ഗ്ലാമർ വേഷത്തിൽ അമല പോൾ; കൂട്ടുകാരികൾക്കൊപ്പം ജന്മദിനം ആഘോഷിച്ചു താരം; വീഡിയോ കാണാം..!

പ്രശസ്ത തെന്നിന്ത്യൻ നായികയും മലയാളിയുമായ അമല പോൾ തന്റെ ജന്മദിനം ആഘോഷിച്ചത് രണ്ടു ദിവസം മുൻപാണ്. ഇപ്പോൾ ഒരുപിടി മികച്ച ചിത്രങ്ങളും അതുപോലെ വെബ് സീരീസുകളുമായി തിരക്കിലാണ് ഈ താരം. ഒരു മികച്ച നടി എന്ന രീതിയിലും അതുപോലെ തന്റെ സൗന്ദര്യം കൊണ്ടും ആരാധകരെ നേടിയ ഈ താരം സോഷ്യൽ മീഡിയയിലും സജീവമാണ്. വളരെ ഗ്ലാമറസ് ആയുള്ള വേഷങ്ങൾ സിനിമയിൽ ചെയ്യാൻ യാതൊരു മടിയും കാണിക്കാത്ത ഈ നടി അത്തരം ചിത്രങ്ങളും വീഡിയോകളും സോഷ്യൽ മീഡിയ വഴിയും പങ്കു വെക്കാറുണ്ട്. അതിനൊക്കെ വലിയ പ്രചാരമാണ് ലഭിക്കാറുള്ളതും. ഇപ്പോഴിതാ ബിക്കിനി അണിഞ്ഞും ഗ്ലാമറസ് ലുക്കിലുമുള്ള അമല പോളിന്റെ ഏതാനും വീഡിയോകൾ ആണ് സോഷ്യൽ മീഡിയയുടെ ശ്രദ്ധ നേടുന്നത്. ഇൻസ്റ്റാഗ്രാം വഴി താരം തന്നെയാണ് അത് പങ്കു വെച്ചിരിക്കുന്നതും.

അമല പോളിന് ജന്മദിന ആശംസകൾ നേർന്നു കൊണ്ട് കൂട്ടുകാരികൾ ഇട്ട വീഡിയോകൾ ആണ് അമല പോൾ തന്നെ പങ്കു വെച്ചിരിക്കുന്നത്. ഒരു പറ്റം സുഹൃത്തുക്കൾക്കൊപ്പം പൂൾ പാർട്ടി നടത്തുന്ന അമല പോളിനെ ആണ് ഈ വീഡിയോയിൽ കാണാൻ സാധിക്കുക. അമല പോളിന്റെ ഒപ്പം ഒന്നിലധികം സെലിബ്രിറ്റി സുഹൃത്തുക്കൾ ആണുള്ളത്. ഏതായാലും ഈ ആഘോഷ വീഡിയോകൾ ആരാധകർ ഏറ്റെടുത്തു കഴിഞ്ഞു. വർഷങ്ങൾക്കു മുൻപ് പ്രശസ്ത തമിഴ് സംവിധായകൻ എ എൽ വിജയ്‌യെ പ്രണയിച്ചു വിവാഹം കഴിച്ച അമല പോൾ, കുറച്ചു നാളിനു ശേഷം ബന്ധം വേർപ്പെടുത്തിയിരുന്നു. മലയാളത്തിലും തമിഴിലുമായി ഒട്ടേറെ സൂപ്പർ ഹിറ്റ് ചിത്രങ്ങളിൽ നായികയായി അഭിനയിച്ച അമല പോൾ മോഹൻലാൽ, വിജയ്, ഫഹദ് ഫാസിൽ, ധനുഷ് തുടങ്ങിയ ജനപ്രിയ താരങ്ങളുടെ നായികാ വേഷം ചെയ്തിട്ടുള്ള നടി കൂടിയാണ്.