്കുന്നത്. കോവിഡ് പ്രതിസന്ധി മൂലം രണ്ടു വർഷമായി നിർമ്മാതാവ് ആന്റണി പെരുമ്പാവൂർ, തീയേറ്റർ റിലീസിന് വേണ്ടി ഹോൾഡ് ചെയ്തു വെച്ചിരിക്കുന്ന ചിത്രമാണിത്. മലയാള സിനിമയിലെ ഏറ്റവും മുതൽ മുടക്കുള്ള ചിത്രമായ മരക്കാരിനു വേണ്ടി എൺപതു കോടിയോളമാണ് നിർമ്മാതാവ് മുടക്കിയിരിക്കുന്നത്. എന്നാൽ ഇനിയും ഈ ചിത്രം കയ്യിൽ വെച്ച് കൊണ്ടിരിക്കാൻ പറ്റാത്ത അവസ്ഥ ആണുള്ളത് എന്നും, മുടക്കു മുതൽ എങ്കിലും തിരിച്ചു പിടിക്കാൻ പാകത്തിന് തീയേറ്ററുകൾ റിലീസ് വ്യവസ്ഥകൾ അംഗീകരിച്ചില്ലെങ്കിൽ ചിത്രം ഒടിടി പ്ലാറ്റ്ഫോമിന് വിൽക്കേണ്ടി വരും എന്നും ആന്റണി പെരുമ്പാവൂർ അറിയിച്ചിരുന്നു. എന്നാൽ മരക്കാർ തീയേറ്ററിൽ തന്നെ കളിക്കണം എന്ന നിലപട് ആണ് തീയേറ്റർ അസോസിയേഷന് ഉള്ളത്. പക്ഷെ നിർമ്മാതാക്കളും വിതരണക്കാരും ആന്റണി പെരുമ്പാവൂരിനു ഒപ്പമാണ്. ഇപ്പോഴിതാ കഴിഞ്ഞ ദിവസത്തെ ഫിലിം ചേംബർ മീറ്റിംഗ് കഴിഞ്ഞുള്ള തീരുമാനം മാധ്യമങ്ങളെ അറിയിക്കുകയാണ് നിർമ്മാതാക്കളുടെ സംഘടനകളുടെ തലപ്പത്തുള്ള ജി സുരേഷ് കുമാർ.
മരക്കാർ അറബിക്കടലിന്റെ സിംഹം എന്ന സിനിമ തിയേറ്ററിൽ തന്നെ റിലീസ് ചെയ്യുവാനുള്ള ശ്രമങ്ങൾ തുടരുമെന്നും മോഹൻലാലിനെയും നിർമാതാവ് ആന്റണി പെരുമ്പാവൂരിനെയും കാണുമെന്നും സുരേഷ് കുമാർ പറയുന്നു. മരക്കാർ ഇതുവരെ ഏതെങ്കിലും ഒരു ഒടിടി പ്ലാറ്റ്ഫോമിന് നൽകിയതായി തന്റെ അറിവിൽ ഇല്ല എന്നും അങ്ങനെ ചെയ്താൽ പിന്നീട് സിനിമ തിയേറ്ററിൽ പ്രദർശിപ്പിക്കില്ല എന്നാണ് ഫിലിം ചേംബറിന്റെ തീരുമാനം എന്നും അദ്ദേഹം അറിയിച്ചു. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര്, സന്തോഷ് ടി കുരുവിള, റോയ് സി ജെ എന്നിവരാണ് ഈ ചിത്രം നിർമ്മിച്ചത്. നിർമ്മാതാവിന് മുടക്കു മുതൽ തിരിച്ചു പിടിക്കാൻ എന്തെങ്കിലും അവസരം നൽകുന്ന നിലയിൽ ഉള്ള വ്യവസ്ഥകൾക്കു തീയേറ്റർ ഉടമകൾ പച്ചക്കൊടി കാണിക്കാതെ, ചിത്രം അമ്പതു ശതമാനം ആളുകളെ മാത്രം കയറ്റി റിലീസ് ചെയ്യാനാവില്ല എന്നും, പ്രതിസന്ധിയിൽ അകപ്പെട്ടു നിൽക്കുന്ന നിർമ്മാതാവിന് ആയിരിക്കും പൂർണ്ണ പിന്തുണ എന്നും നിർമ്മാതാക്കളും വിതരണക്കാരും അറിയിച്ചിട്ടുണ്ട്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.